Esdras 7:16 - DIOSPA QHELQACHISQ

¹⁶ Chantapis, tukuynin Babilonia suyumanta qolqeta, qoritawan tantasqaykita apallankitaj, jinallataj imatachus israelitakuna, chantá sacerdotekunapis Jerusalenpi Diosninkoj Templonpaj sonqonkumanta ofrendankuta qorqanku, chaytawan.

Qheshwa Biblia DC

¹⁶ Chantapis, Babilonia jallp'antinmanta qolqeta, qoritawan tantachispa apallankitaj. Jinallataj imastachus israelita runas, chanta sacerdotespis, Jerusalempi kaj Diosninkoj templompaj sonqonkumanta ofrendasta qonqanku chaytawan.

DIOSPA QHELQACHISQAN DEUTEROCANONICAL

¹⁶ Chantapis, tukuynin Babilonia suyumanta qolqeta, qoritawan tantasqaykita apallankitaj, jinallataj imatachus israelitakuna, chantá sacerdotekunapis Jerusalenpi Diosninkoj Templonpaj sonqonkumanta ofrendankuta qorqanku, chaytawan.

Esdras 7:16 Referans Kwoze

1 Crónicas 29:6

Chantá wasi ayllukunata kamachejkuna, Israel jatun ayllukunata kamachejkuna, waranqa soldadokunata, pachaj soldadokunata kamachejkuna, kuraj kamachejpa ruwachisqanta qhawajkuna ima tukuy sonqo munasqankuta tukuy imata qorqanku.

Esdras 1:6

Jinataj tukuy qayllankupi tiyakojkunapis paykunata yanaparqanku qolqewan, qoriwan, kapuyninkuwan, uywankuwan, ashkha valorniyoj imakunawan, chantapis tukuy imaymana ofrendankuwan atisqankuman jina.

Esdras 1:4

May llajtakunapichá israelitakuna kawsashankuraj, chay llajtayojkunaqa israelitakunata yanapachunku ripunankupaj qolqe metalwan, qoriwan, imachus tiyapuyninkuwan, uywankuwan ima. Ofrendatapis qollachunkutaj atisqankuman jina, Jerusalenpi kaj Tata Diospa Templonpaj, nispa.

1 Crónicas 29:9

Tukuy israelitakuna Tata Diosman sonqonkumanta munaspa qosqankumanta anchatataj kusikorqanku. Kuraj kamachej Davidpis maytapuni kusikullarqataj.

2 Corintios 9:7

Sapa uj qolqeta churachun sonqonpi yuyaychakusqanman jina, mana llakikuspa, nitaj mat'isqa jinachu, imaraykuchus Dios munakun pichus kusiywan qojta.

2 Corintios 8:12

Sichus pipis tukuy sonqowan qoyta munan chayqa, Dios chay qosqanta kusiywan jap'enqa. Pay munan tiyapuwasqanchejman jinalla qonanchejta, manataj mañakuwanchejchu mana tiyapuwajtinchejqa.

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

2 Crónicas 6:2

Noqatajrí Templota ruwachipuyki chaypi wiñaypaj tiyakunaykipaj, nispa.

2 Crónicas 6:5

Tata Dios nisqa: Egipto suyumanta aylluyta orqhomusqaymantapacha, tukuy Israel suyupi mana mayqen llajtatapis ajllakorqanichu yupaychanawaykichejpaj chaypi Templota ruwachipunawaykichejpaj. Nillataj pitapis aylluyta kamachinanpaj ajllakorqanichu.

2 Crónicas 6:6

Kunantajrí noqaqa Jerusalén llajtata ajllakuni, chaypi yupaychasqa kanaypaj, aylluyta kamachinanpajtaj Davidta ajllakuni, nispa.

2 Crónicas 31:14

Inti llojsimuy lado punkuta qhawaj Imnaj churin levita Coré karqa. Payqa qhawarqa sonqonkumanta Diosman ofrendata apamusqankuta. Payllataj Diosman jaywasqa ofrendakunata, chay Tata Diospaj t'aqasqa imakunatawan rak'inan karqa.

Salmos 135:21

Jerusalenpi tiyakoj Tata Dios Sionmantapacha jatunchasqa kachun. Arí, Tata Dios jatunchasqa kachun.