Efesios 3:15 - DIOSPA QHELQACHISQ

¹⁵ Paymin janajpi, chantá kay pachapipis tukuy kaj chhikata ruwarqa.

Qheshwa Biblia DC

¹⁵ Tukuy ayllu paymanta jap'in sutita janaj pachapi jinallataj kay pachapipis.

DIOSPA QHELQACHISQAN DEUTEROCANONICAL

¹⁵ Paymin janajpi, chantá kay pachapipis tukuy kaj chhikata ruwarqa.

Quechua South Bolivia: Dios Parlapawanchej

¹⁵ Paymantamin sapa uj aylloka sutinta jap'in janaj pachapi cay pachapipis.

Efesios 3:15 Referans Kwoze

Efesios 1:10

Ajinamanta señalasqa p'unchay chayamojtin, Diosqa janaj pachapi kajkunata, jinallataj kay pachapi kajkunatapis ujllaman tantanqa, chantá Cristoj kamachiyninman churanqa.

Efesios 1:21

Tata Diosqa Cristota churarqa tukuy kurajkunaj, atiyniyojkunaj, kallpayojkunaj, chantá kamachejkunaj patankuman ima. Jinallataj Cristoj sutin tukuy rejsisqa sutimantapis aswan jatunchasqa kananpaj churallarqataj mana kunallanchu, manachayqa jamoj p'unchaykunapipis.

Apocalipsis 3:12

Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.

Jeremías 33:16

Chay p'unchaypi Judapi tiyakojkuna kacharichisqa kanqanku, Jerusalentaj sumaj waqaychasqa kawsakonqa. Chaypacha kay jina sutiwan sutichasqa kanqa: Tata Diosmin Noqanchejpaj Justiciata Ruwaj, nispa.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Colosenses 1:20

Tata Dios munallarqataj Churinnejta tukuy kaj chhika, janaj pachapi kaj, jinataj kay pachapi kaj ima paywan allinyachisqa kananta. Payllataj ajina kananpaj tukuy imata ruwarqa, Churin cruzpi wañuspa yawar jich'asqanrayku.

Hechos 11:26

Payta tariytawantaj, Antioquiaman pusamorqa. Chantá iskayninku uj wata junt'ata chay iglesiawan qhepakorqanku, ashkha runaman Jesucristomanta yachachispa. Chaypacha Antioquiapi runakuna Jesusta qhatikojkunata sutichayta qallarerqanku: Cristota qhatikojkuna, nispa.

Isaías 65:15

Chantá sutiykichejta oqharispa, ajllakusqay runakuna waj runakunata maldicenqanku. Noqa Tukuyta Kamachej Tata Dios qankunata wañurachisqaykichej, kamachiykunatataj waj sutiwan sutichasaj.

Efesios 3:14

Chayrayku qonqorikuspa, Tata Dioswan parlarikuni.

Efesios 3:16

Dioswan parlarikuspataj, mañakuni Santo Espiritunejta jatun kayninpa qhapaj kayninman jina, chantá atiyninwan ima sonqoykichejta kallpachasunaykichejta.