Efesios 6:11 - DIOSPA QHELQACHISQ

¹¹ Jinallataj maqanakunapaj Diospa qosqan p'achawan p'achallikuychej, Kuraj Supay tukuy imaymanamanta misk'achiyta munasojtiykichej, sinch'ita sayanaykichejpaj.

Qheshwa Biblia DC

¹¹ Diospa maqanakunasninwan, p'achawan jina p'achallikuychej; chaykunawantaj, supay urmachiyta munasojtiykichej sinch'ita sayanaykichejpaj.

DIOSPA QHELQACHISQAN DEUTEROCANONICAL

¹¹ Jinallataj maqanakunapaj Diospa qosqan p'achawan p'achallikuychej, Kuraj Supay tukuy imaymanamanta misk'achiyta munasojtiykichej, sinch'ita sayanaykichejpaj.

Quechua South Bolivia: Dios Parlapawanchej

¹¹ Imaynachus soldadoka makanacuna p'achaswan p'achalliycucun atipananpaj, ajinallataj kancunapis Diospa tucuy makanacuna p'achasninwan p'achalliycucuychej. Ajinapi supay Satanaspa urmachej sajra yuyaskasninpa contranpi sinch'ita sayayta atinquichej.

Efesios 6:11 Referans Kwoze

2 Corintios 10:4

Maqanakunayku armakunaqa Diosman mana kutirikojkunaj armankuna jinachu kanku. Aswanpis Diospa jatun atiyninwan sinch'i atiyniyoj kanku pukara jina runaj sinch'i yuyasqankuta thuñinaykupaj.

Romanos 13:12

Tutaqa tukukapushanña, qhespichisqa kananchej p'unchaytaj qayllamushan. Chayrayku laqhayaypi millay ruwanata ch'ichi p'achapis kanman jina lluch'ukuna. Jinaspataj, Supaywan maqanakunanchejpaj Dios qowanchej, chay lliphipirishaj p'achatañataj churakuna.

1 Tesalonicenses 5:8

Noqanchej sut'i p'unchaypi kawsashajkunarí, ch'aki sonqo runa jina yuyayninchejpi kana. Diospi atinikuywan, munakuywan ima fierro pecherawan jina p'achallikuna kachun. Chantá qhespichisqa kasqanchejta monterata jina churakuna.

Efesios 6:13

Chayrayku maqanakunapaj Diospa qosqan tukuy p'achata churakuychej, mana allin kajta ruwanapaj sinch'i tanqasqa kashajtiykichej mana ithirispa thuruta sayanaykichejpaj. Chantá maqanakuspaña, sinch'ita sayashajllapuni kashankichej.

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.

2 Corintios 2:11

Ajinata ruwani Kuraj Supay ama atipanawanchejpaj, imaraykuchus yachanchejña paypa sonqonpi mana allin kajta ruwayta munanallapuni kasqanta.

Efesios 4:14

Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

Colosenses 3:10

Jinaspataj, mosoj runa jina kanata p'achata jina churakunkichej. Chay mosoj runaqa Ruwajninpa rijch'ayninman jina astawan astawan mosojyachisqapuni kashan, ajinamanta Diosta astawan rejsinaykichejpaj.

Romanos 13:14

Aswanpis Tukuyta Kamachej Jesucristo imaynachus kasqanwan p'achawan jina p'achallikuychej, amataj yuyaychejchu juchallinaman aysaj sonqoykichejpa munayninta ruwayta.

2 Corintios 11:3

Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

2 Corintios 6:7

Jinallataj Diospa simi nisqanta mana q'ewispa willayku, Diospa jatun atiynintaj noqaykupi llank'an. Cheqan kajtataj armata jina jap'iyku imapis kajtin kutichikunaykupaj, jinallataj atipanaykupaj.

Apocalipsis 2:24

Chaywanpis Tiatira llajtapi iglesiamanta wakinman kayta niykichej: Qankunaqa Jezabelpa yachachisqanta mana jap'ikorqankichejchu. Manallataj jap'ikunkichejchu ukhu yachachiykuna nisqata, mayqenchus Kuraj Supaypa yachachisqan kashan, chayta. Chayrayku manaña waj imakunatawan ruwanaykichejta mañasqaykichejchu.

Efesios 4:24

Jinataj Diosman rijch'akoj ruwasqa, chay mosoj runa kaywan p'achawan jina p'achallikuychej. Chay mosoj runaqa cheqanta ruwaspa purinapi, chantá cheqa kajman jina llimphu kawsanapi rikuchikun.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

Judas 1:24

Uj k'ata Dios yupaychasqa kachun. Paymin qankunata waqaychasunaykichejpaj atiyniyoj ajinamanta ama urmanaykichejpaj, chantá may jina kusiywan jatun kayninpa ñawpaqenpi mana k'aminata rikhurichisunaykichejpaj ima.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

1 Corintios 10:13

Qankuna juchallinaman tanqasqa kaspaqa, yachaychej wajkunapis qankuna jinallataj juchallinaman tanqasqa kasqankuta. Diostajrí nisqanta junt'aj kasqanrayku mana saqesonqachejchu mana awantay atinata juchallinaman tanqasqa kanaykichejta. Aswanpis juchallinapaj tanqasqa kashajtiykichej, Diosllataj chaymanta maynintachus llusp'inaykichejta rikuchisonqachej, ajinamanta sinch'ita sayaykuyta atinaykichejpaj.

Marcos 13:22

Ajinamanta llulla cristokuna, mana cheqanta sut'inchajkuna ima rikhurimonqanku. Paykunataj runaj mana jayk'aj rikusqan t'ukunata, waj t'ukuna imakunata ima ruwaspa, runata pantachenqanku. Atispaqa, Diospa ajllakusqankunatapis pantachinkuman.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Santiago 4:7

Chayrayku ari Diosman k'umuykuna sonqo kaychej. Chantá Kuraj Supaypa contranta sinch'ita sayaychej, paytaj qankunamanta ayqenqa.

Jueces 3:2

Tata Diospuni chay llajtayojkunata saqellarqa, israelitakunamanta pikunachus ni jayk'aj maqanakuman riyta yacharqankuchu, chaykuna maqanakuyta yachanankupaj.

Nehemías 4:13

Chayrayku kamacherqani sapa ayllumanta runakunata perqa wasaman pakaykukunankuta t'oqokunapi, q'asakunapipis, sapa uj espadayoj, lanzayoj, flechata kacharinapaj arcoyoj ima.