Éxodo 12:22 - DIOSPA QHELQACHISQ

²² Corderoj yawarnintataj uj ch'illamipi jap'inkichej. Chantá hisopo qhorata yawarman chhapuspa jawinkichej, wasiykichejpa punkunpa pata chakanta, chantá iskaynin k'aspintawan. Chantá sut'iyamunankama ni pipis wasimanta llojsinanchu tiyan,

Qheshwa Biblia DC

²² Oqharimuychej uj q'apiy hisopota, chaywantaj ch'illamipi kashan chay yawarta chhapunkichej, jinaspataj wasi wisq'aña quejosta ch'ajchunkichej chay yawarwan. Chantaqa ni pipis llojsenqachu wasinmanta sut'iyamunankama.

DIOSPA QHELQACHISQAN DEUTEROCANONICAL

²² Corderoj yawarnintataj uj ch'illamipi jap'inkichej. Chantá hisopo qhorata yawarman chhapuspa jawinkichej, wasiykichejpa punkunpa pata chakanta, chantá iskaynin k'aspintawan. Chantá sut'iyamunankama ni pipis wasimanta llojsinanchu tiyan,

Éxodo 12:22 Referans Kwoze

Hebreos 11:28

Chaymanta qhepaman Moisesqa Diospi atinikusqanrayku Pascua raymita ruwarqa, kamacherqataj israelitakuna wasinkoj punkunkuta yawarwan ch'ajchunankuta, wañuchej ángel kuraj kaj churinkuta ama wañurachinanpaj.

Salmos 51:7

7 (9) Hisopo qhorawan llimphuchaway, llimphutaj kasaj. Mayllaway Tata Dios, noqataj rit'imanta aswan yuraj kasaj.

Números 19:18

Chantá llimphupaj qhawasqa uj runa chay yakuman hisopo qhorawan chhapuspa, toldota ch'ajchumuchun, chay ukhupi imachus kajta, chaypi kaj runakunatawan ima. Jinallataj ch'ajchonqa pichus runa tulluta, chayrí runa wañuchisqata, chayrí runa wañusqata, jinallataj aya p'ampanata llankhajta.

Hebreos 9:19

Maypachachus Moisés kamachisqaj tukuy nisqanta israelitakunaman ñawiriporqa chaypacha, pay torillokunaj yawarninta, chantá chivokunaj yawarninta ima chuwapi yakuwan chajrorqa. Chantá tiñisqa puka millmawan, hisopo qhorawan ima chay p'anqaman, chantá tukuy israelitakunaman ima ch'ajchuykorqa.

Hebreos 9:1

Tata Dios israelitakunawan ñawpa ruwasqan tratopi imaynatachus Diosta yupaychanapaj kamachisqakuna karqa, kallarqataj Dioswan Tinkukuna Toldopis.

Éxodo 12:7

Uywaj yawarninta jap'ispataj, may wasipichus mikhunkichej, chay wasej kijunninta, chantá punku patata ima yawarwan ch'ajchunkichej.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

1 Pedro 1:2

Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.

Hebreos 12:24

Aswanpis Jesusman qayllaykorqankichej, pinejtachus Dios mosoj tratota qankunawan ruwarqa, chayman. Jinallataj Jesuspa yawarnin ch'ajchusqaman qayllallankichejtaj. Chaywanpis chay yawarqa runaj juchan pampachasqa kananmanta parlan, mana Abelpa yawarnin jinachu wañuchisqa kasqanmanta vengakunamanta.

San Mateo 26:30

Chantá uj salmota takiytawan, Olivos orqoman rerqanku.

Isaías 26:20

Kunanqa, aylluymanta kajkuna, rispa, wasiykichejman yaykuychej, punkuykichejtataj wisq'akamuychej. Chaypitaj uj pisita pakakuychej Tata Diospa k'araj phiñakuynin tukukunankama.

Josué 2:19

Mayqellanpis wasiykimanta llojsinman chayqa, wañuchisqa kanqa, wañusqanmantataj noqaykoqa mana juchayojchu kasqayku. Sichus wasiykipi kashajkunata pipis imananman chayrí, noqayku juchayoj kasqayku.