Éxodo 11:6 - DIOSPA QHELQACHISQ

⁶ Tukuynin Egiptopi qankuna llakiywan manchayta waqankichej. Chay jina llakeyqa ni jayk'aj karqachu, nitaj jayk'ajpis kanqachu.

Qheshwa Biblia DC

⁶ Egiptopeqa manchay waqay kanqa tukuynimpi, chaytaj ni jayk'aj karqachu, nitaj jayk'ajpis kanqachu.

DIOSPA QHELQACHISQAN DEUTEROCANONICAL

⁶ Tukuynin Egiptopi qankuna llakiywan manchayta waqankichej. Chay jina llakeyqa ni jayk'aj karqachu, nitaj jayk'ajpis kanqachu.

Éxodo 11:6 Referans Kwoze

Éxodo 12:30

Chaypacha faraón, jinallataj yanapajninkuna, chantá tukuy Egipto llajtayojkuna ima chawpi tutata jatarerqanku. Tukuy Egiptopi manchay sonqo nanayta waqarqanku, imaraykuchus ni uj wasipis mana wañusqayojqa karqachu.

Amós 5:17

Tukuy uva huertakunapipis waqanqanku, maypachachus noqa jasut'ej jamusaj, chaypacha. Noqa Tata Diosmin ajinata nini.

San Lucas 13:28

Chaypachamá waqayqa, kiru k'arukuypis kanqa, imaraykuchus Dios kamachishajtin, chaypi qankuna Abrahamta, Isaacta, Jacobta, Diosmanta tukuy sut'inchajkunata ima rikunkichej. Qankunarí jawaman wijch'usqa kankichej.

Sofonías 1:10

Tata Dios kay jinata nillantaj: Chay p'unchaypi yanapanata mañakuspa qhaparikusqanku uyarikonqa, qhaparisqankoqa Challwa Punku nisqamantapacha uyarikonqa. Mosoj llajta nisqapipis runakuna qhaparillanqankutaj, jinallataj orqokunapis ikhakuspa manchayta sonarispa loqhekonqa.

Lamentaciones 3:8

Chhikata qhaparispa yanapanawanta mañakushajtiypis, mana kasuta ruwawanchu.

Jeremías 31:15

Tata Dios nillantaj: Ramá llajtapi qhaparisqanku uyarikun, sonqo nanayta jik'un jik'un waqasqanku uyarikun. Raquel wawankunamanta waqashan, manataj sonqochasqa kayta munanchu, imaraykuchus wawankunaqa wañusqaña kanku, nispa.

Isaías 15:8

Chay jinata runakunaj qhaparikusqanku Moab suyoj mojonninkama uyarikun, waqasqankutaj Eglayinkama chayan, Ber Elimkama ima.

Proverbios 21:13

Sichus pipis wajcha runakunaj mañakusqankuta mana uyarin chayqa, paypa mañakusqanpis manallataj uyarisqachu kanqa.

Éxodo 3:7

Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj.

Éxodo 11:7

Chantá yachankichej imaynatachus Tata Dios Egipto llajtayojkunata uj jinamanta qhawasqanta, israelitakunatatajrí waj jinamanta, imaraykuchus israelitakunamantaqa ni runapis, nitaj uywapis wañonqachu, ni alqollapis ayñanqachu.

Éxodo 9:18

Chayrayku q'aya, kunanta jina, jatuchaj chijchi parata parachimusaj. Chay jina chijchi paraqa Egipto rikhurisqanmantapacha mana ni jayk'aj karqachu.

Isaías 19:16

Chaypacha Egipto llajtayojkunaqa warmi jina manchachikuywan kharkatitenqanku, Tukuy Atiyniyoj Tata Dios paykunaj contrankupi makinta oqharejtin.