Éxodo 12:37 - DIOSPA QHELQACHISQ

³⁷ Israelitakunaqa Ramesés llajtamanta puririspa, Sucotman rerqanku. Mana wawakunata yupaspa, tukuyninpi 600.000 qharikuna maqanakuman rinankupaj jina karqanku.

Qheshwa Biblia DC

³⁷ Israelitasqa Ramsesmanta llojsispa Sucotman rerqanku. Karqankutaj chakipi riyta atejkuna sojta pachaj waranqa qharis mana wawastawan yupaspa.

DIOSPA QHELQACHISQAN DEUTEROCANONICAL

³⁷ Israelitakunaqa Ramesés llajtamanta puririspa, Sucotman rerqanku. Mana wawakunata yupaspa, tukuyninpi 600.000 qharikuna maqanakuman rinankupaj jina karqanku.

Éxodo 12:37 Referans Kwoze

Números 1:46

Yupasqa kajkunaqa tukuyninpi 603.550 qharikuna karqanku.

Éxodo 38:26

Iskay chunka watayojmanta pataman tukuy yupachikojkunaqa 603.550 qharikuna karqanku. Paykunaqa Dioswan Tinkukuna Toldopi chimpu churasqa kasqanman jina, sapa uj phishqa gramo khuskanniyoj qolqe metalta qorqanku.

Números 33:5

Israelitakunaqa Ramesesmanta llojsispa, Sucotpi jarakorqanku.

Números 33:3

Israelitakunaqa wata qallariy killata, chunka phishqayoj p'unchay kashajtin, Ramesés llajtamanta llojserqanku. Pascua raymita ruwasqankumanta, chay q'ayantin purirerqanku. Chaypacha paykunaqa manchay wapulla, tukuy Egipto llajtayojkunaj rikunankuta llojserqanku.

Números 11:21

Moisestajrí Tata Diosta nerqa: Noqawanqa 600.000 qharikuna kashanku. Qantaj nishanki: Uj killa junt'ata aychata mikhuchisaj, nispa.

Génesis 47:11

Chantá José faraonpa nisqanman jina, tatan, chantá wawqenkuna ima tiyakunankupaj Egiptomanta sumajnin kaj jallp'ata qorqa. Ajinamanta tatan Jacob, wawqenkuna ima Ramesés cheqanejpi jallp'ayoj karqanku.

Éxodo 1:11

Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

Números 26:51

Israelitakuna yupasqa kasqankuman jina, tukuyninpi 601.730 qharikuna karqanku.

Números 2:32

Ajinata yupasqankurayku, israelitakunamanta maqanakoj rinankupaj jina yupasqa kajkunaqa tukuyninpi 603.550 qharikuna kasqanku yachakorqa.

Génesis 46:3

Chantá Dios payta nerqa: Noqa Dios kani, tataykej Diosnin. Egiptoman riyta ama manchachikuychu. Chaypi mirayniykita mirachispa, noqa ashkha runayoj jatun suyuman tukuchisqayki.

Génesis 15:5

Chantá Tata Diosqa Abramta jawaman pusaspa, nerqa: Janajta qhawarispa, ch'askakunata yupay. Yupayta atiwajchu? Mirayniykeqa ajina mana yupay atina kanqa, nispa.

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Éxodo 10:9

Moisestaj kuticherqa: Noqaykoqa juch'uy wawaykukunawan, machu runaykukunawan, churiykukunawan, ususiykukunawan, ovejaykukunawan, wakaykukunawan ima rinayku tiyan. Tukuyniykupuni rinayku tiyan, imaraykuchus Tata Diospa sutinpi jatun raymita ruwanayku tiyan, nispa.

Éxodo 13:20

Israelitakunaqa Sucotmanta puririspa, ch'innejman yaykuna qayllanejpi, Etam nisqa cheqanejpi jarakorqanku.

Números 1:2

Israelitakunata ayllunkuman jina, jinataj wasi ayllunkuman jina tukuy qharej sutinkuta listaspa yupaychej, mashkhachus kasqankuta yachanapaj.