Esdras 6:1 - DIOSPA QHELQACHISQ

¹ Chantá kuraj kamachej Darioqa kamacherqa chayta Babiloniapi mask'anankuta, maypichus qhelqakunata waqaychaj kanku, chaypi.

Qheshwa Biblia DC

¹ Rey Darioqa chaypacha kamacherqa chayta mask'anankuta Babiloniapi, maypichus librosta waqaychaj kanku chaypi.

DIOSPA QHELQACHISQAN DEUTEROCANONICAL

¹ Chantá kuraj kamachej Darioqa kamacherqa chayta Babiloniapi mask'anankuta, maypichus qhelqakunata waqaychaj kanku, chaypi.

Esdras 6:1 Referans Kwoze

Esdras 5:17

Kunan kuraj kamachejniyku, sichus allin rijch'asunkiman chayqa, mañakuyku Babiloniapi kuraj kamachejkunaj ñawpa ruwasqankumanta willaj qhelqapi mask'achinaykita jinapunichus manachus kuraj kamachej Ciroqa kamachisqanta Jerusalenpi Diospa Templon watejmanta ruwakunanta. Chantá willamuwayku qan kamachejniyku chaymanta imatachus ninki, nispa.

Proverbios 25:2

Diosqa wakin yachayta pakaspa, may jatun kasqanmanta yachayta qowanchej. Kuraj kamachejtajrí chay pakasqa kajta sut'inchaspa, chaymanta jatunchasqa kanqa.

Esdras 4:15

Mask'achiwaj ñawpa tataykikunaj ruwasqankumanta willaj qhelqakunata. Kuraj kamachejniyku, chaypi tarinki, yachankitaj, kay llajtayojkuna mana kasukoj kasqankuta kamachejkunapajpis, jinallataj waj suyukunapajpis. Ñawpa p'unchaypi paykuna kuraj kamachejpa contranpi oqharikullarqankupuni. Chayrayku kay llajta thuñisqa karqa.

Apocalipsis 5:1

Chantá noqa chay kamachina tiyanapi tiyasqa kajpa paña makinpi rikorqani uj k'uyusqa p'anqata. Chay k'uyusqa p'anqaqa ukhunpi jawanpi ima qhelqasqa karqa, qanchis sellowantaj sellasqa.

Ezequiel 2:9

Jinapi noqa qhawarerqani, rikorqanitaj uj makita qhelqa jap'irisqata. Chay makitaj noqa ladoman aysarisqa karqa.

Jeremías 36:32

Chantá Jeremías qaramanta ruwasqa waj p'anqata jap'ispa, qhelqerin Neriaspa churin Barucman jaywarqa. Paytaj Jeremiaspa tukuy nisqanta qhelqarqa, mayqenchus Judata kuraj kamachej Joacinpa ruphachisqan p'anqapi qhelqasqa karqa, chay tukuyta. Jeremiastaj ñawpajta qhelqachisqanman waj imakunatawan yapacherqa.

Jeremías 36:29

Chantá Judata kuraj kamachej Joacinman kay jinata ninki: Tata Dios nin: Qanqa qaramanta ruwasqa p'anqata ruphacherqanki, imaraykuchus chaypi qhelqasqa nin: Babiloniamanta kuraj kamachejqa jamonqapuni kay suyuta chinkachinanpaj, manataj ni uj runallatapis nitaj uj uywallatapis kawsajta saqenqachu, nispa.

Salmos 40:7

7 (8) Chayrayku nerqani: Kaypi kashani, nispa. Diospa Qhelqachisqanpi noqamanta kay jinata nin:

Job 29:16

Pisichikojkunaj tatanku karqani, waj llajtayojkunamanta kutikojninkutaj.

Esdras 4:19

Kamacherqani ñawpa p'unchaypi imachus kasqanmanta willaj qhelqapi mask'anankuta. Cheqamanta ajina kasqa: Chay llajtaqa ñawpajpi kuraj kamachejkunaj contranpi oqharikusqanku. Paykunawan maqanakunankupaj, ch'ajwata ruwanankupajtaj wakichikusqanku.

Ezequiel 3:1

Chantá Tata Dios niwarqa: Runaj churin, kay qhelqasqa p'anqata mikhuykuy, jinaspataj Israel aylluman parlamuy, nispa.

Esdras 6:22

Qanchis p'unchay junt'ata Mana Levadurayoj T'anta raymita manchay kusiywan ruwarqanku, imaraykuchus Tata Diosqa Asiriamanta kaj kuraj kamachejpa sonqonta llamp'uyachisqa, Israelpa Diosninpa Templonta ruwayta yanapananpaj.

Esdras 7:13

Noqa kamachini: Kamachisqay suyupi kashanku, chay tukuy israelitakunamanta pikunachus qanwan khuska Jerusalenman ripuyta munajkuna rillachunku, chantá sacerdotekunapis, jinallataj levitakunapis.

Daniel (hebreo) 9:25

Kayta uyariy, jap'eqaytaj: Jerusalén llajtata watej sayarichinapaj kamachisqa llojsisqamantapacha, Diospaj Ajllasqan Kuraj Kamachej chayamunankamaqa qanchis semana kanqa. Chantá Jerusalenpa callenkuna, muyuyninpi perqanpis watej sayachisqa kanankamataj sojta chunka iskayniyoj semana kanqa. Chaywanpis manchay llakiy p'unchaykuna kanqa.