Eclesiastés 4:1 - DIOSPA QHELQACHISQ

¹ Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

Qheshwa Biblia DC

¹ Noqa rikuni kay pachapi runasqa tukuy sajra imasta ruwasqankuta. Wajcha runaspa waqasqankuta, mana pipis sonqochaykurej kanchu. Enemigosninkoqa manchayta ñak'arichinku, ni pipis paykunaman sayakoj kanchu sonqochaykurinampaj.

DIOSPA QHELQACHISQAN DEUTEROCANONICAL

¹ Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

Eclesiastés 4:1 Referans Kwoze

Eclesiastés 3:16

Kay pachapi rikullarqanitaj justicia kananmantaqa millay ruwaylla kasqanta, imapis cheqan kananmantaqa mana allin kajlla kasqanta.

Eclesiastés 5:8

8 (7) Ichapis may llajtapi wajchakunata ñak'arichejta rikunki, cheqan kajtapis manakajman tukuchejta rikullankitaj. Chayta rikuspa, ama t'ukuychu. Uj kamachejtaqa uj kuraj kaj pakan, paytataj uj astawan kuraj kajñataj pakan. Paykunaj ruwasqankutapis astawan kuraj kaj pakashallantaj.

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.

San Mateo 26:56

Chaywanpis kay jinata ruwashankichej, imaraykuchus Diosmanta sut'inchajkunaj nisqankoqa junt'akunan tiyan, nispa. Chantá tukuynin yachachisqankuna Jesusta sapallanta saqerparispa, ayqerikaporqanku.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Lamentaciones 1:9

P'achanqa millay ch'ichi kashan, manataj yuyarqachu imapichus rikhurinanta. Chayrayku payqa t'ukunata urmarqa, manataj pipis sonqochaykurej kanchu. Qhawariy ari, Tata Dios, llakiyniyta, awqaypis manchayta runaykachasqankuta.

Lamentaciones 1:2

Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

Isaías 51:23

Noqatajrí chay copata ñak'arichisojkunamanñataj qosaj, pikunachus nisoj kanku: Pampaman siriykuy, pataykita purinaykupaj, nispa, chaykunaman. Qanqa paykunata kasuspa, pampaman sirerqanki, paykunataj pataykita ñanta jina purerqanku, nispa.

Salmos 42:9

9 (10) Jark'akuwaj Diosniyta nini: Imaraykutaj qonqawankiri? Imaraykutaj awqaykunaj sarusqan, llakisqataj purinay tiyan? nispa.

Salmos 42:3

3 (4) Mikhunayqa tuta p'unchay waqaynillay, runakunataj sapa kuti tapushawanku: Maytaj Diosniykiri? nispa.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Job 35:9

Sinch'i sarunchasqa kaspa, runakuna qhaparinku, atiyniyojkunamanta pipis kacharichinanta mask'allankutaj.

Isaías 59:7

Chakinkoqa mana allin ruwayllaman paykunata apan, paykunataj usqhayta rinku mana juchayojta wañuchinankupaj. Paykunaqa juchallispa puriyllapipuni yuyanku. Maymanchus risqankupeqa ñak'ariyta, waqanatawan apanku.

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.

Malaquías 2:13

Qankunarí mana chayllatachu ruwankichej. Tata Diospa altarninta waqaywan p'ampaykunkichej, sonqo nanayta waqaspa, imaraykuchus Tata Diosqa ofrendaykichejta mana tukuy sonqochu jap'ikun.

Eclesiastés 7:7

Kallpaman atinikuspa sajrata ruwanaqa yachayniyojta wampuyachin. Lluk'inataj runaj sonqonta mana allinman tijrachin.

Proverbios 28:3

Wajcha runa wajcha masinmanta suwajqa chajrata chinkachej llojlla para jina.

Salmos 142:4

4 (5) Pañanejman kutirikuspa qhawani, manataj pipis yanapaj jamoj kanchu, nitaj pipis noqaman kutikuwaj kanchu. Manallataj pipis noqata qhawariwajqa kanchu.

Salmos 80:5

5 (6) Qanqa waqayniykuta mikhuchiwayku, ashkha waqayniykutataj ujyachiwayku.

Salmos 69:20

20 (21) Alqochakuwasqankumanta sonqoy p'akisqa kashan, mana kallpayoj, uj jinayasqa kashani. Noqaqa sonqochawajta, noqamanta khuyakojta ima qhasillata mask'arqani, manataj tarerqanichu.

Job 16:4

Sichus qankuna noqa jina kawajchej chayqa, noqapis qankuna jina parlayman, qankunaj contraykichejta sinch'ita parlayman. Umayta khiwirispa qankunata kusipayayman.

Job 6:29

Parlasqaykichejmanta kutiriychej, ama qhasimanta juchachawaychejchu. Cheqanta parlasqayta rimariychej.

Jueces 4:3

Jabinpata 900 fierromanta carretankuna karqa. Payqa iskay chunka watataña israelitakunata sinch'ita ñak'aricherqa, chayraykutaj paykunaqa Tata Dios yanapananta mañakorqanku.

Deuteronomio 28:48

Chayrayku Tata Dios contraykipi kachaykamususqan awqaykej wata runan kanki. Jinallataj mikhunamanta, yakumanta, p'achamanta, chantá tukuy imamanta pisichikuyta rikuspa ñak'arinki. Tata Diosqa tukukunaykikama wata runata jina sinch'i ruwanaman churasonqa.

Deuteronomio 28:33

Jallp'aykipi poqochisqaykita, chantá llank'aspa imatachus tarisqaykitawan mana rejsisqayki runakuna mikhukaponqanku. Jinallataj sapa kuti sarusqa, chantá k'umuykachachisqa ima kanki.

Éxodo 1:22

Faraontajrí tukuy Egipto llajtayojkunata kamacherqa: Israelitakunaj qhari wawanku paqarejkunamanta tukuyninkuta Nilo mayuman wijch'uychej. Warmi wawakunatatajrí ama imanaychejchu, nispa.

Éxodo 1:16

Israelitakunaj warminkuna onqokushajtinku, allinta qhawankichej. Qhari wawa kajtenqa, wañuchinkichej. Warmi wawatatajrí kawsajta saqellankichej, nispa.

Proverbios 19:7

Wajcha runataqa wawqenkunapis chejninku. Astawanraj kawsaqenkunaqa paymanta karunchakonqanku. Yanapanankuta mask'aspapis, mana tarenqachu.

Eclesiastés 8:9

Kay pachapi runakunaj tukuy ima ruwasqankuta waturispa, unancharqani: Runaqa runa masinta ñak'arichinanpaj atiyniyoj.

Jeremías 16:7

Chay wañojpa ayllunta sonqochanapaj mana pipis qorpachuta ruwanqachu, ni tatan wañupojtin, chayrí maman wañupojtinpis.

Lamentaciones 1:16

Chayrayku noqa waqaykushani, ñawiypis waqaywan junt'a kashan. Mana piniypis sonqochanawanpaj kanñachu, nitaj pipis kallpachawajneyqa kanñachu. Wawaykunaqa thuñisqa llajtapi qhepakunku, awqayku atipaykuwasqaykurayku.

Job 9:24

Kay pachata millayta ruwajkunaj makinkuman saqen, juezkunaj ñawinkutataj wisq'aykun. Sichus chayta mana Dioschu ruwan chayqa, pitaj ruwanri?

Salmos 69:21

Mikhunata qonawankutaqa, jayaq'ellata qowarqanku. Ch'akiwajtintaj, k'allku vinollata ujyachiwarqanku.

Salmos 142:5

5 (6) Tata Dios, qanman qhaparikamuyki, niykitaj: Qanllamin pakakunay kanki, kay pachapi tukuy kapuyneyqa qanlla kanki.

Proverbios 29:2

Cheqan runakuna kamachejtinku, llajtayojkuna mayta kusikunku. Millayta ruwaj runakuna kamachejtinkurí, llajtayojkuna llakikunku.

Lamentaciones 1:17

Sión llajta makinta jaywarikamun yanapanankuta mañakuspa, manataj pipis kanchu payta sonqochaykurej. Tata Diosqa Jacobpa contranta kamachin qayllanpi suyukuna awqankuna kanankuta. Jerusalentaj paykunaj chawpinkupi millachikunaman tukun.

Amós 3:9

Asdod llajtapi kamachina wasikunapi, Egipto suyupi kamachina wasikunapi ima kayta willaychej: Samaria orqoman jamuychej, qhawaychejtaj imaymana ch'ajwa chantá ñak'ariy ima kasqanta, nispa.

Amós 3:10

Tata Dios nin: Aylluymanta kajkuna mana imatapis cheqanta ruwayta yachankuchu. Kamachinanku wasipi waqaychanku kallpankuman atinikuspa suwasqankuta, qhechusqankuta ima, nispa.