Efesios 3:2 - DIOSPA QHELQACHISQ

² Qankuna yachankichejña imaynatachus Dios munakuwaspa kachamuwasqanta, imatachus pay wakichisqanmanta qankunaman willanaypaj.

Qheshwa Biblia DC

² Qankuna uyarerqankichejña, Diospa khuyakuyninmanta qankunawan llank'anaypaj kamachisqa kasqayta.

DIOSPA QHELQACHISQAN DEUTEROCANONICAL

² Qankuna yachankichejña imaynatachus Dios munakuwaspa kachamuwasqanta, imatachus pay wakichisqanmanta qankunaman willanaypaj.

Quechua South Bolivia: Dios Parlapawanchej

^2-3 Uyarerkanquichejñachá c'acha Dios pacaska yuyayninta sut'inchawaskanta. Qhuyacuyninpitaj confiawaspa kancunaman cachamuwarka. Chay jawa uj pisita ñaupajpi kelkarimorkayquichejña.

Efesios 3:2 Referans Kwoze

1 Timoteo 1:11

Chay cheqan yachachiyta willanaypaj may yupaychasqa Diosninchej noqata churawarqa, Jesucristomanta jatunchasqa sumaj willayman jina.

2 Timoteo 1:11

Diostaj noqata churawarqa, Jesuspa kuraj kachan kaspa, chay sumaj willayta willanaypaj, chantá yachachinaypaj ima.

Romanos 1:5

Noqaqa Jesucristonejta Diospa kachan kanaypaj ajllasqa kani, tukuy suyupi runakunaman willarajtiy, paypi creenankupaj, jinataj payta kasunankupaj.

Efesios 4:7

Chaywanpis Cristoqa munasqanman jina sapa ujninchejman ruwanapaj atiyta qowanchej.

1 Corintios 4:1

Qankunaqa Cristoj kamachinkunata jinalla qhawanawayku tiyan, imaraykuchus noqayku Diospa wakichisqanmanta chay pakasqa yachayta yachachinaykupaj kamachisqa kayku.

Efesios 1:10

Ajinamanta señalasqa p'unchay chayamojtin, Diosqa janaj pachapi kajkunata, jinallataj kay pachapi kajkunatapis ujllaman tantanqa, chantá Cristoj kamachiyninman churanqa.

Gálatas 1:13

Qankuna uyarerqankichej, imaynatachus ñawpajta judiokunaj yachachisqankuta qhatishaspa, Diospa Iglesianta chinkachiyta munasqayta. Chayraykutaj ancha kallpawan paykunata qhatiykacharqani.

Hechos 22:21

Jesustajrí kutichiwarqa: Puririllayña, imaraykuchus noqa karuman kachasqayki, mana judío kajkunaman noqamanta willaranaykipaj, nispa.

Hechos 13:46

Chantá Pablowan, Bernabewan mana manchachikuspa, chay judiokunata nerqanku: Diospa simi nisqanta qankunamanraj willanayku karqa. Qankunatajrí qhesachankichej, nitaj wiñay kawsaytapis jap'ikuyta munankichejchu. Chayrayku kunanqa mana judío kajkunaman chay willayta willasqayku.

Hechos 13:2

Uj p'unchay ayunaspa Diosta yupaychashajtinku, Santo Espíritu paykunata nerqa: Bernabeta, Saulotawan t'aqapuwaychej, imapajchus ajllakuni, chayta ruwamunankupaj, nispa.

Hechos 9:15

Tukuyta Kamachej Jesustaj nerqa: Rillay, imaraykuchus noqaqa payta ajllakuni kamachiy kananpaj, noqamanta willananpaj mana judío kajkunaman, kuraj kamachejkunaman, jinallatataj israelitakunamanpis.

1 Timoteo 2:7

Noqataj chaymanta willanaypaj Jesuspa kuraj kachan churasqa kani, jinallataj mana judío kajkunaman Jesuspi atinikunamanta, chantá cheqa kajmanta ima yachachinaypaj. Ajinata nispaqa, cheqanta nini, manataj llullakushanichu.

1 Timoteo 1:4

Chantá wawqe panakunata nillaytaj qhasi manakaj cuentokunamanta ama watunankuta, nillataj ñawpa tatakunaj mana tukukuyniyoj listasqa sutinkuta kasu ruwanankuta. Chay qhasi manakaj imakunaqa runakunata churanachin, manataj paykunata yanapanchu Diospi atinikuspa kawsakunankupaj.

Colosenses 1:6

Chay sumaj willayta uyarisqaykichejqa tukuynejpi willasqa kashan. Chay runakunaqa chay sumaj willayta jap'ikusqankurayku waj jinaman tukuchisqa kashanku, imaynatachus qankunapis uyarisqaykichejmantapacha waj jinaman tukuchisqa karqankichej, ajinata. Qankunataj Diospa khuyakuyninmanta uyarispa, chaypacharaj cheqapuni kasqanta yacharqankichej.

Colosenses 1:4

imaraykuchus Cristo Jesuspi tukuy sonqo atinikusqaykichejta uyariyku. Chantapis Diospa tukuy ajllakusqankunata munakusqaykichejta uyarillaykutaj.

Efesios 4:21

Manachayqa paymanta willajta uyarerqankichej, munasqanman jinataj kawsayta yacharqankichej cheqa kajta yachachisqanman jina.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Romanos 12:3

Dios k'acha kayninpi kay ruwanata qowasqanrayku, noqa sapa ujniykichejta niykichej: Ama qankuna may sumaj kasqaykichejta yuyakuychejchu. Manachayqa sapa uj paymanta maychus kasqallanta yuyachun, imaynatachus Dios sapa ujman atiyta qosqanman jina.

Romanos 11:13

Qankuna mana judío kajkunaman kayta niyta munaykichej. Qankunapaj Jesuspa kachan kasqayrayku, Diospaj ruwanaytaqa maypaj qhawani.

Efesios 3:7

Chay sumaj willayta willanaypaj noqa churasqa kani, Dios noqawan k'acha kasqanrayku, chantá khuyarikuwasqanrayku. Ajinata ruwaspataj, Dios may jina atiyniyoj kasqanta rejsicherqa.

Efesios 3:9

Jinallataj tukuy imata ruwaj Diosqa, imachus wiñaymantapacha pakasqa karqa, chay wakichisqanta tukuyman rejsichinaypaj kamachiwarqa.