Esdras 10:11 - DIOSPA QHELQACHISQ

¹¹ Chayrayku kunan ñawpa tataykichejpa Tata Diosninkoj ñawpaqenpi qankunaqa juchaykichejta willakuychej, Tata Diospa munaynintataj junt'aychej. T'aqakuychej Diosta mana kasoj runakunamanta, jinataj waj llajtayoj warmikunamantapis, nispa.

Qheshwa Biblia DC

¹¹ Chayrayku tatasniykichejpa Señor Diosnimpa ñaupaqempi qankunaqa juchayoj kasqaykichejta reparakuychej, Señorpa munaynintataj junt'aychej. T'aqakuychej Diosta mana kasojkuna runakunamanta, jinataj waj llajtayoj warmismantapis, nispa.

DIOSPA QHELQACHISQAN DEUTEROCANONICAL

¹¹ Chayrayku kunan ñawpa tataykichejpa Tata Diosninkoj ñawpaqenpi qankunaqa juchaykichejta willakuychej, Tata Diospa munaynintataj junt'aychej. T'aqakuychej Diosta mana kasoj runakunamanta, jinataj waj llajtayoj warmikunamantapis, nispa.

Esdras 10:11 Referans Kwoze

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

Esdras 10:3

Kunanqa Diosninchejwan tratota ruwasqayku waj llajtayoj warmikunata, wawankukunatawan kachapunaykuta ajinamanta Diospa kamachisqanta junt'anaykupaj, imaynatachus qan, chantá pikunachus Diospa kamachisqanta kasunku, chaykuna yuyaychawasqaykuman jina.

Josué 7:19

Chantá Josueqa Achanta nerqa: Wawáy, Israelpa Tata Diosninta jatunchaspa, imatachus ruwasqaykita ama pakaspa sut'inta willaway, nispa.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Isaías 56:4

Chayqa ajina, imaraykuchus Tata Dios nin: Sichus capasqa runakuna samarina p'unchayta waqaychanku, sitajchus munayniyta ruwaspa, tratoyta junt'anku chayqa,

Salmos 32:5

Chantá mana imatapis pakaspa, juchayta, millay ruwasqayta ima willakorqayki. Nerqani: Juchayta rimarisaj, nispa. Qantaj, Tata Dios, juchayta pampacharqanki.

Nehemías 13:3

Ajinaqa, Diospa kamachisqanta uyarispa, israelitakunaqa chay waj llajtayojkunata qharqorqanku.

Esdras 9:1

Chaymanta qhepaman kurajkunaqa qayllaykamuwaspa, niwarqanku: Israelitakuna, sacerdotekuna, levitakuna ima, kay cheqakunapi tiyakoj runakunawan chhapuykukunku, manataj t'aqakunkuchu cananeokunamanta, jititakunamanta, ferezeokunamanta, jebuseokunamanta, amonitakunamanta, moabitakunamanta, Egipto llajtayojkunamanta, amorreokunamanta ima. Chantá kay llajtayojkunaj millay ruwasqankuta ruwallankutaj.

Hebreos 13:21

Paymin tukuy imata allinta ruwanaykichejpaj qankunata yachachichun. Jinallataj Jesucristonejta qankunapi pay ruwachun, imachus payta kusichin, chayta. Chayrayku pay may jatunchasqa kachun, wiñay wiñaynintinpaj. Ajina kachun.

San Juan 9:24

Chantá judiokunaj kurajninkukuna, pichus ñawsa karqa, chay runata ujtawan wajyaspa, nerqanku: Diospa ñawpaqenpi cheqanta parlay. Noqayku yachayku chay runaqa juchasapa kasqanta, nispa.

2 Crónicas 30:22

Ezequiastaj levitakunata tukuy sonqowan Tata Diosta kamachinpi ruwajta rikuspa, sumajta parlaykuspa, sonqonkuta pataman oqharerqa. Qanchis p'unchay junt'ata ñawpa tatankoj Tata Diosninkuta yupaycharqanku, chantá ñak'asqa uywakunata jaywasqankumanta, allinyakuna jaywanamantawan mikhorqanku.

Esdras 10:10

Chaypachataj sacerdote Esdrasqa sayarikuspa, nerqa: Qankunaqa Diosta wasanchaspa, waj llajtayoj warmikunawan casaraykorqankichej, ajinamanta Israel suyoj juchanman yapaykuspa.

Esdras 10:12

Chantá tukuy runakuna jatunmanta qhaparispa, kuticherqanku: Arí, imatachá kamachiwasqaykuta ruwasqayku.

Nehemías 9:2

Paykuna ñapis mana judiokunamanta t'aqakusqankuña. Chantá sayarikuspa, sapa uj juchankuta, jinallataj ñawpa tatankoj juchankutapis Diosman rimarerqanku.

Jeremías 7:3

Israelpa Diosnin Tukuy Atiyniyoj Tata Dios kayta nisunkichej: Allinta purispa, cheqanta ruwaychej, noqataj kay suyupi tiyakunaykichejta saqellasqaykichejpuni.

Ezequiel 18:30

Chayrayku, Israel ayllu, noqaqa sapa ujta ruwasqaykichejman jina juchachasqaykichej. Noqa Tukuyta Kamachej Tata Dios chayta nini. Millay ruwasqaykichejta saqespa, noqaman kutirikamuychej, ajinamanta ama millay ruwasqaykichejmanta chinkachisqa kanaykichejpaj.