Efesios 4:21 - DIOSPA QHELQACHISQ

²¹ Manachayqa paymanta willajta uyarerqankichej, munasqanman jinataj kawsayta yacharqankichej cheqa kajta yachachisqanman jina.

DIOSPA QHELQACHISQAN DEUTEROCANONICAL

²¹ Manachayqa paymanta willajta uyarerqankichej, munasqanman jinataj kawsayta yacharqankichej cheqa kajta yachachisqanman jina.

Quechua South Bolivia: Dios Parlapawanchej

²¹ Yachanimin paypa yachachiskanta uyarispa jap'iskayquichejta cheka caj Jesuspi ricuchiska caskanmanjina.

Efesios 4:21 Referans Kwoze

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

Efesios 1:13

Qankuna mana judío kajkunapis Dios qhespichinanmanta sumaj willayta uyarerqankichej, chay willaytaj cheqa willaymin. Maypachachus Cristopi atinikorqankichej chaypacha, Diosqa paypata kasqaykichejmanta yachayta qospa, Santo Espirituwan sellasorqachej, pitachus ñawpajta qonanta nerqa, chaywan.

Colosenses 2:7

Paypi sach'a jina sumaj ukhu saphiyoj kaychej, jinallataj qankuna sumaj cimientoyoj wasi jina paypi sayachisqa kaychej. Ajinamanta Cristopi atinikusqaykichejpi kallpachasqa kankichej cheqa kajta yachasqaykichejwan. Jinallataj Diosman ashkhata pachis nillankichejpuni.

San Juan 14:17

Santo Espiritoqa imachus cheqa kajta yachachisonqachej. Diosman mana kutirikojkuna mana payta Yanapajninkuta jina jap'iyta atinkuchu, imaraykuchus payta mana rikunkuchu nitaj rejsinkuchu. Qankunatajrí payta rejsinkichejña, imaraykuchus qankunawan kashan, qankunapitaj tiyakonqapuni.

2 Corintios 11:10

Noqa allinta yachani Cristomanta cheqa kaj willayta jap'ikusqayta. Jinallataj yachani tukuy Ajaya suyupi Jesusmanta sumaj willayta qhasilla willasqaymanta mana pipis kay kusikuyniyta qhechunawanta.

2 Corintios 1:20

Jinapi Cristo Jesusnejta imatachus Dios qonawanchejta nisqanta, arí nispa, nisqanta junt'an. Chayrayku Jesucristonejta Diosta jatunchaspa, noqanchej ninchej: Ajina kachun, nispa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 10:27

Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

San Lucas 10:16

Yachachisqankunatatajrí Jesús nerqa: Pichus qankunata uyarejqa noqata uyariwan, pitajchus qankunata qhesachajqa noqata qhesachawan. Noqata qhesachawajrí, Diostapis qhesachallantaj, nispa.

San Mateo 17:5

Ajinata Pedro parlashajtillanraj, ujllata k'ancharishaj uj phuyu paykunata p'ampaykorqa, chay phuyu ukhumantataj Dios nimorqa: Kaymin munasqa Chureyqa, ajllakusqaytaj. Paywan sonqo junt'asqa kani, chayrayku payta uyariychej, nispa.

Salmos 45:4

4 (5) May jina atiyniyoj kasqaykiwan atipaj jina puririy, cheqa kajrayku maqanakuspa, llamp'u sonqoyojkunapaj justiciata ruwaspa ima. Atiyniykiwan t'ukuna imakunata ruwaspa, atipankipuni.

Romanos 10:14

Chaywanpis mana paypi atinikuspalla, imaynatataj mañakonqanku paykunata qhespichinantari? Imaynatataj Jesuspi atinikonqanku, paymanta mana uyarispari? Imaynatataj paymanta yachanqanku, paykunaman mana pipis willajtinri?

Efesios 2:17

Cristo jamuspa, allinyachisqa kanamanta sumaj willayta willarqa, qankuna mana judiokuna Diosmanta karupi kashajkunaman, jinataj pikunachus qayllallapi kasharqayku, chay judiokunamanpis.

Colosenses 1:5

Qallariypi Jesuspa cheqa kaj sumaj willayninta uyarispa, yacharqankichej Diosqa qankunapaj may sumaj imakunata janaj pachapi waqaychashasqanta.

Colosenses 1:6

Chay sumaj willayta uyarisqaykichejqa tukuynejpi willasqa kashan. Chay runakunaqa chay sumaj willayta jap'ikusqankurayku waj jinaman tukuchisqa kashanku, imaynatachus qankunapis uyarisqaykichejmantapacha waj jinaman tukuchisqa karqankichej, ajinata. Qankunataj Diospa khuyakuyninmanta uyarispa, chaypacharaj cheqapuni kasqanta yacharqankichej.