Esdras 9:5 - DIOSPA QHELQACHISQ

⁵ Chantá phutiyniymanta kutirerqani. Llik'isqa p'achaywantaj qonqoriykukorqani, makiyta oqharispataj, Tata Diosmanta mañakorqani:

Qheshwa Biblia DC

^5-6 Chay horaspi phutiyniymanta kutirerqani, chaywampis llik'isqa p'achaywanraj qonqoriykukuspa makisniyta Señor Diosniymanta oqharispa mañakuyta qallarerqani kay jinata: Diosníy, Diosníy, nispa. May p'enqaypi tarikuni, musphaykachashallani. Mana yachanichu imaynata qanman qayllaykusuyta. Pantasqaykoqa may jatumpuni, juchasniykutaj janaj pachakama chayamun.

DIOSPA QHELQACHISQAN DEUTEROCANONICAL

⁵ Chantá phutiyniymanta kutirerqani. Llik'isqa p'achaywantaj qonqoriykukorqani, makiyta oqharispataj, Tata Diosmanta mañakorqani:

Esdras 9:5 Referans Kwoze

1 Reyes 8:54

Salomonqa altarpa ñawpaqenpi Tata Diosman mañakuyta tukuspa, janaj pachaman makinta oqharisqa qonqorikusqanmanta sayarikorqa.

1 Reyes 8:38

Sichus mayqen israelitallapis, chayrí tukuynin Israel aylluyki mañakusunkuman, sapa uj sonqonpi phutisqa kasqanman jina, makinkutataj kay Templo cheqanejman oqharinkuman chayqa,

1 Reyes 8:22

Chantá tukuynin israelitakuna rikushajtinku, Salomonqa Tata Diospa altarninpa ñawpaqenpi sayarikorqa, makinta janaj pachaman oqharispataj, nerqa:

Éxodo 9:33

Moisesqa faraonpa qayllanmanta llojsispa, llajtamanta jawaman rerqa. Chantá makinta oqharispa, Tata Diosmanta mañakorqa. Jinataj chaypacha illapakuna, chijchi parawan ima thañiporqanku. Jinamanta illapakuna manaña karqachu.

Éxodo 9:29

Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

Efesios 3:14

Chayrayku qonqorikuspa, Tata Dioswan parlarikuni.

Salmos 143:6

Qanmanta mañakuspa, makiyta oqharini. Ch'aki jallp'apis kayman jina qanmanta ch'akichikuni.

Salmos 141:2

Mañakususqayqa inciensoj q'apaynin jina qanman chayamusuchun. Makiyta oqharispa mañakusqaytaj inti yaykuyta q'olachisqa jaywana jina kachun.

Salmos 95:6

Jamuychej, qonqorikuspa yupaychanachej. Tata Diospa ñawpaqenpi qonqorikunachej, imaraykuchus paymin ruwawarqanchej.

2 Crónicas 6:13

Payqa broncemanta ruwachisqa patilla patapi sayasharqa. Chay patillaqa sayt'unman iskay metro cuartayoj karqa, anchonmanpis jinallataj karqa, sayayninmantaj uj metro iskay cuarta kurajniyoj karqa. Chay patillaqa patio chawpipi churasqa karqa. Salomontaj chay pataman wicharispa, tukuy israelitakunaj ñawpaqenkupi qonqoriykukorqa, makinta janaj pachaman oqharispataj, nerqa:

Hechos 21:5

Chaywanpis chay qanchis p'unchay qhepata llajtamanta llojserqayku Jatun Qocha kantuman. Jinapi tukuy wawqekuna, warminkuwan, wawankuwan ima noqaykuwan khuska rerqanku. Chantá mama qocha kantupi qonqoriykukuspa, tukuyniyku Dioswan parlarikorqayku.

San Lucas 22:41

Chantá Jesús paykunamanta karunchakorqa uj rumi choqayman jina, chaypi qonqoriykukuspataj, Diosmanta mañakorqa:

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

Daniel (hebreo) 10:2

Chaypacha noqa Daniel kinsa semana junt'ata manchay llakisqa kasharqani.

Nehemías 1:4

Chayta willawajtinkukama, noqa tiyaykukuspa, mayta waqarikorqani. Uj mashkha p'unchayta ajina sinch'i llakisqa karqani, ayunaspataj, janaj pachapi kaj Diosmanta mañakorqani.