Efesios 2:8 - DIOSPA QHELQACHISQ

⁸ Diosqa qhasilla k'acha yanapayninnejta qhespichisorqachej, maypachachus Jesucristopi atinikorqankichej, chaypacha. Qhespichisqa kanaqa mana qankuna imatapis ruwasqaykichejraykuchu, manachayqa Diospa qhasilla jaywasqan.

Qheshwa Biblia DC

⁸ Diospa khuyakuyninnejta ferayku salvasqas kankichej. Kaytaj mana qankunamantachu jamun, manachayqa Diospa regalon.

DIOSPA QHELQACHISQAN DEUTEROCANONICAL

⁸ Diosqa qhasilla k'acha yanapayninnejta qhespichisorqachej, maypachachus Jesucristopi atinikorqankichej, chaypacha. Qhespichisqa kanaqa mana qankuna imatapis ruwasqaykichejraykuchu, manachayqa Diospa qhasilla jaywasqan.

Quechua South Bolivia: Dios Parlapawanchej

⁸ Chay c'acha yanapayninnejtamin wañuymanta cacharichiskas carkanquichej Diospi jap'icuspa. Cayrí mana kancunamantachu carka. Diosmin mosoj causaytaka kosorkachej.

Efesios 2:8 Referans Kwoze

Efesios 2:5

Juchallisqanchejrayku wañusqa kashajtinchej, Dios noqanchejmanpis kawsayta qowarqanchej, maypachachus Cristota wañusqakunamanta kawsaricherqa, chaypacha. Noqanchej Diospa qhasilla k'acha yanapayninrayku qhespichisqa kanchej.

Romanos 4:16

Chayrayku, Diospa qosaj nisqantaqa noqanchej paypi atinikuynejta jap'inchej, chayta mana jap'inanchejpaj jina kashajtinchejpis. Jinaqa Moisespa kamachisqanman jinapis kawsana chayrí amapis, yachanchej Diospa qosaj nisqanta jap'inanchejta, sichus Abraham jina Diospi atinikusun chayqa. Chayrayku Abrahamqa tatanchej, tukuy pikunachus Diospi atinikunchej, chaykunajta.

Romanos 10:17

Ajinaqa runakuna Jesuspi atinikunku, maypachachus Jesucristomanta sumaj willayta uyarispa jap'ikunku, chaypacha.

Hechos 16:31

Paykunataj kuticherqanku: Tukuyta Kamachej Jesuspi atinikuy, jinamantataj qan qhespichisqa kanki, wasi aylluykiwan ima, nispa.

San Juan 6:37

Chaywanpis Tataypa tukuy qowasqan runakuna noqaman jamonqanku, noqataj pikunachus noqaman jamojkunata mana qhesachasajchu.

San Juan 5:24

Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

San Juan 4:10

Jinaqa Jesús kutichispa, nerqa: Qanqa Dios imatachus qosuyta munasqanta mana yachankichu, nillataj pichus yakuta mañakusojtapis rejsinkichu. Yachawajchus chayqa, noqamanta yakuta mañakuwankiman, noqataj kawsachej yakuta qoykiman, nispa.

San Lucas 7:50

Jesustajrí warmita nerqa: Noqapi atinikusqaykirayku qhespichisqa kanki. Chayrayku mana imamanta llakikuspa, ripuy, nispa.

Marcos 16:16

Pichus noqapi atinikojqa, chantá bautizachikojtaj, qhespichisqa kanqa. Noqapi mana atinikojrí wiñaypaj juchachasqa kanqa.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

Romanos 4:5

Chaywanpis Diosqa juchasapata cheqan runapaj qhawan, cheqan runapaj qhawasqa kananpaj jina mana imatapis ruwasqanraykuchu. Manachayqa Dios pitapis cheqanpaj qhawan paypi atinikusqanraykulla, pichus juchasapaj juchanta pampachan, chaypi.

Efesios 2:10

Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

Gálatas 3:22

Chaywanpis Diospa Qhelqachisqanpi nin tukuyninchej juchaj makinpi kashasqanchejta. Chayqa ajina, Dios kacharichinawanchejta nisqanta noqanchej Jesucristopi atinikuynejllata jap'inanchejpaj.

Hechos 13:39

Moisespa kamachisqankuna mana pitapis juchanmanta kacharichiyta aterqachu, cheqan runapaj qhawasqa kananpaj. Kunantajrí Jesuspi tukuy atinikojkunaqa paynejta cheqan runapaj qhawasqa kayta atinkichej.

Gálatas 3:14

Dios imaynatachus Abrahamta saminchananta nerqa, ajinallatataj Cristo Jesusnejta mana judío kajkunatapis saminchallantaj. Ajinaqa Cristopi atinikusqanchejrayku Diosqa Santo Espirituta qowanchej, qonawanchejta nisqanman jina.

San Juan 6:40

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

San Juan 6:35

Jesustajrí paykunata nerqa: Noqamin kawsayta qoj t'anta kani. Pillapis noqaman jamojqa mana jayk'ajpis yarqhachikonqachu, nillataj noqapi atinikojqa jayk'ajpis ch'akichikonqachu.

Efesios 1:19

Jinallataj Dioswan parlarikuspa, mañapuykichej noqanchejpaj Diospa atiynin may jina jatunchus kasqanta rejsinaykichejpaj. Chay atiyta Diosqa may jinata rikucherqa,

Hechos 14:27

Chantá Antioquiaman chayaytawan, Pablowan Bernabewan ima iglesiata tantaykuspa, willarqanku imaynatachus Dios tukuy imapi paykunata yanapasqanta. Willallarqankutaj imaynatachus Dios mana judío kajkunapajpis punkuta kicharisqanta, paykunapis Jesuspi atinikunankupaj.

San Juan 6:65

Chantá Jesús nerqa: Chayrayku nerqaykichej: Manachus Tatay noqaman pusamusunkichejman chayqa, mana pipis noqaman jamuyta atinmanchu, nispa.

Colosenses 2:12

Bautizasqa kaspaqa, Cristowan khuska p'ampasqa karqankichej. Jinallatataj Diospa jatun atiyninpi atinikusqaykichejrayku Cristowan kawsarimporqankichej, mayqen atiychus Cristota wañusqakunamanta kawsarichimorqa, chaynejta.

San Juan 6:44

Mana pipis noqaman jamuyta atinmanchu kachamuwaj Tatay mana pusamojtenqa. Noqataj chay jamojkunata kay pachaj tukukuynin p'unchaypi wañusqamanta kawsarichisaj.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.

Filipenses 1:29

Paymin qankunata maypaj qhawaspa, atiyta qosunkichej mana Cristopi atinikunallaykichejpajchu, manachayqa payrayku ñak'arinaykichejpaj.

Romanos 10:14

Chaywanpis mana paypi atinikuspalla, imaynatataj mañakonqanku paykunata qhespichinantari? Imaynatataj Jesuspi atinikonqanku, paymanta mana uyarispari? Imaynatataj paymanta yachanqanku, paykunaman mana pipis willajtinri?

San Mateo 16:17

Chaymanta Jesús nerqa: Kusikuyniyojmin kanki Simón, Jonaspa churin. Chaytaqa mana runachu sut'inchasunki, manachayrí, janaj pachapi kashaj Tata Diosniy chayta sut'inchasunki.

Hechos 16:14

Ujnin kaj warmi Lidia sutiyoj karqa Tiatira llajtamanta, paytaj may sumaj puka kulli telata qhatoj. Diosta yupaychajllataj karqa. Jinapi Tukuyta Kamachej Jesusqa Lidiaj sonqonman parlapayarqa, paytaj Pabloj nisqanta tukuy sonqo jap'ikorqa.

2 Tesalonicenses 1:9

Paykunataj wiñaypaj ñak'arichisqa kanqanku. Jinataj Tukuyta Kamachej Jesuspa ñawpaqenmanta, chantá jatun atiyninpa lliphipiyninmanta ima wijch'usqa kallanqankutaj.

Hechos 15:11

Noqanchej yachanchej qhespichisqa kasqanchejta Tukuyta Kamachej Jesuspa qhasilla k'acha yanapayninnejta, imaynatachus paykuna qhespichisqa kanku, ajinallatataj, nispa.

Romanos 9:16

Ajinaqa Dios runata ajllakun, mana chay runa ajllasqa kayta munasqanraykuchu, nitaj imata ruwasqanraykuchu, manachayqa Dios paymanta khuyarikusqanraykulla.

Hebreos 6:4

Wakinkuna Cristoman kutirikuspa, Diospa qosqanwan misk'irichikorqanku, Santo Espiritutapis jap'erqanku.

San Mateo 20:9

Jinataj, mayordomoqa inti yaykuyllataña jamojkunaman uj jornaltapuni sapa ujman pagapusqa.