Efesios 4:14 - DIOSPA QHELQACHISQ

¹⁴ Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

DIOSPA QHELQACHISQAN DEUTEROCANONICAL

¹⁴ Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

Quechua South Bolivia: Dios Parlapawanchej

¹⁴ Ajinapi Cristopi wiñaskas caspaka manaña wawajina muyuchiskaschu casun ima yachachinallawanpis. Runacuna sajra yachaynincupi pantachinasta waquichincu. Cristopi wiñaskacunarí chay yachachinaswanpis manaña engañaskaschu casun.

Efesios 4:14 Referans Kwoze

Hebreos 13:9

Chayrayku ama kunallanraj rikhurimoj yachachiykunawan, nitaj waj jina yachachiykunawan sonqoykichejta suwachikuychejchu. Aswan allinmin sonqoykichejpi Diospa qhasilla k'acha yanapayninwan kallpachasqa kanaykichej, imatachus mikhunamanta, chayrí mana mikhunamanta kamachisqakunata kasunaykichejmanta nisqaqa. Chaykunaqa mana jayk'aj yanapankuchu chay kamachisqakunata kasojkunata.

1 Corintios 14:20

Wawqe panakuna, ama wawa jina yuyaychejchu. Mana allin kajllapaj wawa jina kaychej, imatapis qhawanapirí wiñay tukusqa runa jina kaychej.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.

2 Corintios 2:17

Mana noqaykoqa wakinkuna jinachu kayku, pikunachus Diospa simi nisqanta q'ewispa parlanku, chaykuna jina. Aswanpis noqayku Diospa kachasqankuna jina, ch'uwa sonqowan Diospa ñawpaqenpi cheqan kajta parlayku, Cristowan ujchasqa kasqaykurayku.

Santiago 1:6

Chaywanpis chay runaqa tukuy sonqo Diospi atinikuspa mañakuchun, nitaj iskayrayachunchu. Pichus iskayrayajqa mama qochapi yaku qhollchoqeyajman rijch'akun, mayqentachus wayra kayman jaqayman apaykachan, chayman.

Efesios 6:11

Jinallataj maqanakunapaj Diospa qosqan p'achawan p'achallikuychej, Kuraj Supay tukuy imaymanamanta misk'achiyta munasojtiykichej, sinch'ita sayanaykichejpaj.

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

2 Timoteo 4:3

Chayta niyki, imaraykuchus aswan qhepanejman runakuna cheqan kaj yachachiyta mana uyariyta munanqankuchu. Manachayqa paykuna munasqankuman jina ashkha yachachejkunata mask'anqanku, imatachus uyariyta munasqankuta yachachinankupaj.

Judas 1:12

Jinallataj chay runakunaqa k'acha kawsakuy tantakusqaykichejta manakajpi rikhurichinku, imaraykuchus paykuna mana p'enqakuspa, qankunawan khuska mikhunku. Diospa iglesianta michinankutaqa, paykuna kikillanku michikunku. Paykunaqa wayraj apaykachasqan ch'aki phuyu jina kanku. Jinallataj iskay kuti wañusqa kanku, poqoy tiempopi mana poqoyniyoj sach'a jina, jinataj saphinmantapacha t'irasqa.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Gálatas 3:1

Galaciapi kaj wawqe panakuna, qankuna wampu kankichej. Pitaj layqaykusorqachej cheqa kajta mana kasunaykichejpajri? Noqa Jesucristoj wañusqan ima niytachus munasqanta qankunaman sumajta sut'incharqaykichej, kikin ñawiykichejwanpis Jesucristo cruzpi chakatasqa wañushajta rikushawajchej jina.

San Mateo 24:11

Ashkha llulla sut'inchajkuna rikhurimuspa, may chhika runata pantachenqanku.

1 Juan 2:26

Noqa kay imakunata qhelqamuykichej qankunata pantachiyta munajkunamanta qhawakunaykichejpaj.

2 Timoteo 3:13

Chaywanpis millayta ruwaj runakuna, q'otiyajkuna ima astawan astawan mana allinman tukonqanku. Wajkunata q'otiyanqanku chaypis, paykunapis q'otiyasqallataj kanqanku.

Isaías 28:9

Paykunaqa Tata Diosmanta ninku: Pay yachachinawanchejpajchu jamun? Tata Dios imatachus nisqan chayta yachachiyta munawanchejchu, ñuñumanta p'itisqallarajpis kasunman jinata?

2 Corintios 4:2

Aswanpis pakaypi p'enqay ruwanata qhesachayku. Noqayku mana pitapis q'otiyaykuchu nitaj Diospa simi nisqanta q'ewiykuchu. Manachayqa cheqa kajta sut'inchaspa, noqayku Diospa ñawpaqenpi allinpaj qhawachikuyta munayku, ama pipis mana allin kajta noqaykumanta sonqonkupi yuyanankupaj.

San Mateo 11:7

Juanpa yachachisqankuna ripusqankutawan, Jesusqa Juanmanta runakunaman parlayta qallarerqa: Imata qhawajtaj ch'inman rerqankichej? Wayraj wajtaykachasqan soqosotachu?

1 Corintios 12:2

Qankuna yachankichej, manaraj Cristopi atinikushaspa, qankuna mana parlayta atej lantikunata yupaychanaykichejpaj qhatatasqa kasqaykichejta.

Hechos 23:21

Qanrí ama paykunata kasuychu. Tawa chunkamanta aswan ashkha runakuna pakaykukuspa, ñanpi Pablota suyaykonqanku. Paykuna tiluspa parlanakusqanku mana imatapis mikhunankuta, nitaj ujyanankuta Pablota wañuchinankukama. Kunantaj wakichisqaña kanku chayta ruwanankupaj. Qan ninallaykitaña suyashanku, nispa.

Miqueas 7:2

Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Salmos 59:3

3 (4) Atiyniyojkunaqa contraypi tantaykukunku, wañuchiwayta munaspataj wateqallawankupuni. Tata Dios, noqaqa kasukorqayki, manataj juchallerqanichu.

Salmos 10:9

León jina jusk'unmanta wajchata wateqan, rikhurimojtin patanman phinkiykunanpaj. Jap'ispataj, tiyapusqanta qhechun.

1 Juan 2:19

Paykunaqa noqaykuwan khuska karqanku. Chaywanpis mana noqaykumantapunichu karqanku. Noqaykumantachus kankuman karqa chayqa, paykunaqa noqaykuwan qhepakunkuman karqa. Jinapis llojsipuspa, mana jayk'ajpis noqaykumantachu kasqankuta yachayta qorqanku.

2 Pedro 2:18

Chaykuna paykunamanta manchayllata parlanku, parlasqankurí qhasi manakaj. Chantá paykuna pikunachus kunallanraj pantasqa purinamanta ñak'ayllata ayqekojkunata yuyaychanku munasqankuman jina purispa juchallinaman kutirinankuta.

Santiago 3:4

Barcokunatapis qhawallaychejtaj: Chay jina jatuchaj kanankupajwan, sinch'i wayraj apaykachasqan kashajtinkupis, juch'uy timón nisqa k'aspillawan barcota purichejqa chay barcota q'ewin, maymanchus munasqanman purichispa.

1 Timoteo 3:6

Jinallataj iglesiata pusarejqa mana kunallanraj Jesucristopi atinikojchu kanan tiyan, imajtinchus runaykachayta qallarinman. Chantataj, Kuraj Supay imamantachus juchachasqa karqa, chayllamantaj urmaykunman.

2 Timoteo 1:15

Ña yachankiña, Asiamanta pikunachus Jesucristota tukuy qhatejkuna saqerpariwasqankuta. Figelopis, Hermogenespis saqerpariwanku.

1 Corintios 3:19

Runaj yachaynenqa Diospaj qhasi manakaj. Diospa Qhelqachisqanpi nin: Diosqa yachayniyojkunata yachaynillankupitaj ch'ipaykun, nispa.