Esdras 3:11 - DIOSPA QHELQACHISQ

¹¹ Ujkuna yupaychaspa takerqanku, wajkunataj Tata Diosman pachis nispa, nerqanku: Payqa may k'achapuni, Israeltaqa wiñaypaj munakun, nispa. Chantá tukuy runakuna kusiywan qhaparispa, Tata Diosta yupaycharqanku, paypa Templonta watejmanta ruwayta qallarishajta rikusqankurayku.

Qheshwa Biblia DC

¹¹ Ujkuna alabanzasta takerqanku, wajkunataj yupaycharqanku Señorman graciasta qospa kay jinata: Payqa may k'achapuni, Israeltaqa wiñaypaj munakun. Runasqa llajtantin kusiywanqa qhaparerqanku, yupaycharqankutaj Señorta, paypa templonta watejmanta ruwayta qallarishajta rikusqankurayku.

DIOSPA QHELQACHISQAN DEUTEROCANONICAL

¹¹ Ujkuna yupaychaspa takerqanku, wajkunataj Tata Diosman pachis nispa, nerqanku: Payqa may k'achapuni, Israeltaqa wiñaypaj munakun, nispa. Chantá tukuy runakuna kusiywan qhaparispa, Tata Diosta yupaycharqanku, paypa Templonta watejmanta ruwayta qallarishajta rikusqankurayku.

Esdras 3:11 Referans Kwoze

1 Crónicas 16:34

Tata Diosta pachis niychej, imaraykuchus payqa may k'achamin, khuyakuyninpis wiñaypaj.

Salmos 106:1

Tata Dios jatunchasqa kachun. Tata Diosta pachis niychej, k'acha kasqanrayku, imajtinchus khuyakuynenqa wiñay wiñaypajmin.

Salmos 107:1

Tata Diosta pachis niychej, k'acha kasqanrayku, imajtinchus khuyakuynenqa wiñay wiñaypajmin.

Salmos 103:17

Tata Diospa khuyakuyninrí wiñay wiñaypaj payta may jatun respetowan qhawajkunapaj. Justicianpis tukuy tiempo runakunapaj mana tukukuyniyoj

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Salmos 135:3

Tata Diosta yupaychaychej, imaraykuchus payqa k'achamin. K'acha kasqanraykutaj sutinman takiychej.

Salmos 118:1

Tata Diosta pachis niychej, k'acha kasqanrayku, imajtinchus khuyakuynenqa wiñay wiñaypajmin.

2 Crónicas 7:3

Tata Diospa jatun kayninpa lliphipiyninta Templo pataman urayk'amojta, chantá nina urmamojta rikuspa, tukuy israelitakuna pampakama k'umuykorqanku. Jinaspataj, Tata Diosta yupaycharqanku: Tata Diosqa may k'achamin, khuyakuynintaj wiñaypajmin, nispa.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Nehemías 12:24

Levitakunajpa kurajninkukuna kaykuna karqanku: Jasabías, Serebías, Josué, Binúi, Cadmiel ima. Paykunaqa chimpantinpura takerqanku Diosta yupaychaspa, jinataj pachis nispa, ujtaj ujtaj takerqanku, Diospa kamachin David kamachisqanman jina.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Éxodo 15:21

Mariataj ajinata takerqa: Takiychej Tata Diosta jatunchaspa, imaraykuchus payqa awqankunata atipasqata atipan. Mama qochaman carretakunata, caballopi rejkunata ima p'ultiykun, nispa.

San Lucas 1:50

Diospa khuyakuynin kallanpuni miraymanta mirayman, pikunachus may respetowan payta qhawajkunapaj.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Isaías 6:3

Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

Salmos 47:1

1 (2) Kay pachapi tukuy tiyakojkuna, t'ajllakuychej. Kusiywan qhaparispa, Diosta jatunchaychej.

1 Crónicas 16:41

Churallarqataj paykunatawan khuskata Hemanta, Jedutunta, chantá pikunachus sutinkumanta ajllasqa karqanku, chaykunatawan. Paykunaqa Tata Diosta yupaychananku karqa: Munakuynenqa wiñaypajmin, nispa.

Nehemías 12:40

Chaymantataj iskaynin takejkunamanta t'aqa Diospa Templonman chayaspa, maypichus sayanankupi chaypi sayarqani. Noqapis chantá kamachejkunamanta khuskanninkuwan jinallatataj ruwarqayku.

Salmos 47:5

5 (6) Tata Diosqa kamachinan tiyanaman tiyaykun, runakuna kusiymanta qhaparishajtinku, trompetata waqachishajtinku ima.

Josué 6:5

Maypachachus qankuna carnero wajramanta putututa unayta waqajta uyarinkichej chayqa, tukuy kallpawan qhapariychej, llajtaj perqankunataj ujllata thuñirparikonqanku. Chaymantataj sapa ujniykichej maypichus kashasqaykichejmanta cheqanta llajtaman phinkiykuychej, nispa.

Josué 6:16

Chantá qanchis kutita muyurisqankutawan, sacerdotekuna pututunkuta sinch'ita waqachejtinku, Josué israelitakunata nerqa: Qhapariychej, imaraykuchus Tata Dios kay llajtata makiykichejman jaywaykusunkichejña.

Josué 6:10

Josuetaj soldadokunata ch'inllamanta muyurinankuta kamacherqa: Maypachachus: Qhapariychej, nejtillay, sinch'ita qhaparinkichej, nispa.

2 Crónicas 5:13

Chantá cornetata waqachinankupaj tukuyninku churakorqanku, tukuyninkutaj Tata Diosta yupaychaspa uj runa jinalla, pachis nispa takisharqanku. Cornetata, platillota, waj tocanatapis tocarispa, takisharqanku: Tata Diosqa may k'achamin, munakuynintaj wiñaypajmin, nispa. Ajinata takishajtinkutaj, chay Tata Diospa Templonman phuyu ujllata junt'aykorqa.

Salmos 100:5

Tata Diosqa manchay k'achamin, khuyakuynintaj wiñaypaj. Nisqanta junt'aj kasqantaj mana tukukunchu.

Salmos 131:1

(1b) Tata Dios, sonqoyqa mana jatunchakunchu, nitaj ñawiypis ni pita pisipaj qhawanchu. Mana jatuchaj t'ukuna imakunaj qhepantachu purini, nitaj mana ruway atinaj qhepantapis.

Zacarías 4:7

Chhika jatun orqo, imataj qan kankiri? Zorobabelpa ñawpaqenpi pampachasqa kanki. Temploj cimientonpaj sumaj kaj rumita orqhoshajtin, runakuna qhaparenqanku: Chayqa manchay k'achitu, may k'achitupuni, nispa.

Hageo 2:3

Pikunachus ñawpa Templo imayna k'achituchus kasqanta rikojkunata tapuychej: Kunan kay Templo imaynataj rijch'asunkichej? nispa. Ñawpa Temploman ni chhikitanta rijch'akunchu, icharí?