Esdras 4:4 - DIOSPA QHELQACHISQ

⁴ Chaymanta chaypi tiyakoj runakunaqa judiokunata iskayrayacherqanku, manchacherqankutaj, Templota ama ruwanankupaj.

Qheshwa Biblia DC

⁴ Chaymanta chay jallp'api tiyakoj runasqa, Judamanta kaj runasta iskayrayacherqanku, manchacherqankutaj, templotaqa ama ruwanankupaj.

DIOSPA QHELQACHISQAN DEUTEROCANONICAL

⁴ Chaymanta chaypi tiyakoj runakunaqa judiokunata iskayrayacherqanku, manchacherqankutaj, Templota ama ruwanankupaj.

Esdras 4:4 Referans Kwoze

Esdras 3:3

Muyuyninkupi tiyakojkunata manchachikushaspapis, altarta ruwarqanku, maypichus ñawpajta ruwasqa karqa, chayllapitaj. Chay patapitaj Tata Diosman uywata ñak'aspa ch'isin, paqarin q'olacherqanku.

Jeremías 38:4

Chantá chay kurajkunaqa kuraj kamachejman willamorqanku: Jeremiasta wañuchina, imaraykuchus imatachus nisqanwan llajtanchejpi qhepakoj soldadokunata iskayrayachin, jinallataj tukuy runatapis. Kay runaqa mana kay llajtaj allinnintachu mask'an, aswanqa mana allinnillanta munan, nispa.

Nehemías 6:9

Paykunaqa mancharichiyta munawarqayku jinamanta iskayrayanaykupaj, manataj chay ruwanata tukuyta atinaykupaj. Chaywanpis noqaqa mañakorqani: Diosníy, kallpachaway, nispa.

Nehemías 4:11

Chay awqaykukunapis nillarqankutaj: Paykunaj mana yachasqallan, mana reparasqallan yaykuspa, noqanchej paykunata wañuchisunchej, jinamanta perqashasqankuta jark'asunchej, nispa.

2 Samuel 4:1

Saulpa churin Isbosetqa Hebronpi Abner wañusqanta yachaspa kharkarqa, Israel suyupi tukuy runataj manchachikuyta qallarerqanku.

Esdras 4:5

Aswanpis kuraj kamachejpa wakin kurajninkunaman qolqeta lluk'iykorqanku. Chaykunataj Templo ruwakunanta jark'arqanku, Persiapi kuraj kamachej Ciro kamachisharqa, chaypacha, kuraj kamachej Darío Persiapi kamachej yaykunankama.

Nehemías 4:2

Llajta masinkoj ñawpaqenpi, Samariamanta soldadokunaj ñawpaqenkupiwan kay jinata nerqa: Imatataj kay yarqhaymanta wañusqa judiokuna ruwayta yuyankuri? Yuyarqankuchu ujtawan uywa ñak'asqata jaywayta? Chayrí uj p'unchayllapichu perqa oqhariyta tukuychayta yuyanku? Chayrí yuyankuchu laqaya ukhumanta mosoj rumita orqhoyta? nispa.

Daniel (hebreo) 10:13

Jinapis, Persia suyuta qhawaj millay angelqa iskay chunka p'unchay junt'ata jark'awarqa. Chaywanpis angelkunamanta kuraj kaj ángel Miguel sutiyoj noqata yanapanawanpaj jamorqa. Chantá noqa sapallay Persiamanta kaj kamachejkunawan khuska qhepakorqani.

Daniel (hebreo) 10:20

Chantá nillawarqataj: Yachankichu imaraykuchus watukusoj jamusqayta? Kunanqa Persia suyoj kamachejninta qhawaj angelwan maqanakoj kutisaj. Chaypachataj Grecia suyoj kuraj kamachejninta qhawaj angelñataj jamonqa.