Esdras 3:13 - DIOSPA QHELQACHISQ

¹³ Mana pipis yachayta aterqachu, kusiywanchus, chayrí llakiywanchus qhaparishasqankuta, imaraykuchus karumantapacha chay ch'ajwaqa uyarikorqa.

Qheshwa Biblia DC

¹³ Mana pipis yachayta aterqachu, kusiywanchus, chayri llakiywanchus qhaparishasqankuta, imaraykuchus karumantapacha runa ch'ajwajqa uyarikorqa.

DIOSPA QHELQACHISQAN DEUTEROCANONICAL

¹³ Mana pipis yachayta aterqachu, kusiywanchus, chayrí llakiywanchus qhaparishasqankuta, imaraykuchus karumantapacha chay ch'ajwaqa uyarikorqa.

Esdras 3:13 Referans Kwoze

1 Samuel 4:5

Tata Diospa arcanta jaraman chayachimojtinkutaj, tukuy israelitakuna kusiywan sinch'ita qhaparerqanku. Sinch'ita qhaparisqankoqa jallp'ata kharkatiticherqa.

Zacarías 4:7

Chhika jatun orqo, imataj qan kankiri? Zorobabelpa ñawpaqenpi pampachasqa kanki. Temploj cimientonpaj sumaj kaj rumita orqhoshajtin, runakuna qhaparenqanku: Chayqa manchay k'achitu, may k'achitupuni, nispa.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Salmos 5:11

11 (12) Pikunachus qanta mask'asojkunarí, kusisqallapuni takirikuchunku, imajtinchus qanmin paykunata waqaychanki. Qanta munakusojkunaqa kusisqa kawsakuchunku.

Nehemías 12:43

Chay p'unchaypi ashkha uywata ñak'aspa Diosman jaywarqanku, runakunataj mayta kusikorqanku Dios paykunata mayta kusichisqanrayku. Warmikunapis, wawakunapis sinch'ita kusikullarqankutaj. Chaypacha Jerusalenpi kusiywan ch'ajwasqankoqa karumantapacha uyarikorqa.

1 Reyes 1:45

Chantá Diosmanta sut'inchaj Natán, sacerdote Sadocwan Guijonpi Salomonta kuraj kamachej kananpaj aceitewan jawiykorqanku, chaymantataj kusisqa kutimorqanku. Chayrayku ari chay jinata tukuy israelitakuna mayta kusikushanku, chayta qankunapis uyarerqankichej.

1 Reyes 1:40

Chaymantaqa tukuyninku kuraj kamachej Salomonpa qhepanta putututa waqachispa rerqanku. May jatun kusiywan ch'ajwarispa, jallp'atapis kuyurichej jinapuni karqanku.

Jueces 2:5

Chayrayku chay cheqata suticharqanku Boquín, nispa. Chayllapitaj Tata Diosman uywa ñak'asqa q'olachinakunata jaywarqanku.

Esdras 3:12

Sacerdotekunamanta, levitakunamanta ashkha, chantá kuraj tatakuna ima ñawpa Templota rikusqanku. Chayrayku jatunmanta qhaparispa, waqarqanku Tata Diospa Templon watejmanta ruwakushajta rikuspa. Wakintaj kusiywan qhaparisharqanku.

Esdras 4:1

Judá jatun aylluta, Benjamín jatun ayllutawan chejnejkunaqa yacharqanku, Babiloniaman apasqa kajkunamanta kutimojkuna Israelpa Tata Diosninpa Templonta watejmanta ruwashasqankuta.

Jeremías 50:4

Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.