Esdras 9:4 - DIOSPA QHELQACHISQ

⁴ Chaypacha pikunachus Diospa nisqanta manchachikojkunaqa noqaman tantakamorqanku, chaypitaj tukuyniyku mayta llakikorqayku Babiloniamanta kutimojkunaj juchallisqankurayku. Noqatajrí manchay phutisqa tiyaspallapuni karqani, tardenpi Diosman uywa ñak'asqata jaywanakama.

Qheshwa Biblia DC

⁴ Noqaman tantakamorqanku presochasqamanta kutirimojkunaj juchankurayku Israelpata Diosnimpa jasut'iyninta manchachikojkuna. Noqataj tiyaspallapuni karqani manchay phutisqa, ch'isiyaykuyta Diosman uywa wañuchisqata jaywana horaskama.

DIOSPA QHELQACHISQAN DEUTEROCANONICAL

⁴ Chaypacha pikunachus Diospa nisqanta manchachikojkunaqa noqaman tantakamorqanku, chaypitaj tukuyniyku mayta llakikorqayku Babiloniamanta kutimojkunaj juchallisqankurayku. Noqatajrí manchay phutisqa tiyaspallapuni karqani, tardenpi Diosman uywa ñak'asqata jaywanakama.

Esdras 9:4 Referans Kwoze

Esdras 10:3

Kunanqa Diosninchejwan tratota ruwasqayku waj llajtayoj warmikunata, wawankukunatawan kachapunaykuta ajinamanta Diospa kamachisqanta junt'anaykupaj, imaynatachus qan, chantá pikunachus Diospa kamachisqanta kasunku, chaykuna yuyaychawasqaykuman jina.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Éxodo 29:39

Ujnin kajta tutamanta, ujnin kajtataj inti yaykuyta Diosman jaywanki.

Salmos 119:136

Kamachisqaykita wakin mana kasusqankurayku, paran paranta waqani.

2 Crónicas 34:27

sonqoykita wawayachispa, noqaman k'umuykamuwarqanki, kay cheqaj contranpi, kaypi tiyakojkunaj contrankupiwan, imakunatachus nisqayta uyarispa. Ñawpaqeyman k'umuykamuwarqanki, p'achaykita llik'ikuspataj, ñawpaqeypi waqarikorqanki. Chayrayku noqapis mañakuwasqaykita uyarillaykitaj, nispa. Noqa Tata Diosniyki nishayki:

Hechos 3:1

Uj kuti Pedrowan, Juanwan Temploman risharqanku tardenpi kinsa kaj phani chayta. Chay phanitaqa judiokuna tantakoj kanku Dioswan parlarikunankupaj.

Daniel (hebreo) 9:21

Ajinata mañakushajtiy, ñawpajpiña mosqoypi jina rikusqay Gabriel phawaspa jamorqa, maypichus noqa kasharqani, chayman. Chay karqa ch'isiyaykuyta Diosman uywata ñak'aspa jaywana phanita jina.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Esdras 10:9

Chayrayku Judamanta kajkuna, Benjaminmanta kajkunapis kinsa p'unchay ukhupi Jerusalenpi tantakorqanku. Chay karqa jisq'on killamanta iskay chunka p'unchayninpi. Chantá Diospa Templonpa pationpi tukuyninku tiyarakorqanku, kharkatitispa imatachus parlanankumanta, chantá manchayta parasqanmantawan.

Daniel (hebreo) 10:2

Chaypacha noqa Daniel kinsa semana junt'ata manchay llakisqa kasharqani.

Éxodo 29:41

Chay ujnin kaj corderotataj inti yaykuykuyta jaywanki, imaynatachus tutamanta jak'utawan, vinotawan ima jaywarqanki, ajinallatataj. Chayqa ima munayta q'apashaj Tata Diospa sonqonman chayaj kanqa.

Números 25:6

Chaypachapuni uj israelita, Moisespa rikunanta, chantá tukuy israelitakunaj rikunankuta, Madián llajtayoj uj warmita jaraman pusaykorqa. Moiseswan, israelitakunawan imataj Dioswan Tinkukuna Toldo punkupi waqasharqanku.

Isaías 66:5

Noqa Tata Diospa nisqayta uyariychej, pikunachus simi nisqayta uyarispa kharkatitejkuna. Qankunataqa llajta masiykichej chejnikusunkichej. Noqaj sutiyraykutaj jawaman qankunata qharqospa, nisunkichej: Tata Diosqa jatun kayninpa lliphipiyninta rikhurichichun, chayta rikuspa qankuna kusikuyta atinaykichejpaj, nispa. Chaywanpis paykunaqa p'enqaypi rikhurenqanku.