Éxodo 12:15 - DIOSPA QHELQACHISQ

¹⁵ Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Qheshwa Biblia DC

¹⁵ Qanchis diata mikhunkichej mana levadurayoj t'antata. Ajinaqa qallariy diamantapacha amapuni wasiykichejpi levadura kachunchu. Pillapis chay qanchis diata levadurayoj t'antata mikhojqa, israelita runas ukhumanta orqhospa wañuchisqa kanqa.

DIOSPA QHELQACHISQAN DEUTEROCANONICAL

¹⁵ Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Éxodo 12:15 Referans Kwoze

Deuteronomio 16:3

Uywa ñak'asqaj aychantaqa mana levadurayoj t'antatawan mikhunkichej. Mana levadurayoj t'antata qanchis p'unchayta mikhunkichej, imaraykuchus chay t'anta niyta munan “ñak'ariy t'anta”. Qankunaqa Egiptomanta usqhay usqhayta llojsimorqankichej, chayrayku kawsanaykichejkama mayk'ajchus Egiptomanta llojsimusqaykichejta yuyarikunkichej.

Génesis 17:14

Pichus mana circuncidasqa kajrí, qankuna ukhumanta wijch'usqa kanqa, trato ruwasqayta mana kasusqanrayku, nispa.

Números 9:13

Chaywanpis sitajchus pipis llimphupaj qhawasqa kashaspa, nitaj ñan puriypipis kashaspa, Pascuata mana ruwanmanchu chayqa, Israel ayllu ukhumanta chinkachisqa kachun. Chay kikin p'unchaypi Tata Diosman jaywanata mana jaywasqanrayku, chay runa juchachasqa kanqa.

Éxodo 34:18

Kamachisqayman jina Mana Levadurayoj T'anta Mikhuna raymita ruwankichej. Qankunaqa qanchis p'unchayta mana levadurayoj t'antata ruwaspa mikhunkichej. Chay raymeqa sapa wata Aviv killapi kanqa, imajtinchus qankunaqa Egiptomanta Aviv killapi llojsimorqankichej.

Éxodo 23:15

Mana Levadurayoj T'anta raymita ruwankichej. Imaynatachus nisusqayman jina, qanchis p'unchayta mana levadurayoj t'antata mikhunkichej. Chaytaqa Aviv killapi mikhunkichej, imaraykuchus chay killapi Egiptomanta llojsimorqankichej. Amataj pipis noqaman ch'usaj makilla jamuwanqachu.

Deuteronomio 16:8

Qankunaqa sojta p'unchayta mana levadurayoj t'antata mikhunkichej, qanchis kaj p'unchaypitaj Tata Diosniykichejta jatunchanaykichejpaj, Diospa sutinpi tantakunkichej. Chay p'unchaypeqa amapuni ruwanaykichejmanta imatapis ruwankichejchu.

Números 28:17

Q'ayantintaj chunka phishqayoj p'unchay kashajtin, jatun raymi kanqa. Qanchis p'unchayta mana levadurayoj t'antata mikhunkichej.

Éxodo 34:25

Q'olachinapaj uywa ñak'asqa yawarta jaywaspaqa, levadurayoj t'antatawan khuska ama jaywankichejchu, nitaj Pascua raymimanta imatapis q'ayantinpaj puchuchinkichejchu.

Éxodo 12:8

Chay ch'isitaj aychata kankaspa, jaya qhorayojta, chantá mana levadurayoj t'antatawan ima mikhunkichej.

Gálatas 5:12

Walej kanman, pikunachus circuncidakunaykichej tiyan nispa pantachishasunkichej, chaykuna ujkama khuchuspa orqhokunanku.

Hechos 12:3

Chay ruwasqan judiokunapaj sumaj kasqanta rikuspa, Herodesqa Pedrotañataj jap'icherqa. Chay karqa Mana Levadurayoj T'anta Mikhuna raymi p'unchay qayllapi.

San Lucas 12:1

Waranqa waranqa runakuna Jesusman tantakamorqanku, anchata k'iskikamuspataj, sarunakusharqanku. Jesustaj ñawpajta yachachisqankunata nerqa: Sumajta qhawakuychej fariseokunaj levadurankumanta. Chay niyta munan puraj uya kayninkumanta.

San Mateo 16:12

Chaymantaña yachachisqankunaqa yuyayninkuman churakorqanku Jesusqa mana t'anta ruwana levaduramantachu parlashasqanta, manachayqa fariseokunaj, chantá saduceokunaj yachachisqankumanta.

Malaquías 2:12

Chayrayku Tata Dios chay jina ruwaj runakunata Jacobpa ayllunmanta chinkarparichichun, pillapis kachun, Tukuy Atiyniyoj Tata Diosman ofrendata apamojpis kachun.

Deuteronomio 16:5

Tata Diosniykichej qosusqaykichej llajtakunapeqa ama mayqen llajtallapipis Pascua raymipi jaywanata jaywankichejchu.

Levítico 17:14

Tukuy kawsajpa kawsaynenqa yawarpi kashan. Chayrayku israelitakunata nini: Ni ima animalpa yawarninta mikhunkichejchu, imaraykuchus tukuy kawsajpata yawarninpi kawsaynin kashan. Chayrayku yawarta mikhoj runaqa chinkachisqa kanqa.

Levítico 17:10

Tata Dios israelitakunata nillarqataj: Sichus uj israelita, chayrí qankunawan tiyakoj waj llajtayojpis yawarta mikhunman chayqa, noqa paypa contranpi sayaykusaj, chantá ayllun ukhumanta payta chinkachisaj.

Éxodo 31:14

Samarina p'unchayta maypaj qhawankichej, imaraykuchus qankunapaj samarina p'unchay kanqa. Pichus chay p'unchayta mana waqaychajqa wañuchisqa kanqa. Chantapis pichus chay p'unchaypi imatachus ruwananta ruwajqa israelitakuna ukhumanta chinkachisqa kallanqataj.

San Lucas 2:43

Pascua raymi tukukuyta tatan maman kutipushajtinku, Jesús Jerusalenpi qhepakusqa paykunaj mana yachasqallanku.

Éxodo 30:33

Pillapis kay aceiteman rijch'akojta ruwajqa, chayrí kay aceitewan pitapis jawejqa israelitakuna ukhumanta wijch'usqa kanqa, nispa.

2 Crónicas 30:21

Ajinata qanchis p'unchayta Jerusalenpi tantasqa israelitakuna kusisqa Mana Levadurayoj T'anta raymita ruwarqanku. Sacerdotekuna, levitakunawan, sapa p'unchay sinch'ita sumaj tocanawan takispa, Tata Diosta yupaychasharqanku.

Esdras 6:22

Qanchis p'unchay junt'ata Mana Levadurayoj T'anta raymita manchay kusiywan ruwarqanku, imaraykuchus Tata Diosqa Asiriamanta kaj kuraj kamachejpa sonqonta llamp'uyachisqa, Israelpa Diosninpa Templonta ruwayta yanapananpaj.

Éxodo 13:3

Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Éxodo 30:38

Sichus mayqellanpis kay inciensota jina q'aparichikunanpaj ruwanqa chayqa, israelitakuna ukhumanta wijch'usqa kanqa, nispa.