Esdras 3:10 - DIOSPA QHELQACHISQ

¹⁰ Maypachachus wasi ruwajkuna Tata Diospa Templonta ruwayta qallarerqanku chaypacha, sacerdotekunaqa sayarikorqanku sacerdote p'achawan p'achallisqa, pututuyojtaj. Asafpa churinkuna levitakunataj platillokunayoj karqanku, Tata Diosta yupaychanankupaj, Israelpa ñawpa kuraj kamachejnin Davidpa yachachisqanman jina.

Qheshwa Biblia DC

¹⁰ Maypachachus albañiles Señorpa templonta ruwayta qallarerqanku chaypacha, sacerdotes sayarikorqanku linomanta p'achasninwan p'achallisqas, pututusniyojtaj. Asafpa wawasnin levitastaj platillosniyoj karqanku, Señorta yupaychanankupaj, Israelpi kaj rey Davidpa yachachisqanman jina.

DIOSPA QHELQACHISQAN DEUTEROCANONICAL

¹⁰ Maypachachus wasi ruwajkuna Tata Diospa Templonta ruwayta qallarerqanku chaypacha, sacerdotekunaqa sayarikorqanku sacerdote p'achawan p'achallisqa, pututuyojtaj. Asafpa churinkuna levitakunataj platillokunayoj karqanku, Tata Diosta yupaychanankupaj, Israelpa ñawpa kuraj kamachejnin Davidpa yachachisqanman jina.

Esdras 3:10 Referans Kwoze

Zacarías 4:10

Wasi perqay qallariypi pisillata ruwasqata rikuspa, pikunachus pisipaj chayta qhawarqanku, chaykuna Zorobabelpa tukuychasqanta rikuspa, kusikonqanku, nispa. Chantá ángel nillawarqataj: Kay qanchis lamparakunaqa Tata Diospa ñawinkuna kanku, pichus tukuy kay pachata qhawashan, chaypata, nispa.

2 Crónicas 35:15

Asafpa ayllunmanta takejkuna maypichus kanankupi kasharqanku, imaynatachus kuraj kamachej David, yanapajninkuna Asaf, Hemán, Diospa rikuchisqanta willaj Jedutún ima kamachisqanku, ajina. Punkuta qhawajkunapis sapa uj punkunkupi kasharqanku. Mana mayqenninkupis qhawanataqa saqerparerqankuchu, wawqenku levitakunaqa paykunapajwan wakichisqankurayku.

1 Crónicas 23:5

Punkuta qhawanankupajtaj 4.000 levitakunata churarqanku. Churallarqankutaj 4.000 levitakunatawan Davidpa ruwasqan tocanakunawan Tata Diosta yupaychanankupaj.

1 Crónicas 16:42

Paykunataj trompetata, chantá platillota ima jinataj waj imakunatawan tocaj kanku, chaykunata tocaspataj, Diosman takej kanku. Jedutunpa churinkunatajrí, punkuta qhawanankupaj churasqa karqanku.

1 Crónicas 16:37

Ajinata Davidqa Tata Diospa trato ruwasqan arcaj ñawpaqenpi Asafta, wawqenkunatawan churarqa, chaypi sapa p'unchay imachus ruwana kasqanman jina ruwanankupaj.

1 Crónicas 15:27

Davidtaj linomanta sumaj awasqa p'achawan chantá linomanta unkuwan p'achallisqa risharqa. Jinallatataj Diospa arcanta apaj levitakunapis, takejkunapis, takiyta yachachej Quenaniaspis ajina p'achallisqallataj karqanku.

1 Crónicas 15:24

Sacerdotekunamantataj Sebanías, Josafat, Natanael, Amasay, Zacarías, Benaías, Eliezer ima Diospa arcanpa ñawpaqenpi trompetata tocarqanku.

1 Samuel 22:18

Chayrayku kuraj kamachejqa Edom llajtayoj Doegta kamacherqa: Paykunata wañuchiy, nispa. Doegtaj sacerdotekunaj contrankupi sayaykuspa, pusaj chunka phishqayojta wañucherqa. Paykunaqa linomanta ruwasqa unkuyoj kasharqanku.

Esdras 5:16

Ajinamantataj Sesbasar chayamuspa, Jerusalenpi Diospa Templonta ruwayta qallaricherqa. Chaymantapachataj Templota watejmanta ruwashanku, manataj tukuchasqarajchu kashan.

Salmos 150:5

Platillokunata tocaspa, payta yupaychaychej. Juch'uy platillokunawanpis payta jatunchaychej.

Hageo 2:15

Kunanmanta ñawpajman sumajta tapurikuychej: Manaraj Tata Diospa Templonta ruwayta qallarishaspa, imaynachus kasqaykichejmanta unanchariychej:

Zacarías 4:6

Chantá chay ángel willawarqa: Kayqa Tata Diosmanta uj willay Zorobabelpaj: Atipanaykipaj noqa mana soldadokunawanchu, nitaj runaj kallpawanchu yanapasqayki. Manachayqa Espirituywanmin atipachisqayki, nispa nin Tukuy Atiyniyoj Tata Dios.

Zacarías 4:7

Chhika jatun orqo, imataj qan kankiri? Zorobabelpa ñawpaqenpi pampachasqa kanki. Temploj cimientonpaj sumaj kaj rumita orqhoshajtin, runakuna qhaparenqanku: Chayqa manchay k'achitu, may k'achitupuni, nispa.

Zacarías 6:12

Chantá payta ninki: Tukuy Atiyniyoj Tata Dios nin Ijimuy Kaj nisqa qhari kikin saphinmanta wiñamunanta, chantataj Tata Diospa Templonta jatarichinanta.

Zacarías 7:3

Jinapi, Tukuy Atiyniyoj Tata Diospa Templonpi kaj sut'inchajkunata, jinataj sacerdotekunata tapoj rispa, nerqanku: Sapa wata phishqa kaj killapi noqayku qhashqa p'achawan p'achallikuspa, ayunallasqaykupunichu, imaynatachus kunankama ayunayta yachayku, jinata? nispa.

2 Crónicas 5:12

Levitakunamanta tukuy takejkuna, Asaf, Hemán, Jedutún ima, churinkunawan khuska, jinataj waj ayllunwan ima inti llojsimuynejpi altarpa ñawpaqenpi linomanta p'achallisqa sayasharqanku. Platillota, salteriota, arpata ima tocarqanku, paykunawantaj 120 sacerdotekuna cornetata waqachejkuna kashallarqankutaj.

2 Crónicas 35:14

Chantá levitakunaqa paykunapajñataj, jinataj Aaronpa ayllunmanta kajkuna sacerdotekunapajpis tukuy imata wakicherqanku, imaraykuchus sacerdotekunaqa ch'isiyanankama ruwanapi karqanku q'olachinakunata jaywaspa, uywaj wirantawan q'olachispa. Chayrayku levitakunaqa paykunapaj, jinallataj Aaronpa ayllunmanta sacerdotekunapajpis tukuy imata wakichillarqankutaj.

Esdras 2:41

Takejkunamanta 128 qharikuna karqanku. Paykunaqa Asafpa ayllunmanta karqanku.