Esdras 9:3 - DIOSPA QHELQACHISQ

³ Chayta uyarejtiy, sonqoy nanawarqa, chayraykutaj p'achayta llik'ikorqani, chujchayta, sunkhaytawan sik'irakorqani, manchay phutisqataj tiyaykukorqani.

Qheshwa Biblia DC

³ Kay jinata uyarispa sonqo nanayniyta rikuchinaypaj p'achayta llik'ikorqani, chujchayta, sunkhaytawan sik'irakorqani manchay phutisqataj tiyakorqani.

DIOSPA QHELQACHISQAN DEUTEROCANONICAL

³ Chayta uyarejtiy, sonqoy nanawarqa, chayraykutaj p'achayta llik'ikorqani, chujchayta, sunkhaytawan sik'irakorqani, manchay phutisqataj tiyaykukorqani.

Esdras 9:3 Referans Kwoze

Nehemías 1:4

Chayta willawajtinkukama, noqa tiyaykukuspa, mayta waqarikorqani. Uj mashkha p'unchayta ajina sinch'i llakisqa karqani, ayunaspataj, janaj pachapi kaj Diosmanta mañakorqani.

Josué 7:6

Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.

Miqueas 1:16

Sión llajtapi tiyakojkuna, munasqa wawaykichejkunarayku may llakisqa kasqaykichejta rikuchispa, sunkhaykichejta raphakuychej. Suweq'araj umanman rijch'akunankama umaykichejta ruthukuychej, imaraykuchus wawaykichejkunaqa mana munashajpis waj suyuman apasqa kanqanku.

Daniel (hebreo) 8:27

Chay qhepata noqa Daniel mana kallpayoj rikhurerqani, chantá unaysituta onqosqa karqani. Chaymanta jatarikuspa, imatachus Babiloniaj kuraj kamachejpaj ruwanay karqa, chayta ruwallarqanipuni. Chaywanpis imatachus rikusqaymanta anchata t'ukusharqani, nitaj imatachus niyta munasqanta sut'inchayta aterqanichu.

Daniel (hebreo) 4:19

19 (16) Chantá Beltsasar sutiwan sutichasqa Daniel t'ukushaj qhepakorqa, tukuy imaymana yuyaykuna umanman jamojtintaj, mayta mancharikorqa. Noqa Nabucodonosortajrí, payta nerqani: Beltsasar, mosqokusqay imatachus niyta munasqanmanta ama manchariychu, nispa. Chantá Beltsasar kutichispa, niwarqa: Ay wiraqochíy, mosqokusqayki imatachus niyta munasqanqa qanta chejnisojkunapaj kachun.

Ezequiel 7:18

Llakiyninkuta rikuchispa, qhashqa p'achata churakonqanku, manchariywantaj kharkatitirenqanku. Tukuyninkojta umanku raphasqa kanqa, uyankupis p'enqaywan pukayarenqanku.

Ezequiel 3:15

Chantá Tel Avivman, Quebar mayoj kantunkama chayarqani, maypichus apasqa israelitakuna tiyakusharqanku, chayman. Chaypitaj paykunawan qanchis p'unchay junt'ata karqani, manataj yacharqanichu imatachus ruwanayta, nitaj imatachus parlanayta.

Jeremías 36:24

P'anqamanta ñawirisqata uyarishaspapis, mana kuraj kamachej nitaj yanapajninkunapis mancharikorqankuchu, nitaj uj chhikanta sonqonkuta nanachikojmanpis rijch'akorqankuchu.

Jeremías 7:29

Jerusalenpi tiyakojkuna, chujchaykichejta k'utuspa, wijch'uychej. Llakiy yarawita ch'in lomakunapi takiychej, imaraykuchus Tata Dios may phiñasqa contraykichejpi kaspa, qankunata qhesachasunkichej, wijch'usunkichejtaj.

Isaías 15:2

Dibón llajtamanta kajkunaqa loma patapi diosninkuta yupaychana wasikunaman waqaj wicharerqanku. Moabmanta runakunataj Nebo llajtarayku, Medeba llajtaraykutaj waqarikunku. Chayrayku runakunaj chujchanku, sunkhankuwan ima ruthusqa kashan.

Salmos 143:4

Sinch'i llakiywan ñit'isqa kashani, sonqoytaj p'akisqa kashan.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.

Nehemías 13:25

Jinapi paykunata k'amerqani, maldicerqanitaj. Paykunamanta wakintaqa maqarqani, chujchankutataj t'irarqani. Kamacherqanitaj Diosrayku tilunankuta: Manaña ujtawan ususiykukunata, nitaj churiykukunatapis waj llajtayojkunawan casarachisqaykuchu. Noqaykupis manallataj paykunamanta warmikunawan casarasqaykuchu, nispa.

2 Reyes 18:37

Chantá Hilciaspa churin kamachejpa mayordomon Eliaquín, qhelqerin Sebna, kamachejta yanapaj Asafpata churin Yoaj ima p'achankuta llik'irakuspa, kamachej Ezequiasman rerqanku, Asiria soldadokunata kamachej, imatachus nisqanta willaj.

Levítico 21:5

Jinallataj sacerdotekunaqa ama chujchankuta, nitaj sunkhankutapis raphakonqankuchu, nillataj ukhunkutapis q'allurakonqankuchu.

2 Samuel 1:11

Chayta uyarispa, Davidwan, soldadonkunawan ima p'achankuta llik'irakorqanku, llakikusqankuta rikuchispa.

Salmos 119:53

Millayta ruwaspa purejkuna kamachisqaykita saqerparisqankuta rikuspa, sinch'ita phiñakuni.