Esdras 10:1 - DIOSPA QHELQACHISQ

¹ Esdrasqa Temploj ñawpaqenpi pampakama k'umuykukuspa, waqan waqan israelitakunaj juchankuta Diosman rimarisharqa. Chaykamataj israelitakunamanta qharikuna, warmikuna, wawakuna ima Esdrasta muyuykamuspa, jik'un jik'unta waqallarqankutaj.

Qheshwa Biblia DC

¹ Diosta yupaychana wasin punkumpi, Esdras qonqoriykukuspa mañakushajtin, waqaspa juchasninta willakushajtintaj, israelitasmanta ashkha ukhu, qharis warmis ima waqarallarqankutaj jik'un jik'unta, qayllanman muyuykamuspa.

DIOSPA QHELQACHISQAN DEUTEROCANONICAL

¹ Esdrasqa Temploj ñawpaqenpi pampakama k'umuykukuspa, waqan waqan israelitakunaj juchankuta Diosman rimarisharqa. Chaykamataj israelitakunamanta qharikuna, warmikuna, wawakuna ima Esdrasta muyuykamuspa, jik'un jik'unta waqallarqankutaj.

Esdras 10:1 Referans Kwoze

Daniel (hebreo) 9:20

Noqaqa juchayta jinallataj israelita llajta masiykunaj juchankutapis rimarispa, Diosmanta mañakushallarqanipuni. Ajinamanta Tata Diosniypa ñawpaqenpi mañapusharqani paypa t'aqakusqan Jerusalén llajtanrayku.

Salmos 119:136

Kamachisqaykita wakin mana kasusqankurayku, paran paranta waqani.

Romanos 9:2

Noqaqa sinch'ita llakikuni, sonqoypitaj mana tukukoj nanay tiyan.

1 Reyes 8:30

Kay Templo qhawarisqa, noqa kamachiykej mañakusqayta, Israel aylluykej mañakusqantapis uyariy ari. Janaj pachapi tiyakunki, chaymantapacha uyariwayku, juchaykutataj pampachay.

San Lucas 19:41

Chantá Jerusalén llajta qayllaman chayaspa, Jesús llajtata rikuytawan, waqarikorqa.

Nehemías 8:9

Chaypi tantasqa runakunaqa Diospa kamachisqanmanta uyarispa, waqarqanku. Chayrayku kamachej Nehemiasqa, yachachej sacerdote Esdraspis, levitakuna ima tukuy runata nerqanku: Kay p'unchayqa Tata Diospaj t'aqasqan, chayrayku ama llakikuychejchu nitaj waqaychejchu, nispa.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Nehemías 10:28

Chantá tukuy runakuna tantaykukorqanku Dioswan tratota ruwanankupaj: Sacerdotekuna, levitakuna, punkuta qhawajkuna, takejkuna, Templopi kamachikuna ima. Tantakullarqankutaj pikunachus Diospa kamachisqanta junt'anankurayku waj llajtayojkunamanta t'aqakusqanku, chaykuna, warminkunawan khuska, wawankukunawan, ususinkukunawan, pikunachus yuyayniyojña karqanku, chaykunawan.

2 Crónicas 20:9

Sichus ima mana allinpis jamuwaykuman, maqanakuy, wañuchej onqoy, chayrí yarqhaypis kanman chayqa, kay Temploykiman qayllaykamusqayku, qanpa ñawpaqeykiman, chaypi qan kasqaykirayku. Llakiyniykupi qanmanta yanapanawaykuta mañarikusqayku, qantaj uyarispa kacharichiwasqayku, nispa.

Oseas 14:2

Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

Jeremías 13:17

Sichus mana kasunkichejchu chayqa, mayta runaykachasqaykichejrayku pakayllapi mayta waqasaj. Mayta waqasqayraykutaj, ñawiy tukukonqa, imaraykuchus qankuna Tata Diospa ayllun waj suyuman apasqa kankichej.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.

Salmos 32:5

Chantá mana imatapis pakaspa, juchayta, millay ruwasqayta ima willakorqayki. Nerqani: Juchayta rimarisaj, nispa. Qantaj, Tata Dios, juchayta pampacharqanki.

1 Reyes 9:3

Tata Diostaj payta nerqa: May jinata mañakuwasqaykita uyariykiña. Ruwapuwasqayki Templotapis noqapaj t'aqakuniña, chaypi suteyqa wiñaypaj yupaychasqa kananpaj. Kay Templota waqaychasajpuni, manataj qonqasajchu.

Hechos 21:5

Chaywanpis chay qanchis p'unchay qhepata llajtamanta llojserqayku Jatun Qocha kantuman. Jinapi tukuy wawqekuna, warminkuwan, wawankuwan ima noqaykuwan khuska rerqanku. Chantá mama qocha kantupi qonqoriykukuspa, tukuyniyku Dioswan parlarikorqayku.

Hechos 10:30

Chantá Cornelio kuticherqa: Tawa p'unchayña kashan, kunan jina samay phani jinata kay wasiypi Dioswan parlarikushajtiy, chayllapi lliphipej p'achayoj uj qhari ñawpaqeypi rikhurerqa.

2 Crónicas 20:13

Judamanta kajkunaqa tukuyninku warminkuna, wawankuna, jinataj aswan juch'uy wawankunapiwan ima Tata Diospa ñawpaqenpi sayasharqanku.

Deuteronomio 31:12

Tukuy israelitakuna, qharikuna, warmikuna, wawakuna, chantá llajtaykichejpi tiyakoj waj llajtayojkuna ima tantakunanku tiyan, kamachisqakuna qhelqasqata uyarinankupaj, Tata Diosniykichejta jatunchayta yachaqakunankupaj, chantá manchachikuspa kay kamachisqakunata junt'anankupaj ima.

San Mateo 3:6

Chay runakunataj juchankuta rimarejtinku, Juanqa Jordán mayupi paykunata bautizaj.

Esdras 10:6

Chaymanta Esdrasqa Diospa Templonmanta llojserqa Eliasibpa wawan Johananpa wasinman rinanpaj. Chaypitaj mana imata mikhuspa, nitaj imatapis ujyaspa tutantin, may phutisqataj karqa, Babiloniamanta kutimojkuna juchallisqankumanta.

Nehemías 1:4

Chayta willawajtinkukama, noqa tiyaykukuspa, mayta waqarikorqani. Uj mashkha p'unchayta ajina sinch'i llakisqa karqani, ayunaspataj, janaj pachapi kaj Diosmanta mañakorqani.

Nehemías 1:6

Kunanqa, mañarikuyki uyarinawaykita tuta p'unchay israelitakunarayku mañakususqayta. Noqayku yachakuyku contraykipi juchallisqaykuta. Aylluykunapis, noqapis juchalliyku.

Josué 7:6

Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.

Josué 8:35

Josueqa Moisespa kamachisqanta Israel suyumanta qharikunaman, warmikunaman, wawakunaman, chantá waj llajtayojkunaman ima tukuyninta ñawirerqa.