Éxodo 12:17 - DIOSPA QHELQACHISQ

¹⁷ Ajinata Mana Levadurayoj T'anta Mikhuna raymita ruwankichejpuni, Egiptomanta qankunata orqhomusqayta yuyarikunaykichejpaj. Chayrayku wiñay wiñaypaj kamachisqa kasqanta qhawaspa, qankuna sapa wata raymita ruwankichejpuni.

Qheshwa Biblia DC

¹⁷ Mana levadurayoj t'anta mikhuna p'unchayta waqaychankichej, imarayuchus chay p'unchaypi ñaupa tatasniykichejta Egipto jallp'amanta orqhomorqani. Chayrayku kay p'unchaytaqa sumajta yuyarikuspa waqaychankichej uj leypis churasqa kanman jina sapa kuti kayta ruwanapaj; ajinata wiñaypaj mirayniykichejmanta miraynintinkama.

DIOSPA QHELQACHISQAN DEUTEROCANONICAL

¹⁷ Ajinata Mana Levadurayoj T'anta Mikhuna raymita ruwankichejpuni, Egiptomanta qankunata orqhomusqayta yuyarikunaykichejpaj. Chayrayku wiñay wiñaypaj kamachisqa kasqanta qhawaspa, qankuna sapa wata raymita ruwankichejpuni.

Éxodo 12:17 Referans Kwoze

Éxodo 13:8

Chantá chay p'unchaypi qankuna wawaykichejta ninkichej: Kay raymita ruwashanchej chayqa, imaynatachus Tata Dios Egiptomanta orqhomuwasqaykuta yuyarikunapaj kashan, nispa.

Éxodo 13:3

Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Éxodo 12:41

Chay watakuna junt'akojtin, chay kikin p'unchaypi israelitakuna Tata Diospa soldadonkuna jina, Egiptomanta llojsiporqanku.

Éxodo 7:5

Egipto llajtayojkunaj contrankuta atiyniyta rikuchispa, israelitakunata chaymanta orqhosaj. Chaypachataj Egipto llajtayojkuna yachanqanku noqamin Tata Dios kasqayta, nispa.

Números 20:16

Chantá Tata Dios yanaparinawaykuta mañarikorqayku. Paytaj mañakusqaykuta uyarispa, Egiptomanta orqhonawaykupaj angelninta kachamorqa. Kunanqa jallp'aykiwan tinkuypi, Cades llajtapi kashayku.

Éxodo 6:26

Ñawpajpi listasqa karqanku, chay Aaronta, Moisestawan ima Tata Dios kamacherqa israelitakunata soldadokunata jina Egiptomanta orqhomunankuta.

Éxodo 12:6

T'aqasqaykichej uywataqa kay killamanta chunka tawayoj p'unchaykama wisq'aspa, jap'inkichej. Chantá chay p'unchayta inti yaykuykushajtin, tukuy israelitakuna chay uywata ñak'ankichej.

Éxodo 12:14

Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

Éxodo 12:24

Qankuna kay kamachisqata kasuychej. Chayqa qankuna, chantá wawaykichejkuna wiñaypaj kasunankupaj churasqa kanqa.

Éxodo 13:10

Chayrayku Pascua raymita sapa wata Aviv killapipuni ruwananchej tiyan, nispa.

Éxodo 34:18

Kamachisqayman jina Mana Levadurayoj T'anta Mikhuna raymita ruwankichej. Qankunaqa qanchis p'unchayta mana levadurayoj t'antata ruwaspa mikhunkichej. Chay raymeqa sapa wata Aviv killapi kanqa, imajtinchus qankunaqa Egiptomanta Aviv killapi llojsimorqankichej.

Deuteronomio 16:3

Uywa ñak'asqaj aychantaqa mana levadurayoj t'antatawan mikhunkichej. Mana levadurayoj t'antata qanchis p'unchayta mikhunkichej, imaraykuchus chay t'anta niyta munan “ñak'ariy t'anta”. Qankunaqa Egiptomanta usqhay usqhayta llojsimorqankichej, chayrayku kawsanaykichejkama mayk'ajchus Egiptomanta llojsimusqaykichejta yuyarikunkichej.