Ester (hebreo) 10:3 - DIOSPA QHELQACHISQ

³ Judío Mardoqueoqa atiyniyoj kaypi kuraj kamachej Asueroj qhepanpi karqa. Chantá tukuy judiokunapaj manchay sumaj runapaj qhawasqa karqa, jinallataj manchay munasqa karqa. Payqa llajta masinkunapaj allin kajta mask'arqa, ruwarqataj llajta masinkuna allinpi k'achata tiyakunankuta.

Qheshwa Biblia DC

³ Mardoqueo judío atiypeqa rey Asueroj qhepampi karqa. Mardoqueoqa chaypacha may mentasqa karqa tukuy judiospaj, jinallataj tukuy llajta masisnimpajpis. Payqa ayllumpa allinninta mask'arqa, ruwarqataj llajta masisnin allimpi k'achata tiyakunankupaj.

DIOSPA QHELQACHISQAN DEUTEROCANONICAL

³ Judío Mardoqueoqa atiyniyoj kaypi kuraj kamachej Asueroj qhepanpi karqa. Chantá tukuy judiokunapaj manchay sumaj runapaj qhawasqa karqa, jinallataj manchay munasqa karqa. Payqa llajta masinkunapaj allin kajta mask'arqa, ruwarqataj llajta masinkuna allinpi k'achata tiyakunankuta.

Ester (hebreo) 10:3 Referans Kwoze

Nehemías 2:10

Chaywanpis Horonmanta Sambalat, kamachej amonita Tobiaswan chayta yachaspa, sinch'ita phiñakorqanku, israelitakunata yanapaj jamusqaykurayku.

Romanos 14:18

Sichus pipis ajinata Cristoj munasqanta ruwan chayqa, Diosta kusichin, runakunataj chaytaqa allinpaj qhawanku.

Romanos 10:1

Wawqe panakuna, noqa tukuy sonqo munani, jinataj Dioswan parlarikuspa mañakuni israelitakuna qhespichisqa kanankupaj.

Daniel (hebreo) 5:29

Chaymanta kuraj kamachej Belsasar kamacherqa Danielman puka p'achata churaykunankuta, kunkanmantaj qori k'achanchanata churanankuta. Chantá tukuyman willaracherqa suyupi Daniel kinsa kaj kamachej kananta.

2 Crónicas 28:7

Jinallataj Efraín jatun ayllumanta maqanakoj wapu runa Zicriqa kuraj kamachej Ajazpa churin Maseiasta wañucherqa. Chantá wañuchillarqataj kamachina wasipi kamachej Azricanta, kuraj kamachejpa kuraj yanapajnin Elcanata ima.

Génesis 41:40

Chayrayku qanmin kamachinay wasipi imachus ruwanata kamachiy ari, tukuytaj qanpa kamachisqaykita kasusonqanku. Noqalla qanmanta aswan kuraj kasaj, imaraykuchus noqaqa kuraj kamachej kani.

Daniel (hebreo) 5:16

Chaywanpis niwanku, qan mana yachay atina kajta sut'inchayta atisqaykita, mana allinchay atinatapis allinchaj kasqaykita. Kunanqa, sichus qan chay qhelqasqata ñawirinki, jinataj imatachus niyta munasqanta willawanki chayqa, sumaj puka p'achawan p'achallichisqayki, kunkaykimantaj qori cadenata churachisaj. Chantá suyuypi kinsa kaj kamachej kanki, nispa.

Ester (hebreo) 3:2

Kuraj kamachejpa kamachisqanman jina, kamachina wasi punkupi tukuynin kamachikuna qonqorikuspa, Amanta napaykoj kanku. Mardoqueotajrí mana qonqorikojchu, nitaj kasutapis ruwajchu.

1 Samuel 23:17

Nerqataj: David, ama manchachikuychu. Tatayqa mana tariyta atisonqachu. Qanqa Israel suyupi kuraj kamachej kanayki tiyan, noqataj qanpa qhepaykipi kasaj. Chaytaqa tatay Saulpis yachan, nispa.

Daniel (hebreo) 6:3

3 (4) Paytaj kinsantinmanta kuraj kaj karqa, aswan yachayniyoj kasqanrayku. Chayrayku kuraj kamachej yuyasharqa tukuy suyunpi Danielta kamachinanpaj churayta.

Génesis 45:10

Egiptoman chayamuspataj, Gosén cheqanejpi, noqamanta qayllapi tiyakunki wawaykikunawan, allchhiykikunawan, uywaykikunawan, chantá tukuy kapuyniykiwan ima.

Génesis 45:11

Chantá kawsanaykichejpaj noqa mikhunata qosqaykichej, aylluykichej, tukuy qanwan kashajkuna ima ama imamanta pisichikunaykichejpaj, imajtinchus yarqhayqa phishqa watatawanraj kanan kashan, nispa.

1 Samuel 18:16

Chaywanpis israelitakuna, jinataj Judamanta kajkuna Davidta munakorqanku, pay kamachejninku jina maqanakuman llojsishajtinku chayrí kutimpushajtinku pusasqanrayku.

Ester (hebreo) 2:5

Chaypacha kuraj kamachejpa tiyakunan Susa llajtapi uj judío karqa, Yairpa churin Mardoqueo sutiyoj. Payqa Cispa mirayninmanta, Simeypa mirayninmanta, Benjamín jatun ayllumanta karqa.