Eclesiastés 8:1 - DIOSPA QHELQACHISQ

¹ Pitaj yachayniyoj runa jinari? Pitaj imakunapis imatachus niyta munasqanta yachanmanri? Yachayniyoj kayqa runata kusichin. Phiña uyatapis k'achaman tukuchin.

Qheshwa Biblia DC

¹ Pitaj yachayniyoj runa jinari? Tukuy imaspis imatachus niyta munasqanta pitaj pay jina yachanmanri? Uj runaj uyantaqa yachaynin k'ancharin. Phiña uyatapis k'achaman tukuchin.

DIOSPA QHELQACHISQAN DEUTEROCANONICAL

¹ Pitaj yachayniyoj runa jinari? Pitaj imakunapis imatachus niyta munasqanta yachanmanri? Yachayniyoj kayqa runata kusichin. Phiña uyatapis k'achaman tukuchin.

Eclesiastés 8:1 Referans Kwoze

Hechos 6:15

Jatun Juntamanta kajkunarí Estebanta qhawarispa, uyanta angelpa uyan jina kasqanta rikorqanku.

Deuteronomio 28:50

Chay jina mana khuyakuyniyoj runakunaqa machu runakunata mana respetanqankuchu, wawakunatapis manallataj khuyanqankuchu.

2 Pedro 1:20

Chaywanpis tukuy imamanta astawanqa kayta yachaychej: Diospa Qhelqachisqanpi Diosmanta sut'inchajkunaj sut'inchasqankoqa mana paykunaj yuyasqankuman jinachu karqa,

2 Timoteo 4:17

Chaywanpis, Tukuyta Kamachej Dios noqawan karqa, kallpachawarqataj Jesuspa sumaj willayninmanta sut'ita parlanaypaj, ajinamanta mana judío kajkuna uyarinankupaj. Ajinata Diosqa leonpa siminmanta jina wañunaymanta kacharichiwarqa.

Hechos 4:29

Kunanqa Tukuyta Kamachej Dios, qhawariy imaynatachus paykuna phiñakuspa, manchachiwasqaykuta. Chantá kay kamachiykikunata kallpachawayku ari, mana manchachikuspa Simi nisqaykita willanaykupaj,

Hechos 4:13

Chaypacha kurajkuna mayta t'ukorqanku Pedrotawan, Juantawan mana manchachikuspa parlajta rikuspa. Astawanqa chay kurajkuna yacharqanku Pedrowan, Juanwan mana sumaj yachaj runakunawanchu yachakusqankuta. Jinapis repararqanku paykuna Jesuswan khuska purisqankuta.

Proverbios 17:24

Sumaj yuyayniyoj runaqa yachayniyoj kayta mask'an. Wampu runarí imamanpis sat'iykukullanpuni.

Job 33:23

wakin kuti uj k'acha ángel jamun, waranqamanta uj payrayku parlarinanpaj, cheqan runa kasqanmanta.

Efesios 6:19

Noqapajpis mañapullawaychejtaj sumaj willaymanta parlashajtiy, Dios imatachus ninayta yuyaychanawanpaj. Ajinamanta mana manchachikuspa, Diospa wakichisqanmanta pakasqa yachayta sut'inchayta atisaj.

San Mateo 17:2

Chaypitaj paykuna qhawashajtinku, Jesús waj jinaman tukorqa. Uyanqa inti jina k'ancharerqa, p'achantaj may yurajta lliphipirerqa.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Proverbios 24:5

Aswan allin yachayniyoj runa kallpayoj runamanta nisqaqa. Yachayniyoj kanaqa aswan allin atiyniyoj kanamantaqa.

Proverbios 1:6

Astawan yachayniyoj kanqanku, maypachachus yachayniyojkunaj nisqankuta, chantá rijch'anachiykunawan parlasqankuta unancharenqanku, chaypacha. Jinallataj astawan yachayniyoj kanqanku, maypachachus sumaj yachaywan nisqankuta, chantá watuchiykunawan parlasqankuta ima unancharenqanku, chaypacha.

Génesis 40:8

Paykunataj kuticherqanku: Sapa ujniyku mosqokuyku, manataj pipis kanchu mosqokusqayku imatachus niyta munasqanta sut'inchanawaykupaj, nispa. Jinapi José nerqa: Dioslla mosqokusqaykichejta sut'inchayta atin. Imatachus mosqokusqaykichejta willariwaychej ari, nispa.

Romanos 13:5

Chayrayku paykunata kasunaqa allinpuni, mana jasut'inanta manchachikuspallachu, aswanpis sonqonchej allin kasqanta niwasqanchejrayku.

Proverbios 21:29

Millayta ruwaj runaqa imatapis allinta ruwanman jina purin. Cheqanta ruwaj runarí imatapis ruwananpaj ñawpajta allintaraj unancharin.

Éxodo 34:35

Israelitakunaqa Moisespa uyan lliphipirishasqanta rikorqanku. Chayrayku Moisés ujtawan velowan uyanta qhataykukoj karqa, Tata Dioswan parlaj rinankama.

Proverbios 12:8

Runaqa yachayniyoj kasqanman jina jatunchasqa kanqa, mana yuyayniyoj runarí pisipaj qhawasqa kanqa.

Daniel (hebreo) 2:22

Diosqa pakasqa kajta sut'inchan, mana yachay atina kajtapis. Paymin imachus laqhayaypi kajtapis rejsin. Payqa k'anchaymin.