Éxodo 15:15 - DIOSPA QHELQACHISQ

¹⁵ Edompi kamachejkuna mancharenqanku. Moabpi kamachejkunapis manchachikuspa, kharkatitenqanku. Canaanpi tiyakojkunarí, ch'uchaliman tukonqanku.

Qheshwa Biblia DC

¹⁵ Edompi tiyakoj capitanespis mayta llakikonqanku. Moabpi kamachejkuna manchachikuywan kharkatitenqanku. Canaampi tukuy tiyakojkuna manchachikuywan q'ewakonqanku.

DIOSPA QHELQACHISQAN DEUTEROCANONICAL

¹⁵ Edompi kamachejkuna mancharenqanku. Moabpi kamachejkunapis manchachikuspa, kharkatitenqanku. Canaanpi tiyakojkunarí, ch'uchaliman tukonqanku.

Éxodo 15:15 Referans Kwoze

Josué 5:1

Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

Josué 2:11

Chayta yachaspataj, noqaykoqa maytapuni kharkatitispa llawch'iyayku. Chayrayku qankunawan maqanakunaykupaj manaña kallpapis kanchu, imaraykuchus Tata Diosniykichejqa janaj pachapi, kay pachapipis Diospuni.

Josué 2:9

Noqa yachani Tata Dios qankunaman kay jallp'ata qosqasuykichejta, chayrayku noqayku sinch'ita manchachikushayku. Tukuy kaypi tiyakojkunaqa qankunata manchachikuspa, wañushaykuña.

Deuteronomio 2:4

Israelitakunata kay jinata kamachiy: Qankunaqa aylluykichej Esaúj mirayninpa jallp'ankunejta chimpankichej, pikunachus Seirpi tiyakunku, chaykunaj jallp'ankunejta. Paykunaqa qankunata manchachikusunkichej. Chayrayku qankunaqa allinta qhawakuychej.

Génesis 36:40

Kaykuna Esaúj mirayninmanta kurajkuna karqanku, sapa ayllunkupi, sapa cheqapi: Timna, Alva, Jetet,

Habacuc 3:7

Noqaqa Cusanmanta kajkunata jatun llakiypi tukukushajta rikuni, Madianpi tiyakojkunatataj manchachikuywan k'umuykachashajta.

Nahúm 2:10

10 (11) Nínive llajtaqa phirisqa, thuñisqa, ch'inpachataj. Mancharikuywan chay llajtayojkunaj sonqonku phatashanña, moqonkupis kharkatitishan. Tukuyninkojta kallpankutaj manaña kanchu. Uyankupis t'ojrapachallaña.

Ezequiel 21:7

7 (12) Imamantachus waqasqaykita tapusojtinkutaj, ninki: May jatun llakiy chayamunanta yachaspa waqashani. Chaypacha tukuy runakuna mana kallpayoj, qollpirasqa, manchariywan kanqanku. Makinkupis llawch'iyanqa, tukuy chaki moqonkutaj manchariywan kharkatitenqanku. Chay p'unchay chayamushanña, chaytaj jinapuni kanqa. Noqa Tukuyta Kamachej Tata Diosmin chayta nini.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Isaías 13:7

Chayrayku tukuy runaj makinku llawch'iyanqa, jinallataj kallpankupis liwikaponqa.

Salmos 68:2

2 (3) Imaynatachus wayraqa q'oshñita chinkachin, ajinallatataj paykunata chinkachiy. Imaynatachus maphapis ninapi unuyapun, ajinallatataj millayta ruwajkuna Diospa ñawpaqenpi tukuchisqa kachunku.

2 Samuel 17:10

Aswan phiña león jina runakunapis sinch'ita iskayrayanqanku, imaraykuchus tukuy Israel ayllupi yachanku tatayki jina soldadonkunapis wapu kasqankuta.

1 Samuel 14:16

Benjamín jap'iypi Gabaa llajtapi Saulpa qhawaj soldadonkuna rikorqanku filisteokunaqa qhollpilla kayman jaqayman ayqeykachashasqankuta.

Josué 14:8

Noqawan rejkunarí mana cheqanta willaspa, israelitakunaj sonqonkuta iskayrayacherqanku. Noqarí Tata Diosniy imatachus nisqanta junt'arqani.

Josué 2:24

Paykuna Josueta nerqanku: Tata Diosqa chay tukuynin jallp'ata qowanchejña. Tukuy chaypi tiyakojkunaqa may jina mancharisqa kashanku, nispa.

Deuteronomio 20:8

Chay jawa kurajkunaqa soldadokunata nillanqankutaj: Sichus mayqenniykichej manchachikun, q'ewakuntaj chayqa, wasinman kutipuchun, soldado masinkunata ama iskayrayachinanpaj, nispa.

Génesis 36:15

Esaujpa mirayninmanta kurajkuna kaykuna karqanku. Esaujpa kuraj kaj churin Elifazpa mirayninmanta: Temán, Omar, Sefó, Cenaz,

Salmos 48:5

5 (6) Llajtata rikuspatajrí t'ukorqanku, manchachikuspataj, usqhayllata ayqerqanku.

Jeremías 49:23

Damascomanta parlaspataj, Tata Dios nerqa: Jamat llajta, Arfad llajta ima may p'enqachisqa kashanku, willajkuna llakiyta uyarichisqankurayku. Llakiywan junt'a kashanku, mana imatapis ruwayta atispa.

Génesis 36:16

Coré, Gatán, Amalec ima karqanku. Chaykuna Edom jap'iypi Elifazpa mirayninmanta kurajkuna karqanku. Tukuy paykuna Adaj churinkuna karqanku.

Habacuc 3:6

Pay sayarejtin, kay pacha kharkatitin. Qhawashajtillan, suyukuna chujchurinku. Ñawpa orqokuna urmaranku, unayniyoj lomakunapis pampachakunku. Diospa ñanninkunarí wiñay wiñaypaj.