Éxodo 15:10 - DIOSPA QHELQACHISQ

¹⁰ Qantajrí, kallpawan yakuta phukuspa, paykunata mama qochaman p'ultiykorqanki. Oqharikoj yakumantaj titi jina chinkaykorqanku.

Qheshwa Biblia DC

¹⁰ Qantaj wayraykiwan phukuchimunki, mar qochataj ujllata millp'uykun. Paykunataj titi jina chinkaykunku chay jina yaku oqharikoj ukhuman.

DIOSPA QHELQACHISQAN DEUTEROCANONICAL

¹⁰ Qantajrí, kallpawan yakuta phukuspa, paykunata mama qochaman p'ultiykorqanki. Oqharikoj yakumantaj titi jina chinkaykorqanku.

Éxodo 15:10 Referans Kwoze

Isaías 11:15

Tata Diosqa Egiptopi Puka Mama Qochata ch'akichenqa. Éufrates mayunejman makinta oqharispa, uj sinch'i wayrawan chay mayuta qanchis juch'uychaj mayukunaman t'aqarparenqa, runakuna mana juk'utankuta lluch'ukuspa chimpanankupaj.

Deuteronomio 11:4

Egipto llajtayojkunaj soldadonkuta, caballonkuta, carretankuta ima, Tata Dios imatachus ruwasqanta amallataj qonqaychejchu. Diosqa paykunata wañucherqa qankunata qhatiykushajtinku, Puka Mama Qochaman p'ultiykuspa. Ajinata Tata Dios paykunata wiñaypaj chinkarparicherqa.

Éxodo 15:5

Rumi jina ukhuman chinkaykunku, mama qochaj yakuntaj paykunata p'ampaykun.

Éxodo 14:21

Chantá Moisés mama qochanejman makinta oqharerqa. Tata Diostaj tukuy chay tuta inti llojsimuynejmanta sinch'ita wayrachimuspa, mama qochapi yakuta iskayman khallarparerqa. Ajinapi qochaqa iskayman t'aqasqa rikhurerqa, pampantaj ch'akiman tukorqa.

San Mateo 8:27

Yachachisqankunatajrí t'ukuspa, nerqanku: Pitaj kay runa kanmanri, wayrapis, mama qochapis payta kasunankupajri? nispa.

Amós 4:13

Tata Diosmin orqokunata, wayratapis ruwarqa. Runamanpis imatachus yuyasqanta rejsichillantaj. Payqa k'anchayta laqhaman tukuchin, kay pachaj aswan patanejtataj purin. Sutenqa Tukuy Atiyniyoj Tata Diosmin.

Jeremías 10:13

Jatunmanta sinch'ita qhaparejtin, janajpi yakupis tantakunku. Phuyukunata kay pachaj k'uchumanta jatarichimun. Parachispa, lliuj lliujkunata k'ancharichimun. Wayratapis maypichus waqaycharqa, chaymanta orqhomun.

Salmos 147:18

Pay kamachejtin, chhullunkapis unuyan. Chantá pay wayrachimojtin, watej yakoqa puririn.

Salmos 135:7

Kay pachaj k'uchunmanta phuyukunata orqhomuspa, parananpaj lliuj lliujkunata rikhurichin, wayratapis jallch'ananmanta orqhomun.

Génesis 8:1

Diosqa Noemanta, jinallataj jatun barcopi kasharqanku, chay animalkunamantapis khuyarikorqa. Chayrayku pay kay pachaman wayrachimorqa, yakutaj ch'akiyta qallarerqa.

Proverbios 30:4

Pitaj janaj pachaman wicharerqa, urayk'amorqatajri? Pitaj wayrata makinpi q'apiyta atinmanri? Pitaj mama qochata llijllapi q'epichaykorqari? Pitaj kay pachaj mojonninkunata churarqari? Chaytachus yachanki chayqa, willaway: Imataj paypa sutinri? Imataj churinpa sutinpisri?

Jeremías 46:17

Chaypacha wakin nenqanku: Egiptota kuraj kamachej faraonqa ch'ajwallan, nitaj imatapis ruwayta atinchu, nispa.

2 Samuel 18:8

Maqanakoqa tukuynejpi karqa, kay kutipitaj monte ukhupi chinkasqa wañusqankoqa aswan ashkha karqa espadawan wañuchisqa kajkunamanta nisqaqa.

Nehemías 9:11

Chantá israelitakunaj ñawpaqenkupi mama qochata iskayman t'aqarqanki, chawpintataj ch'akipipuni chimparqanku. Egiptomanta soldadokunatatajrí ukhu qochaman chinkaykucherqanki.