Efesios 2:5 - DIOSPA QHELQACHISQ

⁵ Juchallisqanchejrayku wañusqa kashajtinchej, Dios noqanchejmanpis kawsayta qowarqanchej, maypachachus Cristota wañusqakunamanta kawsaricherqa, chaypacha. Noqanchej Diospa qhasilla k'acha yanapayninrayku qhespichisqa kanchej.

Qheshwa Biblia DC

⁵ Juchasninchejpi wañusqasraj kashajtinchej, Diosqa Cristowan khuska kausayta qowarqanchej. Diospa khuyakuyninrayku salvasqas kankichej.

DIOSPA QHELQACHISQAN DEUTEROCANONICAL

⁵ Juchallisqanchejrayku wañusqa kashajtinchej, Dios noqanchejmanpis kawsayta qowarqanchej, maypachachus Cristota wañusqakunamanta kawsaricherqa, chaypacha. Noqanchej Diospa qhasilla k'acha yanapayninrayku qhespichisqa kanchej.

Quechua South Bolivia: Dios Parlapawanchej

⁵ Juchanejta wañuskajina cashajtinchejpis Cristowan cuscata Dioska causarichiwarkanchej. Yuyaricuychej: Diospa c'acha yanapayninnejta juchamanta cachariskas carkanquichej.

Efesios 2:5 Referans Kwoze

Romanos 3:24

Chaywanpis Diosqa qhasilla k'acha yanapayninrayku, Cristo Jesusnejta cheqan runapaj qhawawanchej. Cristomin wañuspa, juchanchejmanta jasut'isqa kanamanta kacharichiwarqanchej.

Efesios 2:8

Diosqa qhasilla k'acha yanapayninnejta qhespichisorqachej, maypachachus Jesucristopi atinikorqankichej, chaypacha. Qhespichisqa kanaqa mana qankuna imatapis ruwasqaykichejraykuchu, manachayqa Diospa qhasilla jaywasqan.

Romanos 5:10

Diospa contranpiraj kashajtinchej, Dios kikin Churinpa wañuyninnejta paywan allinyachiwarqanchej. Jina chayqa, astawanraj ari Dioswan allinyachisqaña kaspa, Cristo kawsashasqanrayku qhespichisqapuni kasunchej.

Romanos 5:8

Chay tukuywanpis Diosqa imaynatapunichus munakuwasqanchejta yachayta qowanchej, imaraykuchus juchasapallaraj kashajtinchej, Cristo noqanchejrayku wañorqa.

Hechos 15:11

Noqanchej yachanchej qhespichisqa kasqanchejta Tukuyta Kamachej Jesuspa qhasilla k'acha yanapayninnejta, imaynatachus paykuna qhespichisqa kanku, ajinallatataj, nispa.

Efesios 2:1

Ñawpajta qankuna millayta ruwasqaykichejrayku, jinataj juchallisqaykichejrayku Diospaj wañusqapis kawajchej jina karqankichej.

Romanos 8:2

Jinallataj qankuna Cristoman ujchasqa kasqaykichejrayku kawsayta qoj Santo Espíritu jatun atiyninwan juchaj atiyninmanta, chantá wañuypa atiyninmanta ima kacharichisorqachej.

Tito 2:11

Diosqa qhasilla k'acha yanapayninta rikucherqa, chayta mana jap'ikunanchejpaj jina kashajtinchejpis, tukuy qhespichisqa kananchejpaj.

Efesios 5:14

Chayrayku ninku: Puñushasqaykimanta rijch'ariy, wañusqakuna ukhumantataj sayariy, Cristotaj k'anchaykusonqa, nispa.

Romanos 4:16

Chayrayku, Diospa qosaj nisqantaqa noqanchej paypi atinikuynejta jap'inchej, chayta mana jap'inanchejpaj jina kashajtinchejpis. Jinaqa Moisespa kamachisqanman jinapis kawsana chayrí amapis, yachanchej Diospa qosaj nisqanta jap'inanchejta, sichus Abraham jina Diospi atinikusun chayqa. Chayrayku Abrahamqa tatanchej, tukuy pikunachus Diospi atinikunchej, chaykunajta.

2 Corintios 13:14

Tukuyta Kamachej Jesucristoj qhasilla k'acha yanapaynin, Tata Diospa munakuynin, chantá Santo Espiritumanta jamoj k'acha kawsakuy ima tukuy qankunawan kachun. Ajina kachun.

Tito 3:5

Pay qhespichiwarqanchej mana noqanchej ima allinta ruwasqanchejraykuchu, astawanqa khuyakuwasqanchejraykulla. Chantá Santo Espiritunejta juchanchejmanta mayllawarqanchej, watej paqarichispataj, mosoj kawsayta qowarqanchej.

Romanos 5:6

Qhespichisqa kananchejpaj noqanchej mana imatapis ruwayta atishajtinchej, Diospa ajllasqan tiempopi Cristo juchasapakunarayku wañorqa.

Romanos 16:20

Mana unaymantachu sonqo tiyaykuyta qoj Diosqa Supay Satanasta chakiykichej uraman churanqa. Tukuyta Kamachej Jesucristonchej qhasilla k'acha yanapaynin qankunawan kachun.

San Juan 6:63

Diospa Espiritullan wiñay kawsayta qon. Runarí atisqanta ruwashaspapis, mana ni imatapis tarinmanchu. Qankunaman nisqay simikunaqa Diospa Espiritunmanta jamun, kawsaytataj qon.

San Juan 5:21

Imaynatachus Tata Dios wañusqakunata kawsarichispa, kawsayta paykunaman qon, ajinallatataj Churinpis, pikunamanchá kawsayta qoyta munan, chaykunaman qon.

Apocalipsis 22:21

Tukuyta Kamachej Jesucristoj qhasilla k'acha yanapaynin tukuyniykichejwan kachun. Ajina kachun.

San Lucas 15:24

Kay wawayqa wañusqa karqa, kawsarimuntaj. Chinkasqa karqa, kunantajrí tarikapuni, nispa. Ajinamanta tukuyninku mayta kusikuspa, raymita ruwayta qallarisqanku.

Colosenses 2:13

Ñawpajta qankunaqa juchallisqaykichejrayku wañusqa kasharqankichej, imaraykuchus juchallinaman aysaj sonqoykichej manaraj orqhosqachu karqa. Kunantajrí Diosqa Cristowan khuskata kawsarichisunkichej, tukuy juchanchejtapis pampacharqa.