Éxodo 15:17 - DIOSPA QHELQACHISQ

¹⁷ Tata Diosníy, Qanpaj ajllakusqayki orqoman pusawasqayku, chaypitaj wiñaypaj tiyachiwasqayku. Qan kikiykimin chayta wakicherqanki. Qanmin wasiykita ruwarqanki.

Qheshwa Biblia DC

¹⁷ Oh Señor, qan pusawayku ari tiyakunaykupaj sumaj llimphu orqoykiman, chayaqeyki orqopi tiyakunaykupaj, maypichus qan tiyakunki chaypi, maynejtachus qan Señor ajllakorqanki chaypi; chay llimphu cheqata makisniyki sayacherqa.

DIOSPA QHELQACHISQAN DEUTEROCANONICAL

¹⁷ Tata Diosníy, Qanpaj ajllakusqayki orqoman pusawasqayku, chaypitaj wiñaypaj tiyachiwasqayku. Qan kikiykimin chayta wakicherqanki. Qanmin wasiykita ruwarqanki.

Éxodo 15:17 Referans Kwoze

Salmos 44:2

2 (3) Qanmin makiykiwan qanta mana manchachikoj runakunata wijch'orqanki. Chay suyupi tiyakojkunata sarorqanki, tataykukunatataj chayman churarqanki.

Salmos 80:8

8 (9) Qanqa uva sach'ata jina Egiptomanta orqhomuwarqayku. Chantá qanta mana yupaychasojkunata wijch'uspa, chayman uvata mallkiykorqanki.

Jeremías 32:41

Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

Jeremías 2:21

Noqa qanta sumaj ajllasqa uvata jina mallkerqayki, chay mallkitaj sumajta poqoj uvamanta karqa. Kunantajrí imaynamanta mana allinta poqoj uva sach'aman tukorqankiri?

Éxodo 15:13

Mana jayk'aj tukukoj khuyakuyniykiwan kacharichisqayki israelitakunata pusashanki. Atiyniykiwantaj tiyakunayki cheqaman pusashanki.

Éxodo 23:20

Noqa angelniyta kachamusaj, ñanta rishajtiyki waqaychasunanpaj, qankunapaj wakichipusqay jallp'amantaj chayachisunaykichejpaj.

Éxodo 32:34

Kunanqa israelitakunata pusay, maymanchus pusanaykita nerqayki, chayman. Noqaj angelniytaj pusasonqa. Chaywanpis jasut'inay p'unchay chayamojtin, noqa paykunata juchankumanta jasut'isaj, nispa.

Deuteronomio 33:19

Paykunaqa waj suyukunamanta runata orqonkuman wajyanqanku. Chaypitaj Tata Dios jap'ikunanpaj jina q'olachisqa jaywanata jaywanqanku. Mama qochanta qhatuwan purispa, ganasqankumanta kusikonqanku, mama qocha kantu t'iyupi pakasqa qhapaj imakunata tarisqankumanta ima, nispa.

2 Samuel 7:10

Chay jawaqa wakichillarqanitaj uj cheqata Israel aylluypaj, chaypitaj paykunata churarqani kikin jallp'ankupi tiyakunankupaj. Ajinamanta mana pipis paykunawan chejninakonqankuchu, nitaj chay sajra ruwaj runakunapis ñawpajpi jina paykunata llakichenqankuchu,

1 Reyes 8:13

Noqataj sumaj Templota ruwapuyki, wiñaypaj chaypi tiyakunaykipaj, nispa.

Salmos 2:6

Noqaqa ajllakusqay kuraj kamachejta Sión orqopi kamachinanpaj tiyaykuchiniña noqapaj ajllakusqay Sión orqopi, nispa.

Salmos 68:16

16 (17) Jatuchaj orqokuna, imaraykutaj envidiakunkichej, maypichus Dios tiyakuyta munan, chay orqotari? Imajtintaj envidiakunkichej, maypichus Tata Dios wiñaypaj tiyakonqa, chaytari?

Salmos 76:2

2 (3) Paypa wasenqa Jerusalenpi kashan, tiyakunantaj Sión orqopi.

Salmos 80:15

15 (16) Qan kikiyki mallkisqaykita, ijimojkunata sumajta wiñachisqaykita ima qhawariy.

Salmos 114:2

Judá jatun aylloj jap'iynin Diosta yupaychana cheqaman tukorqa, Israel suyutaj paypa kamachinanman tukorqa.

Éxodo 25:8

Chaykunawan yupaychana toldota ruwapuwanqanku, noqa paykuna ukhupi tiyakunaypaj.

Josué 22:19

Sichus jap'isqaykichej jallp'a mana llimphuchu kasqanta qhawankichej chayqa, Tata Dios payta yupaychanapaj ajllakusqan cheqaman jampuychej ari. Noqaykoj jap'iyniykupitaj tiyakunaykichejpaj jallp'ata mask'akuychej ari. Ama Tata Diospa contranta juchallikuychejchu, nitaj noqaykoj contraykupi sayariychejchu, Tata Diosninchejpa altarnin kashajtin waj altarta ruwakuspa.

Ezequiel 37:26

Noqataj paykunawan allinpi kawsakunapaj mana jayk'aj tukukoj tratota ruwasaj. Paykunata ashkhaman mirachisaj, sumajtataj sayachisaj. Temploypis paykunaj chawpinkupi wiñaypaj kallanqapuni.

Ezequiel 37:28

Paykuna chawpipi Temploy wiñaypaj kashajtin, suyukuna yachanqanku noqa Tata Diosmin Israelta noqapaj wiñaypaj ajllakusqayta, nispa.