Eclesiastés 7:12 - DIOSPA QHELQACHISQ

¹² Yachaywan, qolqewan, kay pachapi kawsajkunata yanapawanchej. Yachayrí astawan allinraj, imaraykuchus yachayniyojkunaman kawsayta qon.

Qheshwa Biblia DC

¹² Yachaywan qolqewanqa jark'akuna escudo jina kanku. Yachayri, astawanraj kausachin pichus yachayta taripajta.

DIOSPA QHELQACHISQAN DEUTEROCANONICAL

¹² Yachaywan, qolqewan, kay pachapi kawsajkunata yanapawanchej. Yachayrí astawan allinraj, imaraykuchus yachayniyojkunaman kawsayta qon.

Eclesiastés 7:12 Referans Kwoze

Proverbios 8:35

Pichus noqata tariwajqa kawsayta tarin, jinallataj Tata Diospa khuyakuynintapis tarillanqataj.

Proverbios 3:18

Yachayniyoj kayta pichus tarejpajqa kawsay sach'a jina. Kusikuyniyojmin kanku chayta jap'ispa mana kacharejkunaqa.

Proverbios 2:7

Paymin cheqanta purejkunaman sumaj yachayta qon. Mana juchayojkunapajqa paymin jark'akunanku escudo.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 12:50

Noqa yachani Tataypa kamachisqanta kasojkunaqa wiñay kawsayman yaykunankuta. Chayrayku Tatay tukuy imatachus parlanayta kamachiwasqanta qankunaman willarqaykichej, nispa.

Proverbios 11:4

Juicio p'unchaypi qhapaj kanaqa mana payta yanapanqachu. Cheqan kawsayniyoj runarí wañuymanta kacharichisqa kanqa.

Jueces 9:15

Khishkarara sach'ataj paykunata nisqa: Sichus cheqamanta kuraj kamachejniykichej kanayta munankichej chayqa, llanthuy uraman tukuyniykichej jamunaykichej tiyan. Manatajchus kuraj kamachejniykichej kanayta munankichej chayrí, noqamanta llojsispa, nina lawray tukuy Libanopi kaj pinokunata ruphaykonqa, nispa.

Filipenses 3:8

Cheqapuni ñawpajta imachus kasqayta qhasi manakajpaj qhawani, Tukuyta Kamachej Jesucristowan kawsakuna tukuy imamanta nisqaqa aswan sumaj kasqanrayku. Cristota munakusqayrayku noqa chay tukuy imata qhesachani, jinataj Cristota kasunayrayku q'opata jina qhawani, paywan ujchasqa kanaypaj.

Isaías 33:6

Paymin allin kawsayta qosunkichej, jinallataj yachayta, yuyayta qosonqachej, chantá kacharichillasonqachejtaj. Tata Diosta may jatun respetowan qhawayqa may jina valorniyojpuni.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Proverbios 9:11

Yachayniyoj kaspa, unayta kawsanki, kawsayniykimantaj ashkha watawan yapakonqa.

Proverbios 2:11

Reparakuyta yachayqa allinta qhawasonqa, sumaj yachayniyoj kaypis waqaychasonqa.

Salmos 57:1

1 (2) Khuyarikuway noqamanta, Diosníy, khuyarikullaway. Qan waqaychanawaykita mask'ani, sinch'i llakiy pasanankama lijrayki urapi pakakuyta munani.

Job 1:10

Manachu qan tukuy imamanta payta, ayllunta, jinataj tukuy iman kajtapis waqaychanki? Qan tukuy ima ruwasqanpi yanapanki. Chayrayku paypa uywan manchayta mirasqanrayku, tukuy kay cheqanejman junt'aykushan.

Deuteronomio 32:47

Kay nisqayqa mana qhasi manakajllachu, imaraykuchus kawsanaykichejqa chaymanta kashan. Sichus qankuna kasunkichej chayqa, kunan Jordán mayu chimpapi jap'inkichej chay jallp'api, unayta kawsankichej, nispa.

Isaías 30:2

Usqhay usqhayta Egiptoman rerqanku mana noqata tapuriwaspalla, faraonwan yanapachikunankupaj, Egiptoj ojllayninpitaj waqaychasqa kanankupaj.

Proverbios 14:20

Wajcha runataqa kawsaqenkunapis chejninku. Qhapaj runatarí tukuy munakunku.

Eclesiastés 2:13

Noqataj repararqani, yachayniyoj kayqa mana yuyayniyoj kaymanta astawan allin kasqanta, imaynachus k'anchayqa laqhayaymanta aswan allin, ajinata.

Eclesiastés 7:19

Yachayqa yachayniyoj runata mayta kallpachan uj llajtapi chunka kallpayoj runakunamanta astawanraj.

Eclesiastés 9:16

Chantá noqa nerqani: Yachayniyoj kayqa astawan allinmin kallpayoj kanamanta nisqaqa. Chaywanpis wajcha runaj yachaynenqa pisipaj qhawasqa, nisqantataj ni pi kasuta ruwanchu.

Eclesiastés 9:18

Maqanakupaj armakunamanta nisqaqa, yachayniyoj kay aswan allin. Chaywanpis uj pantaylla ima allin kajtapis urmachin.

Eclesiastés 10:19

Mikhuykunaqa kusikunapaj, vinotaj sonqota kusichinapaj. Qolqetajrí tukuy imata ruwanapaj allinmin.