Efesios 1:14 - DIOSPA QHELQACHISQ

¹⁴ Diosqa Santo Espirituta qowanchej chayaqeta jap'inanchejmanta señata jina. Jinataj noqanchej chay chayaqeta jap'isunchej, maypachachus Dios rantikusqanta paypata kananpaj kacharichenqa, chaypacha, ajinamanta jatun kayninta yupaychananchejpaj.

Qheshwa Biblia DC

¹⁴ Santo Espiritoqa chayaqenchejpa señan, chay rantisqa chayaqeta jap'inanchejkama, jatun kaynin yupaychasqa kanampaj.

DIOSPA QHELQACHISQAN DEUTEROCANONICAL

¹⁴ Diosqa Santo Espirituta qowanchej chayaqeta jap'inanchejmanta señata jina. Jinataj noqanchej chay chayaqeta jap'isunchej, maypachachus Dios rantikusqanta paypata kananpaj kacharichenqa, chaypacha, ajinamanta jatun kayninta yupaychananchejpaj.

Quechua South Bolivia: Dios Parlapawanchej

¹⁴ Santo Espíritu sonkonchejpi señajina capuwanchej wiñaypaj cachariskas cananchejcama. Chaywan Dioska ricuchiwanchej tucuy niskanta junt'ananta. Nokanchej wañunanchejmantaka Jesucristo wañuspa, wiñaypaj Diospata ruwawarkanchej. Ajinapi wiñaypaj atiyninraycu yupaychasunchej.

Efesios 1:14 Referans Kwoze

2 Corintios 5:5

Chay jina kananchejpaj Diosmin wakichiwarqanchej, nisqanta junt'ananpajtaj Santo Espiritutapis señata jina qowarqanchej.

2 Corintios 1:22

Jinallatataj Santo Espirituta sonqonchejman kachamuwarqanchej, nisqanta junt'ananmanta seña kananpaj.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

Gálatas 4:6

Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

Romanos 8:23

Mana chayllachu, noqanchej Santo Espirituta señata jina jap'ejkunapis sonqonchejpi ayqollashanchejtaj. Jinallataj suyashanchej Dios imapajchus wawankunapaj rejsikapuwarqanchej, chayta jap'iyta. Chaypacha ukhunchejpis kacharichisqallataj kanqa.

Efesios 1:12

Chantá Dios munarqa noqayku judiokunaraj ñawpajta Cristopi sonqoykuta churanaykuta, paypa jatun kayninta jatunchanaykupaj.

Hechos 20:32

Kunanqa Diospa makinman churaykichej, mañaykichejtaj Diospa sonqochaj simi nisqanman jina kawsanaykichejta. Paypa simi nisqanqa manchay atiyniyojmin qankunata kallpachasunaykichejpaj, Diostaj chaynejta chayaqeykichejtapis qankunaman qosonqachej tukuy ajllakusqankunawan khuska.

Salmos 78:54

Chantá payqa ayllunta ajllakusqan jallp'aman pusarqa, mayqentachus pay atiyninwan jap'erqa, chay orqokunaman.

Salmos 74:2

Aylluykimanta yuyarikuy, unaymantapacha rantikusqaykimanta. Qanqa preciota pagaspa, paykunata aylluyki kanankupaj kacharicherqanki. Maypichus tiyakorqanki, chay Sión orqomantapis yuyarikuy.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

San Lucas 21:28

Chay tukuy ima rikhurejtintaj, kallpachakuychej, jinataj patata qhawariychej, imaraykuchus qhespichisqa kanaykichej p'unchay qayllamushanña, nispa. Ajinata Jesús yachacherqa.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

Efesios 1:11

Jinallataj Cristoman ujchasqa kasqanchejrayku Diospa chayaqenmanta jap'erqanchej. Dios ajina kananta nerqa, imajtinchus payqa wiñaymantapacha ajllakuwarqanchej, pichus munayninta junt'ananpaj tukuy imata ruwan, chay.