Éxodo 12:27 - DIOSPA QHELQACHISQ

²⁷ qankuna ninkichej: Kay uywaqa Pascuapi Tata Diospa sutinpi ñak'aspa jaywanapaj kashan. Payqa Egipto llajtayojkunaj kuraj kaj churinkukunata wañuchishajtin, israelitakunaj wasinkuta pasallarqa. Ajinata ruwaspa, Diosqa mana wañuchisqa kanaykumanta jark'akuwarqayku, nispa wawaykichejman ninkichej. Moisés parlayta tukojtinkamataj, israelitakuna qonqorikuspa, Tata Diosta yupaycharqanku.

DIOSPA QHELQACHISQAN DEUTEROCANONICAL

²⁷ qankuna ninkichej: Kay uywaqa Pascuapi Tata Diospa sutinpi ñak'aspa jaywanapaj kashan. Payqa Egipto llajtayojkunaj kuraj kaj churinkukunata wañuchishajtin, israelitakunaj wasinkuta pasallarqa. Ajinata ruwaspa, Diosqa mana wañuchisqa kanaykumanta jark'akuwarqayku, nispa wawaykichejman ninkichej. Moisés parlayta tukojtinkamataj, israelitakuna qonqorikuspa, Tata Diosta yupaycharqanku.

Éxodo 12:27 Referans Kwoze

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Éxodo 12:11

Qankuna corderota kay jinata mikhunkichej: Puririnaykichejpaj p'achallisqa, juk'uta churaykusqa, tojnuykichej jap'irisqa mikhunkichej. Chantapis usqhayllata mikhunkichej, imaraykuchus kayqa Tata Diospa Pascuanmin.

1 Corintios 5:7

Chayrayku qankunamanta chay ñawpa levadurata wijch'uychej, mosoj masa jina kanaykichejpaj. Ajinamanta qankuna mana levadurayoj t'anta jina kankichej. Cristopis, Pascuapi ñak'ana Cordero jina juchanchejrayku wañunña.

Éxodo 12:23

imaraykuchus Tata Diosqa Egipto llajtayojkunaj kuraj kaj churinkunata wañuchispa pasanqa. May punkutachari yawarwan jawisqata rikonqa, chaytaqa pasallanqa. Ajinata Tata Diosqa wañuchej angelta wasiykichejman yaykojta mana saqenqachu chaypi pitapis wañuchinanpaj.

Nehemías 8:6

Jinapi Esdrasqa Tukuy Atiyniyoj Tata Diosta yupaycharqa, tukuy runataj makinkuta oqharispa, kuticherqanku: Ajina kachun, ajina kachun, nispa. Chaymantataj pampakama k'umuykuspa, Tata Diosta yupaycharqanku.

2 Crónicas 29:30

Chaymantataj kuraj kamachej Ezequías, jinataj kurajkunapis levitakunata kamacherqanku, Davidpa wakichisqan takiykunawan jinataj Diosmanta sut'inchaj Asafpa wakichisqan takiykunawan ima Tata Diosta yupaychanankuta. Paykunataj qonqoriykukuspa, tukuy kusiywan yupaycharqanku.

2 Crónicas 20:18

Chaypacha Josafatqa qonqoriykukuspa, pampakama k'umuykorqa. Judamanta, Jerusalenmanta kajkunapis jinallatataj Tata Diospa ñawpaqenpi pampakama k'umuykukorqanku, payta yupaychaspa.

1 Crónicas 29:20

Chantá Davidqa tukuy israelitakunata nerqa: Kunanqa qankunañataj Tata Diosta yupaychaychej, nispa. Chantá tantasqa israelitakunaqa ñawpa tatankoj Tata Diosninkuta yupaycharqanku, chantá Tata Diospa ñawpaqenpi, jinataj kuraj kamachejpa ñawpaqenpiwan qonqoriykukuspa, pampakama k'umuykorqanku.

Deuteronomio 16:5

Tata Diosniykichej qosusqaykichej llajtakunapeqa ama mayqen llajtallapipis Pascua raymipi jaywanata jaywankichejchu.

Deuteronomio 16:2

Pascua raymipeqa wakakunata, ovejakunata ima ñak'aspa, Tata Diosniykichejman jaywankichej, maypichus Tata Dios sutin yupaychasqa kananpaj uj cheqata ajllakonqa, chaypi.

Éxodo 34:25

Q'olachinapaj uywa ñak'asqa yawarta jaywaspaqa, levadurayoj t'antatawan khuska ama jaywankichejchu, nitaj Pascua raymimanta imatapis q'ayantinpaj puchuchinkichejchu.

Éxodo 34:8

Chantá Moisesqa usqhay usqhayta pampakama k'umuykukuspa, Tata Diosta yupaycharqa:

Éxodo 10:2

Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

Éxodo 12:28

Chantá israelitakuna rispa, tukuy imata ruwarqanku Tata Dios imatachus Moisesman, Aaronman ima kamachisqanman jina.

Éxodo 13:14

Qhepanejman sichus wawaykichej tapusunkichej: Imaraykutaj kayta ruwashanchejri? nispa chayqa, ninkichej: Tata Diosmin Egiptopi wata runa kashajtiyku, may jina atiyniywan orqhomuwarqayku.

Salmos 44:1

1 (2) Diosníy, noqayku uyarerqayku, tataykupis willallawarqaykutaj, unay paykuna kawsashajtinku, t'ukunata ruwasqaykimanta.

Éxodo 13:8

Chantá chay p'unchaypi qankuna wawaykichejta ninkichej: Kay raymita ruwashanchej chayqa, imaynatachus Tata Dios Egiptomanta orqhomuwasqaykuta yuyarikunapaj kashan, nispa.

Salmos 78:5

Tata Diosqa Jacobpaj kamachisqankunata churarqa, chayman jina israelitakuna kawsananchejpaj. Chantá pay ñawpa tatanchejkunata kamacherqa chay kamachisqakunata wawankukunaman yachachinankuta.