Eclesiastés 4:8 - DIOSPA QHELQACHISQ

⁸ Mana piniyoj runata rikorqani, mana kawsaqeyojta, nitaj wawayojta, nillataj wawqenkunapis karqachu. Chaywanpis payqa ni jayk'aj ruwasqanmanta samarikorqachu. Qhapajyayta munaspallapuni, mana sayk'orqachu, nitaj tapurikorqachu: Pipajtaj kay jinata llank'ashaniri, mana mikhusqa, nitaj ujyasqari? nispa. Chaypis qhasi manakajlla, jatun llakiytaj kasqanta repararqani.

Qheshwa Biblia DC

⁸ Uj sapan kaj runaqa mana yanapayniyoj, ni jayk'aj samarikunchu ima ruwaymantapis, qhapajyayninta qhawaspallapuni mana sayk'unchu, nitaj tapurikunchu: Pipajtaj kay jinata llank'ashaniri, almayta allin imasmanta ch'aukiyaspari?, nispallapis. Chaypis qhasi mana kajlla, qhasi mana kajpajtaj llank'arqa.

DIOSPA QHELQACHISQAN DEUTEROCANONICAL

⁸ Mana piniyoj runata rikorqani, mana kawsaqeyojta, nitaj wawayojta, nillataj wawqenkunapis karqachu. Chaywanpis payqa ni jayk'aj ruwasqanmanta samarikorqachu. Qhapajyayta munaspallapuni, mana sayk'orqachu, nitaj tapurikorqachu: Pipajtaj kay jinata llank'ashaniri, mana mikhusqa, nitaj ujyasqari? nispa. Chaypis qhasi manakajlla, jatun llakiytaj kasqanta repararqani.

Eclesiastés 4:8 Referans Kwoze

1 Juan 2:16

Kay pachapi kaykuna tiyan: Juchallinaman aysaj sonqoj mana allin kajta munaynin, ñawej rikusqanta imata jina munapayay, imatachus tarisqanmanta chayrí kapuyninmanta runaykachay ima. Chay tukoyqa mana Tata Diosmantachu, manachayqa Diosman mana kutirikojkunamanta.

Proverbios 27:20

Wañuywan, ukhu pachawan ima mana jayk'aj sajsankuchu. Jinallataj runaj munapayayninpis mana sajsakunchu.

San Lucas 12:20

Diostajrí payta nisqa: Wampu runa, kunan ch'isipacha wañunki. Jinaqa pipajtaj kanqa chay tukuy ima tantasqaykiri? nispa.

Eclesiastés 1:8

Tukuy imapis sayk'uchikullan. Chaytaqa mana pipis sut'inchayta atinchu. Ñaweqa rikuspa, mana sajsakunchu, nitaj ninripis uyarispa, sayk'unchu.

San Mateo 11:28

Noqaman jamuychej, tukuy sayk'usqa kajkuna, llasa q'epiyojkuna ima, noqataj samarichisqaykichej.

Eclesiastés 1:13

Chantá tukuy sonqoywan, tukuy yachaywantaj mask'aspa, kay pachapi tukuy ima ruwakusqanmanta yachayta munarqani. Kay sinch'i ruwanata Dios runaman qorqa, chayta ruwaspapuni kawsananchejpaj.

Isaías 5:8

Imallachus kanqa qankunapaj, ashkha wasita, jatun jallp'ata jap'ikapojkuna. Wajkunapajtaj ni imata saqenkichejchu, qankunallapis kay jallp'a patapi kawajchej jina.

Eclesiastés 5:10

10 (9) Pichus qolqeta munakojqa astawanpuni munan. Qhapaj kayta munakojqa mana imawan sonqo junt'asqa kayta atinchu. Chaypis qhasi manakajlla kasqanta repararqani.

Salmos 39:6

6 (7) Tukuy runaqa llanthu jinalla pasapunku. May jinata qhapajyanapis qhasi manakajlla, paykunataj mana yachankuchu pipajchus kananta.

Génesis 2:18

Chaymanta Tata Dios nillarqataj: Runa sapallan kananqa mana allinchu. Paywan kananpaj, paypaj jina uj yanapajta ruwapusaj, nispa.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej mikhunallapiri? Allinta uyariwaychej, jinaspataj allin kajmanta mikhunkichej, sumaj mikhuykunawantaj misk'irichikuychej.

Eclesiastés 2:23

Tukuy kawsayninpi llakiyllapuni tiyan, ima ruwasqanpis phutiylla. Tutantin yuyaynenqa mana samarinchu. Chaypis qhasi manakajlla kasqanta repararqani.

Eclesiastés 2:21

Runaqa chay jina yachaywan, sumaj yuyaywan, sumajta qhawaspa llank'an. Chaywanpis tukuy imatachus tarisqanta ni imatapis ruwajman saqenqa. Chaypis qhasi manakajlla kasqanta repararqani, jatun llakiytaj.

Eclesiastés 4:7

Ujtawan qhawarispataj, kay pachapi kaytawan qhasi manakajlla kasqanta rikorqani.

Salmos 39:7

7 (8) Jina kajtenqa, Tukuyta Kamachej Dios, imatañataj suyakuymanri? Qanlla yanapanawaykita suyakuni.

Eclesiastés 5:9

9 (8) Tukuypis jallp'aj poqosqanmanta mikhunku. Kikin kuraj kamachejpis chayllamantataj mikhun.