Eclesiastés 8:12 - DIOSPA QHELQACHISQ

¹² Juchasapaqa pachaj kutita juchallikuspapis, unayta kawsan. Jinapis yachallarqanitaj, pikunachus Diosta may jatun respetowan qhawaspa kawsakunku, chaykunata allinpuni rinanta.

Qheshwa Biblia DC

¹² Juchasapasqa pachaj kutitapis juchasta ruwashaspa, aswan unaytaraj kausanku. Chaywampis noqaqa yachani, pischus Diospa ñaupaqempi k'achata kausakunku, Diosta manchachikuspa chaykunata allimpuni rinanta.

DIOSPA QHELQACHISQAN DEUTEROCANONICAL

¹² Juchasapaqa pachaj kutita juchallikuspapis, unayta kawsan. Jinapis yachallarqanitaj, pikunachus Diosta may jatun respetowan qhawaspa kawsakunku, chaykunata allinpuni rinanta.

Eclesiastés 8:12 Referans Kwoze

Salmos 37:11

Llamp'u sonqoyojkunatajrí kay pachata chayaqenkupaj jap'enqanku, sonqo tiyaykusqa kawsaspataj, kusikonqanku.

2 Pedro 2:9

Ajinata reparanchej, Diosta kasuspa purejkuna juchallinaman tanqasqa kashajtinku, Tukuyta Kamachej Diosqa paykunata kacharichiyta yachasqanta. Pay yachallantaj millayta ruwajkunata juzganan p'unchaypi jasut'isqa kanankupaj jallch'ayta.

Eclesiastés 7:15

Tukuy kayta qhasi manakaj kawsayniypi rikuni: Allin kajta ruwaj runakuna, k'acha kashaspapis, wañupunku. Millay runakunatajrí chay jina millayta ruwashaspapis, unaytaraj kawsanku.

Eclesiastés 3:14

Chantá yachallanitaj Diospa tukuy ima ruwasqanqa wiñaypajpuni kananta. Chay imatachus ruwasqanmanqa mana pipis yapaykuyta nitaj pisiyachiyta atinchu. Diosqa ajinata ruwarqa, tukuy runakuna payta may jatun respetowan qhawananchejpaj.

Romanos 9:22

Ajinallatataj Diosqa phiñakuyninta, atiynintawan rikuchiyta atinman karqa. Chaywanpis pay pacienciakorqa, pikunaj patankumanchus phiñakuynin urmanan kasharqa chaykunawan, paykuna chinkachisqa kanankupaj churasqa kashajtinkupis.

San Lucas 1:50

Diospa khuyakuynin kallanpuni miraymanta mirayman, pikunachus may respetowan payta qhawajkunapaj.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

Eclesiastés 7:18

Chay yuyaychaykunata allinta uyariy, amataj chaymanta kacharikuychu, imaraykuchus Diosta may jatun respetowan qhawajtaqa tukuy imapi allin renqa.

Eclesiastés 5:16

16 (15) Kaypis manallataj allinchu: Imaynatachus kay pachaman jamorqa, kikillantataj kutiponqa. Jina kajtenqa, imapajtaj chay jinatapuni qhasi manakajta llank'arqari?

Proverbios 13:21

Juchasapakunataqa mana allin kay qhatiykachan, cheqan runakunatajrí allin kajwan t'inkachisqa kanqanku.

Salmos 115:13

Tata Diosqa payta manchay jatun respetowan qhawajkunata saminchanqa, maypaj qhawasqa runakunata, pisipaj qhawasqa runakunatapis.

Salmos 112:1

Tata Dios jatunchasqa kachun. Tata Diosta manchay jatun respetowan qhawaj runaqa kusisqamin, pichus Diospa kamachisqanta kasuspa misk'irichikojqa.

Salmos 96:9

Tata Diosta may llimphupuni kasqanmanta yupaychaychej, ñawpaqenpitaj tukuy runakuna kharkatitichunku.

1 Crónicas 16:30

Tukuy kay pachapi kawsajkuna ñawpaqenpi kharkatitichunku. Paymin kay pachata mana kuyurinanpaj jina sumajta sayacherqa.

1 Reyes 21:25

Mana ujpis karqachu Ajab jina Tata Diospa ñawpaqenpi millay ruwanaman qokojqa, imaraykuchus Jezabel warmin paytaqa chayman tanqaykorqa.

Deuteronomio 12:25

Amapuni yawarta mikhunkichejchu, qankunapis wawaykichejkunapis kusiy kawsayta rikunaykichejpaj. Yawarta mana mikhuspaqa, Tata Diospa munasqanta ruwashankichej.

Éxodo 1:20

Ajinata chay parterakuna ruwasqankurayku Dios paykunata yanaparqa. Israelitakunataj astawan ashkhayarqanku, astawan atiyniyojmantaj tukorqanku.

Deuteronomio 4:40

Kunan p'unchay kay kamachisqaykunata, yachachiykunata ima qoshaykichej, chayta junt'aychej. Kasojtiykichej, qankunata, jinallataj mirayniykichejtapis allin risonqachej. Tata Diosniykichej wiñaypaj qosonqachej, chay jallp'apitaj unayta kawsankichej, nispa.

Deuteronomio 12:28

Tukuy kamachisqayta kasuychej, junt'aychejtaj. Sichus Tata Diospa munasqanman jina allin kajta, cheqan kajtataj ruwankichej chayqa, qankunata, wawaykichejtapis allinpuni risonqachej.

Salmos 128:2

Llank'asqaykimanta mikhunki. Tukuy imapi allin risonqa, kusiy kawsaytataj rikunki.

Eclesiastés 5:7

7 (6) Ancha jatunta yuyanaqa qhasi manakajta parlanata apamun. Qantajrí Diosta manchachikuypuni.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

Job 35:15

Qanqa, pay mana phiñakusqanta, nitaj jasut'isqanta ninki, nillataj runaj ruwasqantapis qhawasqanta.

Proverbios 28:14

Kusikuyniyojmin pichus Tata Diosta maypaj qhawan, chay. Sonqonta rumiyachejrí llakiy kawsayman chayanqa.

Jeremías 44:10

Kunankama qankunaqa mana k'umuykunkichejchu, nitaj noqata may jatun respetowan qhawawankichejchu. Nillataj nisqayta, kamachisqayta ima junt'ankichejchu, mayqenkunatachus qankunaman, jinataj ñawpa tataykichejkunamanpis qorqani, chaykunata.