Éxodo 12:14 - DIOSPA QHELQACHISQ

¹⁴ Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

Qheshwa Biblia DC

¹⁴ Chay diaqa qankunapaj kanqa yuyarikunaykichejpaj. Chayta ruwankichej qankunaj mitaykichejpi sumaj qhochukuta Señorpaj. Chay qhochukuta churanoqankichej wiñaypaj.

DIOSPA QHELQACHISQAN DEUTEROCANONICAL

¹⁴ Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

Éxodo 12:14 Referans Kwoze

2 Reyes 23:21

Chantá kuraj kamachej Josías tukuy israelitakunata kamacherqa: Tata Diosniykichejpa sutinpi Pascua raymita ruwaychej, kay trato ruwasqa qhelqapi nisqanman jina, nispa.

Éxodo 12:24

Qankuna kay kamachisqata kasuychej. Chayqa qankuna, chantá wawaykichejkuna wiñaypaj kasunankupaj churasqa kanqa.

Éxodo 12:17

Ajinata Mana Levadurayoj T'anta Mikhuna raymita ruwankichejpuni, Egiptomanta qankunata orqhomusqayta yuyarikunaykichejpaj. Chayrayku wiñay wiñaypaj kamachisqa kasqanta qhawaspa, qankuna sapa wata raymita ruwankichejpuni.

Éxodo 12:43

Chaypacha Tata Dios Moisesta, Aarontawan ima nerqa: Kaymin Pascuata ruwanamanta kamachisqakuna. Pascuapi mikhunaykichej aychata mana waj llajtayoj runa mikhonqachu.

San Mateo 26:13

Kayta sut'ita niykichej: Mayllapipis noqamanta kay sumaj willay willakojtin, kay warmej ruwasqantapis willallanqankutaj, paymanta runa yuyarikunankupaj, nispa.

Salmos 135:13

Tata Dios, sutiykeqa wiñaypaj yupaychasqa kanqa, qantaj wiñaypaj yuyarisqallapuni kanki.

Salmos 111:4

Tata Diospa sumaj ruwasqanqa mana qonqanapaj jinachu. Tata Diosqa wawa sonqo, khuyakuyniyojtaj,

Deuteronomio 16:11

Qankunaqa Tata Diosniykichejpa ñawpaqenpi kusikunkichej, maypichus pay uj cheqata ajllakonqa, chaypi. Kusikunkichej wawaykichejwan, kamachiykichejwan khuska, jinallataj llajtaykichejpi tiyakoj levitakunawan, waj llajtayojkunawan, wajcha wawakunawan, chantá warmisapakunawan ima.

Deuteronomio 16:1

Aviv killata Tata Diosniykichejpa sutinpi Pascua raymita ruwanamanta yuyarikunkichejpuni, imaraykuchus chay killapi uj tuta Tata Diosniykichej Egiptomanta orqhomusorqachej.

Éxodo 5:1

Chantá Moiseswan, Aaronwan ima faraonwan parlaj rispa, nerqanku: Israelpa Diosnin Tata Dios ajinata nisunki: Noqaj ajllakusqay aylluyta kachariy, ch'innejman rispa, sutiypi uj raymita ruwapunawankupaj, nispa.

San Lucas 22:19

Chaymanta, t'antatañataj oqharispa, Diosman pachis nerqa, paykunaman jaywaspataj, nerqa: Kayqa ukhuymin, mayqenchus qankunarayku qosqa kanqa. Kay jinata ruwaychej noqamanta yuyarikunaykichejpaj, nispa.

Zacarías 6:14

Chay pillukuna Tata Diospa Templonpi qhepakonqa, chaynejta runakuna Jeldaymanta, Tobiasmanta, Jedaiasmanta, chantá Sofoniaspa churin Josiasmanta ima sapa kuti yuyarikunankupaj.

Ezequiel 46:14

Ajinallatataj sapa paqarin Tata Diosman uj ofrenda jaywanqanku, qanchis kilo granota, uj litro aceitetawan, jak'u pataman jich'asqa kananpaj. Chay jaywanaqa wiñaypaj kallanqapuni.

1 Samuel 30:25

Chaymantapacha kunankama Israel suyupi ajinata ruwanku.

Josué 4:7

Chaypacha qankuna ninkichej: Maypachachus Tata Diospa trato ruwasqan arca Jordán mayuta chimparqa chaypacha, yakoqa arcaj ñawpaqenpi iskayman p'itikorqa. Kay tawqasqa rumeqa kaypi imachus kasqanta wiñaypaj yuyarikunanchejpaj kanqa, nispa.

Números 18:8

Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

Números 16:40

40 (17.5) Ajinata ruwarqa tukuy israelitakuna yuyarikunankupaj, mana pillapis Tata Diosman inciensota q'oshñichispa jaywayta atisqankuta, manachayqa Aaronpa ayllunmanta kajkunalla. Wajkuna chay jinallataj ruwankuman chayqa, Coré, chantá payta qhatejkuna imaynatachus wañorqanku, jinallatataj wañonqanku. Ajinata Eleazar Tata Dios Moisesnejta kamachisqanman jina, ruwarqa.

Números 10:8

Trompetataqa Aaronpa mirayninmanta sacerdotekuna waqachenqanku. Kay kamachisqaqa qankunapaj, jinataj mirayniykichejpaj wiñaypaj kanqa.

Éxodo 12:6

T'aqasqaykichej uywataqa kay killamanta chunka tawayoj p'unchaykama wisq'aspa, jap'inkichej. Chantá chay p'unchayta inti yaykuykushajtin, tukuy israelitakuna chay uywata ñak'ankichej.

Éxodo 23:15

Mana Levadurayoj T'anta raymita ruwankichej. Imaynatachus nisusqayman jina, qanchis p'unchayta mana levadurayoj t'antata mikhunkichej. Chaytaqa Aviv killapi mikhunkichej, imaraykuchus chay killapi Egiptomanta llojsimorqankichej. Amataj pipis noqaman ch'usaj makilla jamuwanqachu.

Levítico 23:6

Chay kikin killallapitaj chunka phishqayoj p'unchayta Tata Diospa sutinpi Mana Levadurayoj T'anta mikhuna raymita ruwallankichejtaj. Qanchis p'unchayta mana levadurayoj t'antata mikhunkichej.

Deuteronomio 6:8

Kay kamachisqaykunataqa makiykipi chantá frenteykipi ima wataykukuspa, señalta jina apaykachanki.

Éxodo 27:21

Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

Números 15:15

Qankuna, jinallataj qankunawan tiyakoj waj llajtayojkunapis kay kamachisqaman jina ruwankichej. Kay kamachisqaqa qankunapaj, chantá mirayniykichejpaj ima wiñaypaj kanqa. Noqaj ñawpaqeypeqa qankuna, jinataj waj llajtayojkunapis uj rejlla kankichej.