Efesios 4:25 - DIOSPA QHELQACHISQ

²⁵ Chayrayku llullakuyta saqespa, sapa ujpis runa masiykichejwan cheqa kajta parlaychej, imaraykuchus tukuy uj ukhullaman ujchasqa kanchej.

Qheshwa Biblia DC

²⁵ Chayrayku llullakuyta saqespa, sapa ujqa cheqata parlaychej runa masisniykichejwan; imaraykuchus ujkuna ujkunawan uj cuerpollamanta kanchej.

DIOSPA QHELQACHISQAN DEUTEROCANONICAL

²⁵ Chayrayku llullakuyta saqespa, sapa ujpis runa masiykichejwan cheqa kajta parlaychej, imaraykuchus tukuy uj ukhullaman ujchasqa kanchej.

Quechua South Bolivia: Dios Parlapawanchej

²⁵ Uj cuerpopi ujchaska canquichej. Chayraycu llullacuyta wijch'uspa sapa uj cheka cajta parlanacuychej runa-masiyquichejwan.

Efesios 4:25 Referans Kwoze

Colosenses 3:9

Amallataj qankunapura llullanakuychejchu, imajtinchus juchallispa purinaman aysaj sonqota lluch'ukuspa wijch'orqankichejña.

Zacarías 8:16

Qankunaqa kayta ruwanallaykichejpuni tiyan: Ama ujkuna ujkuna llullanakuychejchu. Chantá justicia ruwana wasipi cheqan justiciata ruwaychej, allinpi kawsakuytataj mask'aychej.

Proverbios 12:22

Tata Diosqa llullakojkunata chejnikun, cheqanta parlajkunatarí may kusisqa qhawan.

Romanos 12:5

Ajinallataj noqanchejpis ashkha kaspapis, Cristoman ujchasqa uj ukhu jina kanchej. Jinallataj sapa ujninchej ujkunawan sumaj ujchasqallataj kanchej.

Efesios 4:15

Manachayqa cheqa kajmanta munakuywan parlasunchej, ajinamanta tukuy imapi Cristoman rijch'akunanchejkama wiñananchejpaj. Cristoqa Iglesia nisqa ukhunpa umanmin.

Proverbios 12:17

Cheqa kajta parlaj testigoqa cheqan kajta parlan, mana allin testigorí llullakuspa parlan.

Proverbios 8:7

Imatachus nisqaykichej, chayqa cheqanmin. Noqaqa llullakuyta millachikuni.

Proverbios 12:19

Cheqanta parlaj runaqa unayta kawsanqa, llulla runarí mana unaytachu kawsanqa.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

1 Timoteo 4:2

Chay yachachejkunaqa puraj uya, llullataj kanku. Sonqonku thaluyasqa kasqanrayku, mana allin ruwasqankumanta sonqonku manaña nananchu.

Levítico 19:11

Ama suwakunkichejchu. Amallataj llullakuychejchu, nillataj ujkuna ujkunawan q'otiyanakuychejchu.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

1 Timoteo 1:10

Jinallataj Diospa kamachisqan churasqa karqa: Khuchichakuspa purejkunapaj, qharipura khuchichakojkunapaj, runata suwajkunapaj, llullakojkunapaj, Diospa sutinta qhasita oqharejkunapaj, jinallataj cheqan yachachiypa contranpi sayaykojkunapaj ima.

2 Corintios 7:14

Ñawpajta qankunamanta Titowan parlaspaqa, noqa mayta jatuncharqaykichej, qankunataj mana p'enqaypi rikhurichiwarqankichejchu. Imaynatachus mana llullakuspa qankunaman nerqayku, ajinallatataj imatachus qankunamanta Titoman willarqayku, chaytapis manallataj llullakorqaykuchu.

Tito 1:12

Creta llajtayoj uj yarawiku llajta masinkunamanta parlaspa, nisqa: Creta llajtayojkunaqa llullakunapaj churasqa kanku, jinallataj millay animalkuna jina mikhunawan mana sajsay atejkuna, chantá qhellataj, nispa.

1 Corintios 10:17

Noqanchej ashkha kaspapis, uj t'antallamanta mikhunchej. Ajinata ruwaspataj, uj ukhullamanta kasqanchejta yachayta qoshanchej.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Zacarías 8:19

Judajpa miraynin tawa kaj killapi, phishqa kajpi, qanchis kajpi, jinataj chunka kaj killapi ayunasqankoqa paykunapaj kusiyman tukonqa, uj raymi jinataj kanqa. Chayrayku munakuychej ari cheqan kajta, allinpi kawsakuytapis, nispa.

Oseas 4:2

Aswanpis manakajta tilunkichej, llullakunkichejtaj. Runata wañuchinkichej, jinataj suwankichejtaj. Sapa kuti khuchichakunkichej, kallpaman atinikuspataj, ujkunata ñak'arichinkichej, kutin kutinta runata wañuchinkichej.

Isaías 63:8

Tata Dios nerqa: Paykunaqa noqaj aylluy kanku, mana wasanchaj wawaykuna kanku, nispa. Chayrayku pay kikin paykunata qhespicherqa.

Isaías 9:15

15 (14) Chay uma ninakun Israelpa kurajnin chantá sumachajnin runakunawan. Chupatajrí ninakun pikunachus llullallata parlaspa ninku Diosmanta sut'inchasqankuta, chaykunawan.

Proverbios 21:6

Llullakuspa qhapajyayta tarinaqa q'oshñi jina chinkapun, chaytaj wañunaman apaj tojlla jina.

Proverbios 6:17

May kasqankuta yuyakoj runakunata, llullakuspa parlajkunata, mana juchayojta wañuchejkunata ima.

Salmos 119:29

Llullakuspa purinamanta karunchaway, khuyakuyniykiraykutaj kamachisqaykimanta yachachiway.

Salmos 52:3

3 (5) Allinta ruwanaykitaqa, astawan mana allin kajta ruwayta munanki. Cheqanta parlanaykitaqa, astawan llullakuyta munanki.

Efesios 5:30

Iglesiaqa Cristoj ukhun, noqanchejtaj chay ukhunmanta kanchej.

1 Reyes 13:18

Machu runatajrí nerqa: Noqapis qan jina Diosmanta sut'inchajllataj kani, Tata Diospa uj angelnintaj kamachiwan: Rispa, Diosmanta sut'inchajta wasiykiman pusamuy mikhunanpaj, ujyananpaj, nispa. Chaywanpis machu runaqa llullakushasqa.

Éxodo 23:7

Ama pitapis llullakuspa tumpankichu. Amallataj mana juchayoj runata wañuchichinkichu, imajtinchus pichus juchayojpa juchanta mana pampachasajchu.

Salmos 15:2

Wasiykipeqa pichus cheqanta purejlla, cheqan kajta ruwajlla, mana llullakuspa cheqa kajta parlajlla tiyakonqa.

Proverbios 24:28

Ama runa masiykej contranta qhasimanta testigo kaychu, amataj ima llullatapis parlaychu.

Efesios 4:22

Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

Efesios 4:31

Qankunamanta tukuy jaya sonqo kayta, phiñakuyta, phiñasqalla puriyta ima wijch'uychej. Jinallataj qhaparqachayta, runata tumpayta, chantá tukuy imaymana mana allin puriyta ima wijch'ullaychejtaj.

Colosenses 3:8

Kunanrí qankuna kaykunatapis saqenallaykichejtaj tiyan: K'arajta phiñakuyta, phiñasqalla kayta, wajkunata mana allin kajta ruwayta, p'enqaypi rikhurichispa rimayta, ch'ichi parlaykunata ima.

Hebreos 12:1

Ñawpajta Diospi atinikuspa purejkuna may chhika karqanku, paykunataj muyuyninchejpi testigo jina imaynatachus purishasqanchejta qhawashawanchej. Chayrayku imachus ñawpajman rejta mana saqewanchejchu, chay tukuyta wijch'unachej, jinallataj ch'ipaykuwanchej, chay juchatapis. Chantá Dios churapuwasqanchej ñanta mana sayk'uspa t'ijunachej.

Santiago 1:21

Chayrayku sonqoykichejmanta tukuy millay kajta, tukuy ch'ichi kajtapis t'iraspa wijch'uychej. Chantá Diospa nisqan sonqoykichejpi tarpusqaña kajta llamp'u sonqowan jap'ikuychej, mayqenchus qankunata qhespichiyta atin, chayta.

1 Pedro 2:1

Chayrayku qankunaqa kay jina millay ruwaykunata saqeychej: Tukuy imaymana q'otiriyota, puraj uya kayta, envidiakuyta, runaj contranpi tukuy imaymana rimakuytawan ima.

Jueces 16:11

Sansontaj kuticherqa: Sichus pipis wataykuwanman mosoj waskhakunawan, manaraj pejpa watasqanwan chayqa, kallpayqa pisiyanman. Chantá mayqen runa jinallaman tukuyman, nispa.