Éxodo 14:11 - DIOSPA QHELQACHISQ

¹¹ Moisestapis nillarqankutaj: Manachu Egiptopi aya p'ampana karqa? Kay ch'inpi wañunaykupajchu pusamuwarqayku? Imatataj kayta ruwawaykuri? Imapajtaj Egiptomanta orqhomuwarqaykuri?

Qheshwa Biblia DC

¹¹ Moisesmantaj nerqanku: Manachu Egiptopi p'ampakunaykupaj karqa aya p'ampanas, kay ch'in pampapi wañurachichinawaykupajchu orqhomuwarqayku? Imatataj kayta ruwawaykuri? Chaypajchu Egiptomanta orqhomuwarqayku?

DIOSPA QHELQACHISQAN DEUTEROCANONICAL

¹¹ Moisestapis nillarqankutaj: Manachu Egiptopi aya p'ampana karqa? Kay ch'inpi wañunaykupajchu pusamuwarqayku? Imatataj kayta ruwawaykuri? Imapajtaj Egiptomanta orqhomuwarqaykuri?

Éxodo 14:11 Referans Kwoze

Números 11:15

Sichus qan ajinallatapuni ruwawanki chayqa, aswan walej kanman khuyakuwaspa, wañuchinawayki. Jinatachus ruwawaj chayqa, manaña llakiyta rikuymanchu, nispa. Ajinata Moisesqa Tata Diosta nerqa.

Números 11:1

Ujpacha israelitakuna llakiypi rikhurispa, Tata Diospa contranta thutuyta qallarerqanku. Tata Diostaj chayta uyarerqa. Chantá k'arajta phiñakuspataj, jaraj ujnin kantunta ninawan ruphaykucherqa.

Números 16:41

41 (17.6) Q'ayantinrí tukuy israelitakunaqa Moisespaj, Aaronpaj ima rimarqanku: Qankunaqa Tata Diospa ayllunta wañurachishankichej, nispa.

Éxodo 5:22

Chantá Moisesqa Tata Dioswan parlaspa, nerqa: Diosníy, imajtintaj aylluykita kay jinatapuni ñak'arichinkiri? Imapajtaj kachamuwarqankiri?

Génesis 43:6

Chantá Jacob, pichus Israel sutiyojllataj karqa, chay nerqa: Imaraykutaj kay jinata llakichiwankichejri? Imapajtaj chay runaman sullk'aykichej kasqantaraj willarqankichejri? nispa.

Éxodo 5:21

Jinapi jilaqatakuna nerqanku: Tata Dios qankunaj ruwasqaykichejta allinta qhawachun. Qankuna juchayoj kankichej faraonwan, yanapajninkunawan ima astawan chejninawaykupaj. Kunantaj qankunaj nisqaykichejrayku paykuna espadawan wañuchiwasqayku, nispa.

Éxodo 13:17

Maypachachus faraón israelitakunata kachariporqa chaypacha, Filistea suyunejta pasaj ñan aswan qaylla karqa. Chaywanpis, Dios mana paykunata chaynejtachu pusarqa, imajtinchus pay nerqa: Sichus israelitakuna contrankupi maqanakoj llojsimojta rikunkuman chayqa, mancharikuspa, Egiptoman kutiripuyta munankuman, nispa.

Éxodo 32:1

Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

Números 14:22

Paykuna Egiptopi, jinataj ch'innejpi t'ukuna imakunata ruwasqayta, chantá jatun kayniypa lliphipiyninta rikorqanku. Chaywanpis ashkha kutitaña iskayrayaspa kamachisqayta mana kasuwayta munarqankuchu.