Efesios 2:3 - DIOSPA QHELQACHISQ

³ Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

Qheshwa Biblia DC

³ Chaykuna ukhupi tukuyninchej, chay p'unchaykunapi aychanchejpa sajra munaynimpi purej kanchej, aychaj munayninta, yuyaypa munayninta ima ruwaspa. Ajinata ruwaspa, noqanchejpis phiñakuywan jasut'inapaj jina karqanchej, chay wajkuna jina.

DIOSPA QHELQACHISQAN DEUTEROCANONICAL

³ Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

Quechua South Bolivia: Dios Parlapawanchej

³ Unayka tucuy nokanchejpis ajinata causarkanchej cay pacha munayninchejmanjina. Chay sajra munayninchej yuyayninchejpis atipawaskanchejmanjina ruwarkanchej. Ajinamanta Diospa c'ajaj phiñacuyninta jap'inanchejpajjina carkanchej tucuy mana payta casucojcunajina.

Efesios 2:3 Referans Kwoze

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

1 Pedro 1:14

Chayrayku kasukoj wawakuna jina kaychej, amataj sonqoykichejpa munasqanta ruwaychejchu, imaynatachus ñawpajta manaraj Diosmanta allinta yachashaspa ruwaj kankichej, jinataqa.

Efesios 4:22

Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

Romanos 13:14

Aswanpis Tukuyta Kamachej Jesucristo imaynachus kasqanwan p'achawan jina p'achallikuychej, amataj yuyaychejchu juchallinaman aysaj sonqoykichejpa munayninta ruwayta.

Romanos 6:12

Chayrayku amaña saqeychejchu juchaqa qankunata munayninta ruwachinanta, nillataj sonqoykichejpa millay munayninta kasuychejchu.

Salmos 51:5

5 (7) Paqarisqaymantapacha juchallinaman aysasqa sonqo kasqayta yachani. Mamaypa wijsanmantapacha noqa juchasapa kani.

1 Juan 2:16

Kay pachapi kaykuna tiyan: Juchallinaman aysaj sonqoj mana allin kajta munaynin, ñawej rikusqanta imata jina munapayay, imatachus tarisqanmanta chayrí kapuyninmanta runaykachay ima. Chay tukoyqa mana Tata Diosmantachu, manachayqa Diosman mana kutirikojkunamanta.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

1 Corintios 4:7

Imaraykutaj qan yuyakunki aswan sumaj kasqaykita ujkunamanta nisqari? Chayrí imataj tiyapusunki mana Diospa qosusqan? Paychus qosunki chayrí, imaraykutaj runaykachanki qan kikiykipis tariwaj karqa jinari?

Romanos 7:18

Yachani noqapi, juchallinaman aysasqa sonqoypi allin kaj mana kasqanta, imaraykuchus allin kajta ruwayta munani chaypis, mana atinichu.

Marcos 4:19

Chantá sonqonkupi kay kawsaymanta phutikuykunawan, qhapajyayta munanawan, waj imakunata munapayaywan ima Diospa nisqanta p'ampaykunku. Chayrayku Diospa munasqanta mana ruwayta atinkuchu.

Génesis 6:5

Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

Romanos 11:30

Qankuna mana judío kajkuna ñawpajta Diosta mana kasorqankichejchu. Kunanrí judiokuna mana kasukusqankurayku Dios qankunamanta khuyakusunkichej.

Romanos 9:22

Ajinallatataj Diosqa phiñakuyninta, atiynintawan rikuchiyta atinman karqa. Chaywanpis pay pacienciakorqa, pikunaj patankumanchus phiñakuynin urmanan kasharqa chaykunawan, paykuna chinkachisqa kanankupaj churasqa kashajtinkupis.

San Juan 1:13

Paykunataj Diospa wawankuna kanku mana qharej yumasqanraykuchu, nitaj runa munasqanraykuchu, nillataj pi qharej munayninmantachu, manachayqa Dios munasqanrayku.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Job 25:4

Runaqa Diospa ñawpaqenpi llimphu kayta atinmanchu? Mana pipis warmimanta paqarejqa juchamanta llimphuchu.

Job 14:4

Pitaj ch'ichita llimphuman tukuchiyta atinmanri? Mana pipis atinmanchu.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

2 Pedro 2:18

Chaykuna paykunamanta manchayllata parlanku, parlasqankurí qhasi manakaj. Chantá paykuna pikunachus kunallanraj pantasqa purinamanta ñak'ayllata ayqekojkunata yuyaychanku munasqankuman jina purispa juchallinaman kutirinankuta.

2 Pedro 2:14

Chay runakunaqa pi warmitapis qhawanku paywan puñuykuyta munaspa, juchallispataj, mana sajsakunkuchu. Chantá Cristopi mana tukuy sonqochu atinikojkunaj sonqonkuta suwaspa, paykunata juchallinaman aysanku. Jinallataj chay yachachejkuna tukuy imata munapayanankupaj churasqa kanku. Chayrayku paykuna Diospa maldicisqan kanku.

1 Timoteo 6:9

Qhapajyayta munajkunarí, tojllapi jina urmanku imaymana pierdechej wampu munapayaykunaman. Chaykunaqa runakunata mana allin kawsayman tanqaykunku, chinkaymantaj.

Gálatas 3:22

Chaywanpis Diospa Qhelqachisqanpi nin tukuyninchej juchaj makinpi kashasqanchejta. Chayqa ajina, Dios kacharichinawanchejta nisqanta noqanchej Jesucristopi atinikuynejllata jap'inanchejpaj.

Romanos 1:24

Chayrayku Dios paykunata saqerparerqa sonqonkoj millay ruwayta munasqanman jina ruwanankupaj. Ajinata Dios paykunata saqerparisqanraykutaj paykunapura p'enqay millayta ruwanakorqanku.

1 Juan 2:8

Chaywanpis, kay kamachisqaqa mosoj. Jesusqa kay kamachisqata kasuspapuni purerqa, jinallatataj qankunapis purishankichej, imaraykuchus kawsayniykichejpi laqhaqa chinkapushanña, cheqa k'anchaytaj k'anchashanña.

Hechos 14:16

Ñawpajtaqa Dios saqellarqa tukuy runakuna munayninkuta ruwajta.

Génesis 5:3

Adán 130 watayoj kashajtin, churin payman rijch'akoj paqarerqa. Adantaj payta “Set” sutiwan suticharqa.

Romanos 2:14

Mana judío kajkuna Diospa kamachisqanta mana rejsishaspapis, chay kamachisqata yachasqankuta yachayta qonku sonqonkoj nisqanta kasuspa, amapis ni jayk'aj Moisespa kamachisqanmanta uyarinkumanchu karqa.

Romanos 5:9

Ajinaqa, sichus Cristo wañusqanrayku Diosqa cheqan runapaj qhawawarqanchej chayqa, kunanqa astawanraj Cristonejta Diospa k'araj phiñakuyninmanta qhespichillasqataj kasunchej.

Romanos 5:10

Diospa contranpiraj kashajtinchej, Dios kikin Churinpa wañuyninnejta paywan allinyachiwarqanchej. Jina chayqa, astawanraj ari Dioswan allinyachisqaña kaspa, Cristo kawsashasqanrayku qhespichisqapuni kasunchej.

Colosenses 1:21

Qankunaqa ñawpajta Diosmanta karunchasqa karqankichej. Mana allin kajta yuyasqaykichejrayku, chantá millayta ruwasqaykichejrayku ima Diospa awqanpuni karqankichej.

1 Tesalonicenses 4:13

Munasqa wawqe panakuna, yachanaykichejta munayku, Diosta qhatejkunamanta pikunachus wañupojkunawan imachus kananmanta. Chayta yachaspa, mana llakikunkichejchu, pikunachus mana ni ima allin kajtapis suyashankuchu, chaykuna jina.

1 Tesalonicenses 5:6

Chayrayku, noqanchejqa rijch'arisqalla kashanachej, allinta purispa, amataj chay ujkuna jinaqa puñunachu. Aswanpis ch'aki sonqo runa jina yuyayninchejpi kana.