Efesios 4:5 - DIOSPA QHELQACHISQ

⁵ Tukuyta Kamachej Jesusqa ujlla, tukuyninchejtaj payllapi atinikunchej, jinallataj uj bautismolla tiyan.

Qheshwa Biblia DC

⁵ Tiyallantaj uj Señorlla, uj fella, uj bautismolla.

DIOSPA QHELQACHISQAN DEUTEROCANONICAL

⁵ Tukuyta Kamachej Jesusqa ujlla, tukuyninchejtaj payllapi atinikunchej, jinallataj uj bautismolla tiyan.

Quechua South Bolivia: Dios Parlapawanchej

⁵ Uj Señor, uj cheka ñan, uj bautismo,

Efesios 4:5 Referans Kwoze

1 Corintios 8:6

Chaywanpis noqanchejpajqa uj Dioslla tiyan, Tata Dios. Paymanta tukuy ima jamun, noqanchejtaj paypaj kawsanchej. Jinallataj Tukuyta Kamachejqa ujlla tiyan, Jesucristo. Paynejta Dios tukuy ima kaj chhikata ruwarqa, paynejllatataj noqanchejman kawsayta qowanchej.

1 Corintios 12:13

Jinallataj Santo Espiritulla tukuyta bautizawarqanchej, uj ukhu jinalla kananchejpaj judiokuna, mana judiokuna, wata runakuna, mana wata runa kajkuna ima. Diostaj chay kikin Santo Espiritullantataj tukuyninchejman qowarqanchej.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.

Romanos 3:30

Diosqa ujllamin, paytaj Jesucristopi atinikojkunata circuncidasqatapis, mana circuncidasqatapis cheqan runapaj qhawanqa.

San Mateo 28:19

Chayrayku qankuna rispa, tukuy suyupi runakunata yachachisqayman tukuchimuychej. Paykunatataj Tata Diospa, Churej, chantá Santo Espíritoj sutinpi bautizaychej.

1 Corintios 1:13

Cristoqa chhikan chhikanpi t'aqasqachuri? Pablochu qankunata qhespichinanpaj cruzpi chakatasqa wañorqa, chayrí Pabloj sutinpichu bautizasqa karqankichej? Mana, icharí?

Judas 1:3

Munasqa wawqe panakuna, qankunaman maytapuni qhelqamuyta munarqani Dios imaynatachus qhespichiwasqanchejmanta. Chaywanpis kunanqa munaspa mana munaspa mayta niykichej: Sinch'ita kallpakuspa, allinta qhawaychej, imatachus Diosmanta yachachiwasqanchej ama q'ewisqa kananpaj. Chaytamin Dios uj kutillata wiñaypaj paypa ajllakusqankunaman qorqa.

2 Corintios 11:4

Chayta nini, imaraykuchus pipis jamuspa, noqayku willarqaykuña, chaymanta waj jina Jesusmanta willajtin, qankuna chay willasqanta jap'ikullankichej. Santo Espirituta jap'ikorqanchej chaypis, waj runa waj jina espiritumanta qankunaman willajtin, chaytapis jap'ikullankichejtaj. Kikillantataj pipis Jesuspa sumaj willayninmanta waj jinata yachachejtin, chaytapis jap'ikullankichejtaj.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

Filipenses 2:11

Jinallataj tukuy runakuna Jesucristo Tukuyta Kamachej kasqanta rimarenqanku, ajinamanta Tata Dios jatunchasqa kananpaj.

Efesios 4:13

Ajinata ruwana kanqa tukuyninchej uj runa jinalla Diospi atinikunaman chayananchejkama, jinataj Diospa Churinta allinta rejsinanchejkama. Ajinamantataj wiñay tukusqa runa jina kasunchej, imaynachus Cristo, ajinaman chayaspa.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

1 Corintios 12:5

Iglesiamanta kajkunaqa tukuy imaymanamanta Diospaj llank'ayta atinchej. Chaywanpis tukuyninchej Tukuyta Kamachej Jesusllapaj llank'anchej.

1 Corintios 1:2

Qankunaqa Cristo Jesusman ujchasqa kaspa, Diospaj t'aqasqa kankichej, wajyasqataj juchamanta t'aqasqa kanaykichejpaj. Dios Jesucristonejta paypaj t'aqawarqanchej, pikunachus Tukuyta Kamachej Jesucristoj sutinta oqharinku, chaykunatawan khuska. Payqa paykunaj Kuraj Kamachejninku, noqanchejpatapis.

Judas 1:20

Qankunarí munasqa wawqe panakuna, Diospi sinch'ita atinikuyniykichejpi wiñaychej. Dioswan parlarikuspaqa, Santo Espíritu imatachus yuyaychasonqachej, chayta parlaychej.

Hebreos 13:7

Yuyarikuychej ñawpa michejkunaykichejmanta, pikunachus Diospa simi nisqanmanta yachachisorqachej, chaykunamanta. Chantá Diosta qhatejkuna jina imaynatachus kawsakusqankupi unanchaspa, paykuna jina Diospi atinikuspa puriychej.

Hebreos 6:6

Ajinata yachashaspapis, sichus ñawpa kawsayninkuman kutiripunkuman chayqa, manaña ujtawan Diosman kutirichisqa kayta atinkuñachu. Ajinata ruwaspaqa, Diospa Churinta paykuna kikinku watej cruzman chakatanku, ajinamanta runaj rikunanta p'enqaypi rikhurichispa.

Tito 1:4

Tito, kay cartata qhelqamuyki, imaraykuchus qanqa Jesucristota qhatej masiy kasqaykirayku cheqapuni waway jina kanki. Tata Dios, chantá Tukuyta Kamachej qhespichiwajninchej Jesucristo ima qhasilla k'acha yanapayninkuta, chantá sonqo tiyaykusqa kawsayta ima qosuchunku.

Tito 1:1

Noqa Pabloqa Diospa wata runan kani, Jesucristoj kachantaj. Pay kachawarqa paymanta sumaj willayta Diospa ajllakusqankunaman willanaypaj, chantá cheqa kajmanta yachachinaypaj ima, ajinamanta paykuna Diospa munasqanman jina puriyta yachanankupaj.

Filipenses 3:8

Cheqapuni ñawpajta imachus kasqayta qhasi manakajpaj qhawani, Tukuyta Kamachej Jesucristowan kawsakuna tukuy imamanta nisqaqa aswan sumaj kasqanrayku. Cristota munakusqayrayku noqa chay tukuy imata qhesachani, jinataj Cristota kasunayrayku q'opata jina qhawani, paywan ujchasqa kanaypaj.

Hechos 10:36

Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

Hechos 2:36

Chayrayku tukuy israelitakuna, kayta allinta yachaychej: Kay Jesusta, pitachus qankuna cruzman chakatarqankichej, paytamin Dios churan Tukuyta Kamachej kananpaj, Cristo kananpajtaj, nispa.

2 Pedro 1:1

Noqa Simón Pedroqa, Jesucristoj wata runan kani, chantá kuraj kachan ima. Kay cartata qankunaman apachimuykichej, pikunachus noqayku jina Jesucristopi atinikorqankichej, chaykunaman. Jesucristopi atinikusqaykichejqa may jina sumajmin. Paypitaj atinikorqankichej Qhespichej Jesucristo Diosninchej cheqan kasqanrayku.

Santiago 2:18

Chaywanpis ichapis pipis ninman: Wakinkunaqa Diospi tukuy sonqo atinikunku, wakinkunatajrí allin kajta ruwanku, nispa. Noqatajrí niykichej: Manachus allin kajta ruwanki chayqa, imaynatataj Diospi tukuy sonqo atinikusqaykita rikuchiwankimanri? Noqatajrí Diospi tukuy sonqo atinikusqayta allin kajta ruwasqaywan rikuchisqayki, nispa.