Éxodo 12:28 - DIOSPA QHELQACHISQ

²⁸ Chantá israelitakuna rispa, tukuy imata ruwarqanku Tata Dios imatachus Moisesman, Aaronman ima kamachisqanman jina.

Qheshwa Biblia DC

²⁸ Israelistastaj rispa tukuy imata ruwarqanku Señorpa kamachisqanman jina Moisesman Aaronmanwan.

DIOSPA QHELQACHISQAN DEUTEROCANONICAL

²⁸ Chantá israelitakuna rispa, tukuy imata ruwarqanku Tata Dios imatachus Moisesman, Aaronman ima kamachisqanman jina.

Éxodo 12:28 Referans Kwoze

Hebreos 11:28

Chaymanta qhepaman Moisesqa Diospi atinikusqanrayku Pascua raymita ruwarqa, kamacherqataj israelitakuna wasinkoj punkunkuta yawarwan ch'ajchunankuta, wañuchej ángel kuraj kaj churinkuta ama wañurachinanpaj.

Éxodo 12:27

qankuna ninkichej: Kay uywaqa Pascuapi Tata Diospa sutinpi ñak'aspa jaywanapaj kashan. Payqa Egipto llajtayojkunaj kuraj kaj churinkukunata wañuchishajtin, israelitakunaj wasinkuta pasallarqa. Ajinata ruwaspa, Diosqa mana wañuchisqa kanaykumanta jark'akuwarqayku, nispa wawaykichejman ninkichej. Moisés parlayta tukojtinkamataj, israelitakuna qonqorikuspa, Tata Diosta yupaycharqanku.

Éxodo 12:29

Jinapi chawpi tutata Tata Diosqa Egipto llajtayojkunaj tukuy kuraj kaj churinkunata wañuracherqa. Wañucherqa faraonpa kuraj kaj churin, pichus kamachinan tiyanapi tiyaykunan karqa, chaymanta, carcelpi wisq'asqa kasharqa, chaypa kuraj kaj churinkama. Jinallataj tukuy uywakunaj phiwi uñantapis wañuchillarqataj.

Éxodo 7:6

Chantá Moiseswan, Aaronwan ima Tata Diospa kamachisqanman jina kikinta ruwarqanku.

Éxodo 7:10

Chantá Moiseswan, Aaronwan ima faraonwan parlaj rispa, Tata Diospa kamachisqanman jina ruwarqanku. Aaronqa faraonpa rikunanta, jinataj yanapajninkunaj rikunanta varanta pampaman choqarqa. Varantaj katariman tukurparerqa.

Éxodo 12:35

Chantapis Moisespa nisqanman jina, israelitakuna Egipto llajtayojkunamanta mañakorqanku qolqe metalmanta ruwasqa, chantá qorimanta ruwasqa imakunata ima, jinataj p'achatawan.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 36:1

Chantá Moisés nillarqataj: Ajinata Besalelwan, Aholiabwan, chantá tukuy imata ruwayta yachajkuna ima, Dioswan Tinkukuna Toldopaj tukuy imata ruwanqanku, Tata Dios yuyayta, yachayta qosqanman jina. Chay tukuy imatataj Tata Diospa kamachisqanman jina ruwanqanku.

Éxodo 39:32

Dioswan Tinkukuna Toldota ajinata ruwayta tukorqanku. Israelitakuna Dioswan Tinkukuna Toldota ruwaspa, Tata Dios Moisesman kamachisqanman jina kikinta ruwarqanku.

Éxodo 39:42

Israelitakunaqa tukuy imata ruwarqanku Tata Dios Moisesman kamachisqanman jina.

Éxodo 39:43

Moisestaj tukuy chaykunata qhawaspa, rikorqa Tata Diospa kamachisqanman jina ruwasqankuta. Chantá paykunata samincharqa.

Levítico 24:23

Chantá Moisés tukuy chaykunata israelitakunaman willarqa. Paykunataj Diospa contranta rimaj runata jaramanta jawaman orqhoytawan, rumiwan ch'anqaspa wañucherqanku. Ajinata Tata Dios Moisesta kamachisqanman jina ruwarqanku.

Números 1:54

Ajinata israelitakunaqa Tata Dios imaynatachus Moisesman kamachisqanman jina kikinta ruwarqanku.

Números 5:4

Chantá israelitakuna mana llimphupaj qhawasqa runakunata jaramanta jawaman orqhorqanku, Tata Dios Moisesman imatachus kamachisqanta kasuspa.

Números 31:31

Chantá Moiseswan, Eleazarwan ima Tata Dios kamachisqanman jina, kikinta ruwarqanku.

Números 31:41

Tata Diosman jaywanapaj t'aqasqa kajmanta Moisesqa sacerdote Eleazarman qorqa, Tata Dios kamachisqanman jina.

Números 31:47

Chaykunamanta Moisesqa sipaskunamanta, jinallataj uywakunamantapis sapa phishqa chunkamanta ujta t'aqarqa. Chaykunatataj Tata Dioswan Tinkukuna Toldopi ruwaj levitakunaman qorqa, Tata Dios payman kamachisqanman jina.

Deuteronomio 34:9

Nunpa churin Josuerí sumaj yachayniyoj kanawan junt'a karqa, Moisés paypa umanman makinta churasqanrayku. Israelitakunataj payta kasorqanku, chantá Tata Dios imaynatachus Moisesman kamachisqanman jina ruwarqanku.

Josué 2:21

Rajabtaj kuticherqa: Nisqaykichejqa ajina kachun, nispa. Chaymantataj kachaporqa, paykunataj riporqanku. Chantá chay warmeqa puka waskhata ventananman wataykorqa.

Josué 4:8

Chantá chay chunka iskayniyoj israelitakuna Josuéj kamachisqanman jina ruwarqanku. Tata Dios kamachisqanman jina, sapa Israel jatun ayllumanta ujtakama Jordán mayumanta chunka iskayniyoj rumikunata oqharerqanku, chantá jarankukama apaspa, chaypi churarqanku.

Josué 14:5

Ajinata israelitakunaqa Tata Dios Moisesman kamachisqanman jina, jallp'ata rak'inakorqanku.

2 Samuel 5:25

Chantá Davidqa Tata Diospa nisqanman jina ruwaspa, filisteokunata atipaykorqa Geba llajtamantapacha Guézer llajtakama.

1 Reyes 17:5

Eliasqa Tata Diospa kamachisqanta kasuspa, Jordán mayu chimpanejpi, Querit wayq'opi tiyakamorqa.