Éxodo 10:13 - DIOSPA QHELQACHISQ

¹³ Chantá Moisesqa Egipto suyunejman varanta oqharerqa. Tata Diostaj inti llojsimuynejmanta uj p'unchayta, uj tutatawan wayrachimorqa. Sut'iyamuypajtaj wayraqa tukuy Egiptoman phinki phinkikunata apamorqa.

Qheshwa Biblia DC

¹³ Moisestaj tojnunta oqharerqa Egipto jallp'anejman. Señortaj inti llojsimuynejmanta wayrachimorqa uj p'unchayta, uj tutatawan Egiptonejman. Sut'iyamuypajtaj chay wayraqa langostasta rikhurichimorqa.

DIOSPA QHELQACHISQAN DEUTEROCANONICAL

¹³ Chantá Moisesqa Egipto suyunejman varanta oqharerqa. Tata Diostaj inti llojsimuynejmanta uj p'unchayta, uj tutatawan wayrachimorqa. Sut'iyamuypajtaj wayraqa tukuy Egiptoman phinki phinkikunata apamorqa.

Éxodo 10:13 Referans Kwoze

San Mateo 8:27

Yachachisqankunatajrí t'ukuspa, nerqanku: Pitaj kay runa kanmanri, wayrapis, mama qochapis payta kasunankupajri? nispa.

Jonás 4:8

Inti llojsimuytataj Tata Dios sinch'i q'oñi wayrata inti llojsimuynejmanta wayrachimorqa. Jinapi intej ruphaynin Jonaspa umanta sinch'ita k'ajaykorqa, chayraykutaj Jonaspa yuyaynin chinkanayarqa. Paytaj wañuyta munaspa, nerqa: Astawan allin kanman wañupunay, kawsanaymanta nisqaqa, nispa.

Jonás 1:4

Chaywanpis Tata Dios sinch'ita wayrachimorqa, jinataj mama qocha chawpitaña barco rishajtin, maytapuni para wayra yakuta qhollchoqeyachispa, barcota phirinanpaj jina kasharqa.

Salmos 148:8

Illapa, chijchi para, rit'i, phuyupis, kamachisqanta junt'aj sinch'i wayrapis,

Salmos 105:34

Ujtawan Dios parlajtin, phinki phinkikunañataj rikhurerqanku. May chhika mana yupay atina jinapuni karqanku.

Salmos 78:26

Jinallataj Diosqa atiyninwan inti llojsimuynejmanta wayrachimorqa, uranejmantapis wayrata chayachimorqa.

Éxodo 14:21

Chantá Moisés mama qochanejman makinta oqharerqa. Tata Diostaj tukuy chay tuta inti llojsimuynejmanta sinch'ita wayrachimuspa, mama qochapi yakuta iskayman khallarparerqa. Ajinapi qochaqa iskayman t'aqasqa rikhurerqa, pampantaj ch'akiman tukorqa.

Génesis 41:6

Chaykunaj qhepantataj llojsimullasqankutaj ch'aki wayraj ch'akichisqan, qanchis ch'usu trigo umakuna.

Salmos 78:46

Jinallataj Diosqa Egipto llajtayojkunaj poqochisqankuta khuruwan tukuykucherqa, tarpusqankutataj phinki phinkikunawan chinkarparicherqa.

Proverbios 30:27

Phinki phinkikuna mana kuraj kamachejniyoj kaspapis, tukuyninku sinrulla cheqanta ririnku.