Eclesiastés 7:7 - DIOSPA QHELQACHISQ

⁷ Kallpaman atinikuspa sajrata ruwanaqa yachayniyojta wampuyachin. Lluk'inataj runaj sonqonta mana allinman tijrachin.

Qheshwa Biblia DC

⁷ Cheqamanta sajra ruwaykunaqa yachayniyojta wampuykachachin; lluk'iykunataj sonqonta waj jinayachin.

DIOSPA QHELQACHISQAN DEUTEROCANONICAL

⁷ Kallpaman atinikuspa sajrata ruwanaqa yachayniyojta wampuyachin. Lluk'inataj runaj sonqonta mana allinman tijrachin.

Eclesiastés 7:7 Referans Kwoze

Deuteronomio 16:19

Ama justiciata q'ewinkichejchu, amataj uyankuta qhawarispa wakillanman kutikunkichejchu. Amallataj lluk'ichikunkichejchu, imajtinchus lluk'ita jap'ikunaqa aswan yachayniyoj runatapis pantachin, cheqan runakunaj nisqankutapis waj jinaman tukuchin.

Éxodo 23:8

Ama lluk'ichikunkichu, imaraykuchus lluk'i jap'ikoyqa allin sonqoyoj runata pierdechin, jinallataj mana juchayojta, juchayojta rikhurichin.

Proverbios 17:23

Mana allinta ruwaj runaqa pakaypi lluk'ichikun, justiciata q'ewinanpaj.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Eclesiastés 4:1

Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

Proverbios 17:8

Pichus lluk'iyta yachajqa atiyniyoj kasqanta yuyakun, imajtinchus imata ruwasqanpi allillan rin.

1 Samuel 8:3

Chaywanpis Samuelpa churinkunaqa mana tatanku jinachu imatapis allinta ruwarqanku. Manachayqa qolqeta munapayanawan atipachikuspa, lluk'ita jap'ikorqanku, nitaj justiciata ruwarqankuchu.

Deuteronomio 28:65

Chay suyukunapi tiyakuspa, mana samarikuyta, nitaj sonqo tiyaykusqa kawsayta tarinkichu. Tata Diosqa mancharisqallata, llakiy uyapachallata, phutikuywan atisqata kawsachisonqa.

Isaías 33:15

Kay jina runalla chaypi tiyakonqa: Pichus cheqanta ruwaspa kawsan, cheqan kajtataj parlan, pichus runata waqachispa, qolqe jap'inata chejnikun, manataj lluk'ichikunchu, pichus runata wañuchimuna nejtinkupis, ninrinta wisq'aykun, ñawintapis wisq'aykullantaj chay millaykunata mana ruwananpaj ima.

1 Samuel 12:3

Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.

Eclesiastés 5:8

8 (7) Ichapis may llajtapi wajchakunata ñak'arichejta rikunki, cheqan kajtapis manakajman tukuchejta rikullankitaj. Chayta rikuspa, ama t'ukuychu. Uj kamachejtaqa uj kuraj kaj pakan, paytataj uj astawan kuraj kajñataj pakan. Paykunaj ruwasqankutapis astawan kuraj kaj pakashallantaj.

Eclesiastés 8:9

Kay pachapi runakunaj tukuy ima ruwasqankuta waturispa, unancharqani: Runaqa runa masinta ñak'arichinanpaj atiyniyoj.

1 Samuel 21:14

14 (15) Chaymanta kuraj kamachej Aquisqa kamachinkunata nerqa: Kay runata mana yuyayninpichu kashajta rikushaspaqa, imapajtaj pusamuwarqankichejri?