Éxodo 13:17 - DIOSPA QHELQACHISQ

¹⁷ Maypachachus faraón israelitakunata kachariporqa chaypacha, Filistea suyunejta pasaj ñan aswan qaylla karqa. Chaywanpis, Dios mana paykunata chaynejtachu pusarqa, imajtinchus pay nerqa: Sichus israelitakuna contrankupi maqanakoj llojsimojta rikunkuman chayqa, mancharikuspa, Egiptoman kutiripuyta munankuman, nispa.

Qheshwa Biblia DC

¹⁷ Israelitasta faraón kacharerqa chaypacha, Diosqa israelitasta mana filisteospaman rej ñantachu pusarqa, mayqenchus cheqan ñan karqa chayta. Diosqa nerqa: Paykunawan maqanakoj runasta llojsimojta rikuspa, israelitasqa Egiptoman kutiriyta munankuman imamantapis yuyarikuspa, nispa.

DIOSPA QHELQACHISQAN DEUTEROCANONICAL

¹⁷ Maypachachus faraón israelitakunata kachariporqa chaypacha, Filistea suyunejta pasaj ñan aswan qaylla karqa. Chaywanpis, Dios mana paykunata chaynejtachu pusarqa, imajtinchus pay nerqa: Sichus israelitakuna contrankupi maqanakoj llojsimojta rikunkuman chayqa, mancharikuspa, Egiptoman kutiripuyta munankuman, nispa.

Éxodo 13:17 Referans Kwoze

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

1 Reyes 8:47

Paykunataj maypichus preso kashaspa, yuyayninkuman churakunkuman, chantá qanman kutirikamuspa, chaypitaj mañakuspa nisunkuman: Noqayku juchalliyku, mana allin kajta ruwaspa. Juchayojpuni kayku, nispa.

Hechos 7:39

Chaywanpis ñawpa tatanchejkuna Moisesta mana kasuyta munaspa, payta qhesacharqanku, sonqonkupitaj Egiptoman kutiripuyta yuyarqanku.

Deuteronomio 20:8

Chay jawa kurajkunaqa soldadokunata nillanqankutaj: Sichus mayqenniykichej manchachikun, q'ewakuntaj chayqa, wasinman kutipuchun, soldado masinkunata ama iskayrayachinanpaj, nispa.

Hechos 15:38

Pablotajrí mana Marcosta pusayta munarqachu, imaraykuchus ñawpaj kaj riyninkupi Marcosqa Panfilia llajtapi paykunata saqerpayaspa, manaña riyta munasqachu Jesusmanta sumaj willayta willamoj.

Deuteronomio 17:16

Chay kuraj kamachejqa ama ashkha caballokunata rantenqachu. Nitaj Egiptomanpis astawan caballokunata rantinanpaj runata kachanqachu, imaraykuchus Tata Dios nisorqachejña: Ama jayk'ajpis Egiptoman kutirinkichejchu, nispa.

Jueces 7:3

Chayrayku kunanqa niy, pikunachá manchachikunku, chaykuna Galaad orqomanta wasinkuman ripunankuta, nispa. Gedeón nejtinkamataj, 22.000 runakuna wasinkuman kutiporqanku. Chunka waranqallaña qhepakorqanku.

Hebreos 11:27

Jinallataj Moisesqa Diospi atinikusqanrayku Egiptomanta riporqa, kuraj kamachejpa phiñakuyninta mana manchachikuspa. Payqa mana rikukoj Diosta rikushanmanpis jina, mana sayk'uspa, sinch'ita sayarqa.

Éxodo 14:10

Israelitakunarí faraonta, soldadokunatawan ima qayllaykushasqankuta rikuspa, maytapuni mancharikorqanku. Chayrayku Tata Diosman qhaparikorqanku.

Deuteronomio 28:68

Tata Diosqa Egiptoman barcopi kutirichisonqa: Mana ni jayk'aj chay jallp'aman kutirinkichu, nispa nishasojtiykipis. Chaypacha qan kikiyki awqaykej wata runan kanaykipaj vendekuyta munanki, nitaj pipis rantikuyta munasonqachu, nispa. Ajinata Moisés nerqa.