Efesios 1:5 - DIOSPA QHELQACHISQ

⁵ Dios munakuwasqanchejrayku Churin Jesucristonejta paypa wawanpaj rejsikapuwarqanchej, imajtinchus ajina kananta qallariymantapacha nerqa.

Qheshwa Biblia DC

^5-6 Munakuspa wiñaymantaña ajllawarqanchej, Cristonejta paypa wawasnimpaj rejsisqas kananchejpaj, cheqa munayninman jina; khuyakuynimpa jatun kayninta yupaychananchejpaj. Chaywantaj allin qhawasqa kananchejpaj, munakusqan Churimpi.

DIOSPA QHELQACHISQAN DEUTEROCANONICAL

⁵ Dios munakuwasqanchejrayku Churin Jesucristonejta paypa wawanpaj rejsikapuwarqanchej, imajtinchus ajina kananta qallariymantapacha nerqa.

Quechua South Bolivia: Dios Parlapawanchej

⁵ C'acha munayninmanjinataj unayña sumajta yuyarka nokanchejta wawasninpaj rejsicapunawanchejta Jesucristonejta.

Efesios 1:5 Referans Kwoze

Efesios 1:11

Jinallataj Cristoman ujchasqa kasqanchejrayku Diospa chayaqenmanta jap'erqanchej. Dios ajina kananta nerqa, imajtinchus payqa wiñaymantapacha ajllakuwarqanchej, pichus munayninta junt'ananpaj tukuy imata ruwan, chay.

1 Juan 3:1

Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

Romanos 8:23

Mana chayllachu, noqanchej Santo Espirituta señata jina jap'ejkunapis sonqonchejpi ayqollashanchejtaj. Jinallataj suyashanchej Dios imapajchus wawankunapaj rejsikapuwarqanchej, chayta jap'iyta. Chaypacha ukhunchejpis kacharichisqallataj kanqa.

Gálatas 3:26

Chayrayku tukuyniykichej Diospa wawan kankichej Jesucristopi atinikusqaykichejrayku.

2 Corintios 6:18

Chantá noqa Tataykichej kasaj, qankunataj churiykuna, ususiykunataj kankichej, nispa. Ajinata Tukuy Atiyniyoj Dios nin.

Apocalipsis 21:7

Pichus mana allin kajta atipaj, jinataj noqallapipuni atinikuspa kajqa tukuy imata chayaqeta jina jap'enqa. Noqa Diosnin kasaj, paytaj waway kanqa.

Oseas 1:10

10 (2.1) Chaywanpis uj p'unchaypi Israelpa mirayninku mama qocha kantupi t'iyu jina kanqanku. Ni pi chimpuyta, nitaj yupayta atenqachu. Mana aylluychu kankichej, nispa ninaytaqa, paykunata nisaj: Qankunaqa noqa kawsaj Diospa wawaykuna kankichej, nispa.

Efesios 1:9

Munasqanman jina payqa imatachus wakichisqanmanta chay pakasqa yachayta rejsichiwarqanchej, mayqentachus Cristopi junt'ayta munarqa, chayta.

San Juan 11:52

Jesusrí mana judiokunallatachu qhespichinanrayku wañunan karqa, manachayqa Diospa wawankuna tukuynejpi ch'eqerasqa kajkunata tantananpaj.

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

2 Tesalonicenses 1:11

Chayrayku Dioswan parlarikuspa, qankunarayku mañapushaykupuni, Diosninchejpa wajyasqan jina kawsanaykichejpaj yanapasunaykichejta. Mañapullaykutaj Diosqa atiyninwan allin kajta ruwayta munasqaykichejta junt'ananta, chantá paypi atikusqaykichejrayku imatachus ruwayta qallarisqaykichejta tukuychananta.

San Lucas 10:21

Chaypacha, Jesusqa Santo Espiritunejta may kusisqa kaspa, Diosta nerqa: Tatáy, janaj pachata kay pachatawan kamachej Dios, noqa jatunchayki, imaraykuchus kay imakunata yachayniyojkunamanta, yuyayniyojkunamantawan pakarqanki, wawa jina kajkunaman sut'inchanaykipaj. Arí Tatáy, qan ajinata munarqanki, nispa.

1 Corintios 1:21

Dios mana saqerqachu runakuna tukuy yachayninkuwan payta rejsinankuta. Manachayqa Jesusmanta sumaj willayta willasqaykuta jap'ikojkunata qhespichinanta nerqa, chay willasqayku wampoj yuyasqanman rijch'akushajtinpis.

San Juan 20:17

Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

San Mateo 11:26

Arí, Tatáy, qan ajinata munarqanki, nispa.

San Lucas 11:32

Jinallataj Nínive llajtayojkunapis juicio p'unchaypi sayarispa, kunan p'unchaypi tiyakojkunata juchachanqanku, imaraykuchus Jonás willarajtinkama, paykuna Diosman kutirikusqanku. Kunantajrí Jonasmanta aswan kuraj kaj kaypi kashan, qankunataj mana Diosman kutirikuyta munankichejchu, nispa.

Filipenses 2:13

Ajinata ruwaychej, imaraykuchus Diosmin allin kajta ruwayta munachisunkichej, payllataj ruwanaykichejpaj yanapasunkichej sonqonpa munasqanman jina.

1 Corintios 1:1

Noqa, Pablo, Dios munasqanrayku Jesucristoj kuraj kachan kanaypaj wajyasqa kani. Noqawan, wawqenchej Sosteneswan ima kay cartata qhelqaspa apachimuyku Corinto llajtapi Diospa iglesianman.

San Mateo 1:25

Chaywanpis Joseqa María warminwan mana puñuykorqachu, María wawanta paqarichikunankama. Josetaj chay wawata Jesús sutiwan suticharqa.

Jeremías 3:4

Manaraj unaychu niwasqaykeqa: Tatay kanki, sipas kashaspa munakusqay kanki, nispa.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

Hechos 13:48

Chayta uyarispa, mana judío kajkuna mayta kusikorqanku, jinataj nerqanku Diospa simi nisqan may sumaj kasqanta. Chantá pikunachus wiñay kawsaypaj ajllasqa kajkunaqa Tukuyta Kamachej Jesuspi atinikorqanku.

Colosenses 1:19

Chayqa ajina, imaraykuchus Tata Dios munarqa, pay imaynachus kasqan, ajinallataj Churinpis kananta.

Hebreos 2:4

Jinallataj Tata Diospis chay willawasqanchejta cheqa kasqanta rikucherqa runaj mana jayk'aj rikusqanta ruwaspa, chantá jatun atiyninwan waj t'ukuna imakunata ruwaspa ima. Jinallataj Santo Espiritunejta ruwanapaj atiykunata qospa, chaykunatapis munasqanman jina rak'irarqa.