Efesios 4:12 - DIOSPA QHELQACHISQ

¹² Paykunaqa Diospaj t'aqasqa kajkunata yachachispa wakichinanku tiyan, Diospa ruwananta ruwayta atinankupaj, ajinamanta Cristoj Iglesian wiñachisqa kananpaj. Iglesiaqa Cristoj ukhunmin.

DIOSPA QHELQACHISQAN DEUTEROCANONICAL

¹² Paykunaqa Diospaj t'aqasqa kajkunata yachachispa wakichinanku tiyan, Diospa ruwananta ruwayta atinankupaj, ajinamanta Cristoj Iglesian wiñachisqa kananpaj. Iglesiaqa Cristoj ukhunmin.

Quechua South Bolivia: Dios Parlapawanchej

¹² Chay atiycunata korka tucuy Diospa runasninta yanapanacuypi waquichiskas canancupaj. Chayka Cristoj cuerponta wiñachinapajmin.

Efesios 4:12 Referans Kwoze

Efesios 4:16

Cristomin Iglesiamanta tukuy kajkunata sumajta ujchaykun, sapa uj imachus ruwanankuta ruwajtinku. Ajinamanta sapa uj imachus ruwananta junt'ajtin, wajkuna wiñanankupaj yanapan. Jina kajtintaj, tukuy ukhu qhalilla wiñan, munakuywantaj junt'asqa kashan.

1 Corintios 12:27

Qankunaqa tukuyniykichej Cristoj ukhunmanta kankichej, sapa ujtaj chay ukhoj imankuna kankichej.

Romanos 15:14

Wawqe panaykuna, noqa allinta yachani qankunaqa k'acha kaywan, tukuy yachaywan ima junt'a kasqaykichejta, qankunapura yuyaychanakunaykichejpaj.

1 Corintios 14:26

Ajinaqa wawqe panakuna, kaykama imatachus parlasqanchejta uj iskay simipi nisunchej. Diosta yupaychanaykichejpaj tantakuspaqa, ujniykichej takiyta atiwajchej, ujniykichejtaj yachachiyta. Jinallataj ujniykichej Dios imatachus sut'inchasqanta sut'inchayta atiwajchej, ujniykichejtaj waj parlaykunapi parlayta, chayrí waj parlaykunapi parlasqankuta sut'inchayta ima. Chaywanpis chay tukuy imata ruwaychej sapa ujniykichej kallpachasqa kanaykichejpaj.

Romanos 14:19

Ajinaqa, ujkuna ujkuna allinta kawsakunapaj atisqanchejta ruwana, jinataj purajmanta kallpachanakuspa yanapanakuna.

1 Timoteo 1:12

Tukuyta Kamachej Cristo Jesusninchejta pachis nini, pichus kallpachawarqa, chayta. Payqa noqapi atinikunanpaj jina kasqayta qhawawaspa, paypa ruwananpi ruwaysikunaypaj churawarqa.

1 Corintios 14:12

Ajinallataj qankunawanpis kanman. Chayrayku sichus qankuna Santo Espíritu ruwanapaj atiykunata qosunaykichejta munankichejpuni chayqa, astawan munaychej, mayqenkunachus iglesiamanta kajkunata yanapanqa yuyayninkupiña kanaman chayanankupaj, chaykunata.

Hebreos 13:17

Iglesiapi michejniykichejkunata kasuychej, jinataj imatachus yachachisqankuta ruwaychej. Paykuna mana samarispa qankunata qhawashasunkichej, chaymanta Diosman cuentata qonankuta yachaspa. Chantá qankuna paykunata kasojtiykichej, imatachus ruwanankuta kusisqa ruwanqanku, mana thutuspachu, nitaj rimaspachu, imajtinchus chayqa qankunapaj mana allinchu kanman.

Hebreos 6:1

Chayrayku, wiñay tukusqa kananchejkama ñawpajman rispa, Diosmanta astawan astawan yachakuspallapuni kanachej. Jesucristoman kutirikuspa qallariypi imatachus yachakorqanchej, chay ñawpaj kaj yachachiykunata saqena. Amaña watej watej kay imakunamanta yachachinachu: Mana allin kajta ruwanamanta, Diosman kutirikuna kasqanmanta, Diospi atinikuna kasqanmanta.

2 Corintios 6:3

Noqayku mana pitapis misk'achiykuchu, Diospaj imatachus ruwasqaykumanta ama pipis rimananpaj.

2 Corintios 5:18

Chay tukuy imaqa Diosmanta jamun, pichus Cristonejta paywan allinyachiwarqayku, chaywan. Chantapis kamachiwarqayku paywan allinyachisqa kanamanta wajkunaman willanaykuta.

San Lucas 22:32

Noqarí qanpaj mañapuyki, mana llawch'iyaspa noqapi atinikunaykipaj. Chayrayku maypachachus noqaman kutirimunki chaypacha, wawqe masiykikunata sinch'ita sayanankupaj kallpachay, nispa.

2 Timoteo 4:5

Qantajrí tukuy imapipis allin yuyayniyojpuni kay, imata ñak'ariypipis pacienciakuspa. Chantá Jesusmanta sumaj willayta willallaypuni, jinataj imachus ruwanaykitapis allinta ruway.

Colosenses 4:17

Arquipota niripuwaychej: Tukuyta Kamachej Jesusmanta ima ruwanatachus jap'isqaykita allinta junt'ay, nispa.

Colosenses 1:28

Chayrayku Cristomanta willayku tukuy runata yuyaychaspa, tukuy yachaywan yachachispa ima. Ajinata ruwayku tukuy runata Cristowan ujchasqa kawsakunapi yuyayninpiña kashajta rikhurichinaykupaj.

Colosenses 1:24

Kunanqa qankunarayku ñak'arishaspapis kusikuni. Ajinata kikin ukhuypi ñak'arispa, junt'ashani Jesucristoj Iglesianrayku imachus ñak'arinaraj kashan, chayta. Iglesiaqa Jesucristoj ukhunmin.

Efesios 1:23

Cristoqa iglesiapaj, imaynachus runaj ukhunpaj uman, ajina. Jinataj tukuy imaman junt'aj Cristowan iglesiaqa sumaj junt'asqa kashan.

2 Corintios 12:19

Ichapis qankuna yuyashankichej noqayku ñawpaqeykichejpi allinpi rikhuriyta munaspa kutichikushasqaykuta. Chayqa mana jinachu. Aswanpis noqayku Diospa ñawpaqenpi parlashayku, Cristojta kajkuna jina. Munasqa wawqe panaykuna, tukuy imata ruwayku qankunata yanapasunaykichejpaj, ajinamanta Cristopi astawan atinikunaykichejpaj.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

2 Corintios 4:1

Chayrayku noqayku Diospa khuyakuyninnejta paypaj ruwananman churasqa kaspa, mana q'enaqakuykuchu.

2 Corintios 3:8

Kunanrí Santo Espíritoj ruwayninpi manachu Diospa jatun kayninpa lliphipiynin astawanraj lliphipenqa?

1 Corintios 14:14

Sichus noqa mana rejsisqa parlaypi Dioswan parlarikuni chayqa, espiritullay parlashan. Jinapis noqaqa mana ima allintapis tarinichu.

Romanos 15:29

Allinta yachani, maypachachus Romaman qankunata watukoj jamusaj chaypacha, noqa willasqaykichej noqaykuta yanapanawaykupaj imatachus ruwasqanmanta.

Romanos 15:2

Tukuyninchej wawqe pananchejta yanapana allin kajta ruwayta yachanankupaj. Ajinamanta Diospi astawan atinikunankupaj paykunata kallpachasunchej.

Romanos 12:7

Sichus pimanpis wajkunata yanaparinapaj atiyta qon chayqa, allinta yanapachun. Chayrí sichus pimanpis Diospa nisqanta yachachinapaj atiyta qon chayqa, sumajta yachachichun.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Hechos 11:23

Bernabetaj Antioquiaman chayaspa, imatachus Dios qhasilla k'acha yanapayninnejta ruwashasqanta rikorqa. Chaymantataj kusikuspa, chay wawqe panakunata yuyaycharqa Tukuyta Kamachej Jesucristota tukuy sonqo kasunallankutapuni.

Hechos 9:31

Chaykama Iglesiaqa allillan kasharqa tukuy Judeapi, Galileapi, Samariapi ima. Jesusta qhatikojkunataj Diospa wawan jina wiñasharqanku, ashkhayasharqankutaj Santo Espíritoj yanapayninwan. Chantá Tukuyta Kamachej Jesusta may respetowan qhawaspa kawsakusharqanku.

Hechos 1:25

Paytaj kuraj kachaykikunamanta ujnin kanqa, jinataj Judaspa ruwananta ruwanqa, imaraykuchus Judas juchanrayku ruwananta saqerparerqa, kunantaj maychus rinanman ripunña, nispa.

Hechos 1:17

Chaypacha Judas noqanchejwan yupasqa karqa, imaraykuchus paypis ajllasqallataj karqa kay ruwanapi kananpaj.

2 Timoteo 4:11

Lucaslla noqawan kashan. Qan jamuspaqa, Marcosta pusamuy, imaraykuchus payqa noqata imachus ruwanaypi sumajta yanapawanqa.

Efesios 4:29

Ama millay ch'ichi kajta parlaychejchu, manachayqa imachus allin kajllata. Ajina parlasqaykichejwan uyarisojkunata wiñanankupaj yanapankichej.

Efesios 4:4

Ajinata ruwaychej, imaraykuchus uj Iglesialla tiyan, uj Santo Espiritulla ima, jinallataj qankuna uj suyakuyllaman wajyasqa kankichej.

2 Corintios 13:9

Chayrayku noqayku pisi kallpa kasqaykumanta kusikuyku, sichus qankuna chaynejta kallpachasqa kankichej chayqa. Jinallatataj noqayku Dioswan parlarikuspa, mañarikuyku qankuna wiñay tukusqa kanaman chayanaykichejpaj.

1 Corintios 12:7

Diosqa Santo Espiritunejta sapa ujman ruwanapaj atiykunata qon, purajmanta yanapanakunanchejpaj.

Romanos 12:5

Ajinallataj noqanchejpis ashkha kaspapis, Cristoman ujchasqa uj ukhu jina kanchej. Jinallataj sapa ujninchej ujkunawan sumaj ujchasqallataj kanchej.

2 Corintios 13:11

Munasqa wawqe panakuna, kay jinata nispa tukuychani: Qankuna kusisqa kawsakuychej. Wiñay tukusqa kanaykichejkama wiñallaychejpuni. Ujkuna ujkuna sonqochanakuychej. Uj sonqolla kaychej, qankunapurataj allinta kawsakuychej. Chantá munakuyta, sonqo tiyaykuytawan qoj Dios qankunawan kanqa.