Esdras 9:9 - DIOSPA QHELQACHISQ

⁹ Wata runakuna kashajtiykupis, mana saqerpariwarqaykuchu. Khuyakuyniykita rikuchiwarqayku Persiamanta kaj kuraj kamachejpa ñawpaqenpi. Qanmin kawsayta qowarqayku, laqaya Temploykita watejmanta ruwanaykupaj. Judapi, jinallataj Jerusalenpipis waqaychawarqayku.

Qheshwa Biblia DC

⁹ Jap'isqapis kashajtiyku, mana saqewarqaykuchu presochasqa kashajtiyku. Khuyakuyniykita rikuchiwarqayku Persiapi kaj reypa ñaupaqempi. Qan kausayta qowarqayku, qanta yupaychana urmasqa wasiykita watejmanta ruwanaykupaj. Judapi jinallataj Jerusalempipis waqaychawarqayku.

DIOSPA QHELQACHISQAN DEUTEROCANONICAL

⁹ Wata runakuna kashajtiykupis, mana saqerpariwarqaykuchu. Khuyakuyniykita rikuchiwarqayku Persiamanta kaj kuraj kamachejpa ñawpaqenpi. Qanmin kawsayta qowarqayku, laqaya Temploykita watejmanta ruwanaykupaj. Judapi, jinallataj Jerusalenpipis waqaychawarqayku.

Esdras 9:9 Referans Kwoze

Esdras 7:6

Esdrasqa Tata Diospa kamachisqanmanta yachachej karqa, paytaj, Israelpa Tata Diosnin ima kamachisqatachus Moisesman qorqa, chaymanta sumajta yacharqa. Tata Dios payta yanapasqanraykutaj, kuraj kamachej Artajerjesqa tukuy ima mañasqanta payman qorqa. Chay jinamanta Esdras Babiloniamanta Jerusalenman jamorqa.

Zacarías 2:5

5 (9) Tata Diosrí nin: Chaypacha noqa kikiy Jerusalenpa muyuyninpi nina perqa jina sayaykusaj, kikin llajta chawpipitaj jatun kayniypa lliphipiyniyta rikuchisaj, nispa. Noqa Tata Diosmin chayta nini.

Hageo 1:9

Kunankama qankuna ashkhata mask'arqankichej, pisitataj tarerqankichej. Imatachus wasiykichejpi waqaychasqaykichejta noqa ujta phukuspalla chinkarparicherqani. Imajtintaj chayta ruwarqani? Imajtinchus waseyqa thuñisqallaraj kashan, qankunataj wasiykichej sumaj ruwasqa kanallanmanta phutikunkichej. Noqa Tukuy Atiyniyoj Tata Diosmin chayta nini.

Daniel (hebreo) 9:25

Kayta uyariy, jap'eqaytaj: Jerusalén llajtata watej sayarichinapaj kamachisqa llojsisqamantapacha, Diospaj Ajllasqan Kuraj Kamachej chayamunankamaqa qanchis semana kanqa. Chantá Jerusalenpa callenkuna, muyuyninpi perqanpis watej sayachisqa kanankamataj sojta chunka iskayniyoj semana kanqa. Chaywanpis manchay llakiy p'unchaykuna kanqa.

Ezequiel 11:16

Chayrayku apasqa kajkunaman sutiypi niy: Noqa Tukuyta Kamachej Tata Diosmin qankunata waj suyukunaman, karu llajtakunamanwan ch'eqeracherqaykichej. Chaywanpis noqa, maymanchus ch'eqerachisqaykichej, chay suyukunapi waqaychaspa yanapasqaykichej, nispa.

Isaías 5:5

Kunanqa uva huertaywan imatachus ruwanayta nisqaykichej: Perqanta thuñisaj, jinamantataj huertay chinkanqa. Tukuy sarunankupajtaj perqanta urmarachisaj.

Isaías 5:2

Paymin jallp'ata llank'asqa, rumintapis pallasqa, chaymantaj sumajnin kaj uvata mallkisqa. Chay uva huertaj chawpinpitaj qhawanapaj torreta ruwasqa, chantá uvata sarunapaj t'oqotapis ruwallasqataj. Munasqayqa uvankuna sumajta poqonanta suyasqa. Chaywanpis k'allku uvallata poqosqa.

Esdras 7:8

Esdrasqa Babiloniamanta Jerusalenman chayamorqa phishqa kaj killa qallariypi, qanchis watataña Artajerjes kamachishajtin.

Esdras 9:10

Kunanrí, Diosniyku, imata niyta atiykuman chay jina mana allinkunata ruwasqaykumantari? Kamachisqaykita mana kasorqaykuchu,

Salmos 109:12

Ama pipis khuyakoj kachunchu ni paymanta, nitaj wajcha wawankunamantapis.

Salmos 138:7

Llakiypi rikhurejtiy, qan mosoj kallpata qowanki, jinallataj atiyniykiwan awqaykunaj phiñakuyninkumanta kacharichiwanki.

Isaías 14:3

Israel ayllu, maypachachus Tata Dios samarikuyta qosonqachej chay jinata ñak'arisqaykichejmanta, jinallataj phutikusqaykichejmanta chantá chay jina sinch'i ruwaymanta ima chaypacha,

Esdras 2:68

Wakin ayllumanta kurajkunaqa Jerusalenpi kaj Tata Diospa Templonpa laqayanman chayaytawan, tukuy sonqo qorqanku Diospa Templon watejmanta ruwakunanpaj maypichus karqa, chaypi.

Nehemías 2:17

Chantá paykunata nerqani: Qankuna yachankichej sinch'i llakiypi kashasqanchejta. Jerusalén llajtanchejpa perqanqa urmasqa, punkunkunapis ruphasqa kashanku. Jerusalenpa perqanta watejmanta jatarichinachej amaña asipayanawanchejpaj, nispa.

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

Isaías 61:4

Paykuna urmasqa ñawpa wasikunata sayarichenqanku, ch'in thuñisqa laqayakunata watej ruwanqanku. Thuñisqa llajtakunatapis sayarichillanqankutaj. Unay wataña thuñisqa chantá saqesqapis kachun, watej sayarichisqa kanqa.