Efesios 6:16 - DIOSPA QHELQACHISQ

¹⁶ Astawanqa tukuy sonqo Diospi atinikuychej, imaraykuchus Diospi atinikusqaykichejqa jark'akuna escudo jina Kuraj Supaypa tukuynin lawrashaj flechankunamanta jark'asonqachej.

Qheshwa Biblia DC

¹⁶ Chay tukuywanqa astawan fepa escudonta jap'iychej. Chaywantaj supaypa tukuy larwashaj wach'inasninta thasnunaykichejpaj.

DIOSPA QHELQACHISQAN DEUTEROCANONICAL

¹⁶ Astawanqa tukuy sonqo Diospi atinikuychej, imaraykuchus Diospi atinikusqaykichejqa jark'akuna escudo jina Kuraj Supaypa tukuynin lawrashaj flechankunamanta jark'asonqachej.

Quechua South Bolivia: Dios Parlapawanchej

¹⁶ Chay tucuymanta astawanka Diospipuni jap'icuychej wakaychaska canayquichejpaj. Chaywan enemigoj laurashaj tucuy pantachiycunanta thasnuchiyta atinquichej.

Efesios 6:16 Referans Kwoze

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

2 Corintios 1:24

Chayta nispaqa, mana munashaykuchu qankuna munasqaykuman jina Diosta qhatikunaykichejta. Manachayqa qankunata yanapayta munayku, ajinamanta qankuna kusisqa kanaykichejpaj, imaraykuchus Cristopi atinikusqaykichejrayku sinch'ita sayashankichejña.

1 Tesalonicenses 5:19

Santo Espíritoj ruwayninta ama jark'aychejchu.

Salmos 120:4

Payqa arconwan sumaj filochasqa flechata kachaykusonqachej, retamaj k'ajarishaj ninawantaj ruphaykuchisonqachej.

2 Samuel 22:36

Qan waqaychawanki, kacharichiwankitaj. K'acha kayniykiwan jatunchawanki.

Salmos 7:13

13 (14) Ninayoj flechanta wakichinña, wañuchej armanpis wakisqaña kashan.

San Mateo 5:37

Chayrayku qankuna kay jinallata parlankichej: Maypachachus arí, nispa ninkichej chaypachaqa, ajina kachun. Maypachachus mana, nispa ninkichej chaypacharí, ajinallataj kachun. Chaymanta astawan parlanaqa sajraj yuyaychasqanmin.

1 Tesalonicenses 5:8

Noqanchej sut'i p'unchaypi kawsashajkunarí, ch'aki sonqo runa jina yuyayninchejpi kana. Diospi atinikuywan, munakuywan ima fierro pecherawan jina p'achallikuna kachun. Chantá qhespichisqa kasqanchejta monterata jina churakuna.