Eclesiastés 2:10 - DIOSPA QHELQACHISQ

¹⁰ Tukuy ima munasqayta ruwaspa, chay ruwasqaywan sonqoyta kusicherqani. Tukuy llank'asqaypi mayta kusikorqani, chay kusikuytaj llank'asqaymanta t'inkay karqa.

Qheshwa Biblia DC

¹⁰ Ñawisniypa tukuy rikusqanta ruwarqani. Imaswanchus sonqoy kusikuyta munan, chaytapis ruwarqani. Tukuy llank'asqaywan mayta kusikorqani. Kay kusikuyneyqa chay ruwasqasniymanta t'inkaymin.

DIOSPA QHELQACHISQAN DEUTEROCANONICAL

¹⁰ Tukuy ima munasqayta ruwaspa, chay ruwasqaywan sonqoyta kusicherqani. Tukuy llank'asqaypi mayta kusikorqani, chay kusikuytaj llank'asqaymanta t'inkay karqa.

Eclesiastés 2:10 Referans Kwoze

Eclesiastés 9:9

Tata Dios kay pachapi pisi kawsallayta qosusqanrayku, munakusqayki warmiwan kawsakuspa, sapa p'unchay kusikuy. Chayllamin qanpaj kay pacha kawsayniykipi, sinch'ita llank'asqaykimanta t'inkaykeqa.

Eclesiastés 5:18

18 (17) Chayta rikuspa, noqa nini: Allinpuni runapaj mikhunan, ujyanan, kusikunan ima sinch'ita ruwaspa tarisqanmanta, Diospa qosqan chay pisi kawsaypi. Chaymin runaj t'inkanqa.

Eclesiastés 3:22

Chaynejta noqa repararqani runapajqa astawan allin llank'aspa tarisqanwan kusikunan, imaraykuchus chaypuni runapaj churasqa kashan. Mana pipis payman rikuchenqachu wañupusqan qhepata imachus kananta.

Salmos 119:37

Ama saqeychu ari ñawiy manakajta qhawananta. Munasqaykiman jina purinaypaj kawsayta qoway.

Salmos 128:2

Llank'asqaykimanta mikhunki. Tukuy imapi allin risonqa, kusiy kawsaytataj rikunki.

1 Juan 2:16

Kay pachapi kaykuna tiyan: Juchallinaman aysaj sonqoj mana allin kajta munaynin, ñawej rikusqanta imata jina munapayay, imatachus tarisqanmanta chayrí kapuyninmanta runaykachay ima. Chay tukoyqa mana Tata Diosmantachu, manachayqa Diosman mana kutirikojkunamanta.

Eclesiastés 2:22

Chayrayku imatataj runa tarin chay jinatapuni kay pachapi llank'asqanmanta, phutikusqanmantawan imari?

Eclesiastés 11:9

Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Eclesiastés 6:9

Imachus runaj makinpiña kashan, chayqa aswan allin, imatachus munapayaspalla mana tariyta atinchu, chaymanta nisqaqa. Chaypis qhasi manakajlla, wayra jap'iyta munay jinalla kasqanta repararqani.

Proverbios 23:5

Qhapajyayqa mana unaypajchu, qhawarinaykipajtaj manaña kanqachu. Anka jina phawaspalla chinkapun.

Job 31:1

Chantá Job ujtawan parlayta qallarerqa: Noqa sonqoypi nerqani, sipaskunawan puñuykuyta mana munapayanayta.

Jueces 14:2

Jinapi wasinman kutipuspa, tatankunaman willarqa: Timnat llajtapi Filisteamanta uj sipasta rikuni, payta warmiypaj mañaqampunawaykichejta munani, nispa.

Génesis 6:2

Diospa churinkunarí runakunaj ususinkuna k'achita kasqankuta rikuspa, casaranankupaj munasqankuman jina ajllakorqanku.

Génesis 3:6

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

Eclesiastés 5:10

10 (9) Pichus qolqeta munakojqa astawanpuni munan. Qhapaj kayta munakojqa mana imawan sonqo junt'asqa kayta atinchu. Chaypis qhasi manakajlla kasqanta repararqani.

Eclesiastés 6:2

Diosqa qhapajyachispa, runaman tukuy imata qon, allinpaj qhawasqa kayta, imatachus munasqanta ima. Chaywanpis Dios mana chay runata imatachus tarisqanwan kusikunanta saqenchu, manachayqa wajkunaraj imatachus tarisqanmanta kawsanku. Chayqa jatun llakiy, qhasi manakajllataj kasqanta repararqani.

Eclesiastés 9:6

Wañojtinku, munakuyninku, chejnikuyninku, envidiakuyninku ima tukukapullantaj. Jinamanta kay pachapi manaña imatapis ruwaysikonqankuñachu.

Eclesiastés 2:1

Chantá sonqoypi nerqani: Imaynachus kusikuy kasqanta yachanaypaj kunan munasqayta ruwasaj, chantapis mayta kusikusaj, nispa. Chaypis qhasi manakajlla karqa.

Eclesiastés 2:24

Runapajqa aswan allin mikhunan, ujyanan, ruwaspa imatachus tarisqanmanta kusikunan ima. Noqataj repararqani chay tukuy imaqa Diospa qosqan kasqanta.

Eclesiastés 5:17

17 (16) Runaqa kawsan llasa q'epiwan atiykusqa jina, llakisqalla, sonqo q'asalla, ñak'arispa, phiñasqallataj.

Eclesiastés 8:15

Chayrayku noqa nini: Kusikuna aswan sumajmin, nispa. Runaqa kayta ruwaspa allinta ruwanqa, mikhunan, ujyanan, kusikunan ima, imaraykuchus runaqa chayllata tukuy ruwasqanmanta tarenqa, kay pachapi Dios kawsayta qonankama.