Eclesiastés 11:8 - DIOSPA QHELQACHISQ

⁸ Runaqa unaytapis kawsachun, kawsanankama may jinatapis kusikuchun, mana allin p'unchaykuna chayamunanta yuyarinan tiyan. Chay tukuy ima qhepanejman imachus jamojqa, chaykunapis qhasi manakajlla.

Qheshwa Biblia DC

⁸ Uj runaqa unay watastapis kausachun, may jinatapis kusikuchun, yuyarikunampuni tiyan ashkha laqhayay p'unchaykuna kananmanta. Qhepaman chay tukuy imas jamunan kashan chaykunapis qhasi mana kajlla.

DIOSPA QHELQACHISQAN DEUTEROCANONICAL

⁸ Runaqa unaytapis kawsachun, kawsanankama may jinatapis kusikuchun, mana allin p'unchaykuna chayamunanta yuyarinan tiyan. Chay tukuy ima qhepanejman imachus jamojqa, chaykunapis qhasi manakajlla.

Eclesiastés 11:8 Referans Kwoze

San Juan 12:35

Chantá Jesús paykunaman kuticherqa: K'anchayneyqa pisi p'unchaytawanraj qankunata k'anchasonqachej. K'anchaypi puriychej, ama laqhawan jap'ichikunaykichejpaj. Laqhapi purejqa mana yachanchu maynintachus rishasqanta.

Deuteronomio 32:29

Sichus paykuna yuyayniyoj kankuman chayqa, reparakunkuman imapichus tukukunankuta.

Joel 2:2

Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Eclesiastés 7:14

Allin risojtenqa, kusikuy. Mana allin risojtinrí, sumajta unanchakuy, imajtinchus allinpi kayta, mana allinpi kaytapis Diospuni qon. Chayrayku runaqa imachus qhepaman jamunanta mana yachayta atinchu.

Judas 1:18

Paykuna ajinata nispa, yuyaychasorqachej: Qhepanejman tukuy imamanta alqochakojkuna rikhurimonqanku, chaykunataj sonqonkoj millay munasqanman jina purenqanku, nispa.

Jeremías 13:16

Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Eclesiastés 8:15

Chayrayku noqa nini: Kusikuna aswan sumajmin, nispa. Runaqa kayta ruwaspa allinta ruwanqa, mikhunan, ujyanan, kusikunan ima, imaraykuchus runaqa chayllata tukuy ruwasqanmanta tarenqa, kay pachapi Dios kawsayta qonankama.

Eclesiastés 8:12

Juchasapaqa pachaj kutita juchallikuspapis, unayta kawsan. Jinapis yachallarqanitaj, pikunachus Diosta may jatun respetowan qhawaspa kawsakunku, chaykunata allinpuni rinanta.

Eclesiastés 6:11

Anchata parlaspaqa, qhasi manakaj thawtinallata parlasunman, manataj imapajpis allinchu.

San Mateo 22:13

Jinapi kuraj kamachejqa kamachinkunata nisqa: Kay runataqa chakin, makin watasqata jawa laqhaman wijch'uychej, maypichus waqay, kiru k'arukuytaj kanqa, chayman, nispa.

Eclesiastés 6:6

Ichá pipis 2.000 watata kawsayta atinman, chaywanpis tiyapuyninmanta mana kusikunmanchu. Chaywanpis manachu tukuypis uj cheqallaman rinku?

Eclesiastés 4:16

Chay waynatataj ashkha mana yupay atina runa qhaterqanku. Chaywanpis qhepaman jamojkunaqa paywan amichikonqanku. Chaypis qhasi manakajlla, wayra jap'iyta munay jinalla kasqanta repararqani.

Eclesiastés 4:8

Mana piniyoj runata rikorqani, mana kawsaqeyojta, nitaj wawayojta, nillataj wawqenkunapis karqachu. Chaywanpis payqa ni jayk'aj ruwasqanmanta samarikorqachu. Qhapajyayta munaspallapuni, mana sayk'orqachu, nitaj tapurikorqachu: Pipajtaj kay jinata llank'ashaniri, mana mikhusqa, nitaj ujyasqari? nispa. Chaypis qhasi manakajlla, jatun llakiytaj kasqanta repararqani.

Eclesiastés 2:26

Diosqa pichus payta kusichejman jatun yachayta, yuyayniyoj kayta, jinallataj kusikuytawan qon. Jinataj Diosqa saqellan juchasapa runa tukuy imata tantananta, qhapajyanantapis, pichus Diosta kusichejman qonanpaj. Chaypis qhasi manakajlla, wayra jap'iyta munay jinalla kasqanta repararqani.

Eclesiastés 2:19

Pitaj yachan qhepayta jamoj yachayniyojchus, chayrí wampuchus kanantari? Imatachus noqa kay pachapi mayta sayk'uspa, may yachayniywan ruwaspa tarisqayta, pay jap'enqa. Chaypis qhasi manakajlla kasqanta repararqani.

Eclesiastés 2:17

Chayrayku, kay pachapi kawsayta chejnerqani, ruwasqaytaj noqapaj llasa karqa. Tukuy ima qhasi manakajlla, wayra jap'iyta munay jinalla kasqanta repararqani.

Eclesiastés 2:15

Chaymanta sonqoypi nerqani: Imachus wampu runata qhatirin, chayllataj noqatapis qhatiriwanqa. Jina kajtenqa, ima allintaj yachayniyoj kasqayri? Chaypis qhasi manakajllataj kasqa, nispa.

Job 18:18

K'anchaymanta laqhayayman payta wijch'onqanku, kay pachamantataj payta qharqonqanku.

Job 15:23

Ayanqa suwintukunaj mikhunan kanqa, payqa wañunan qayllallapiña kasqanta yachan.

Job 14:10

Runarí wañupuspa, tukukapun. Runa wañupuspaqa, maymantaj rinri?

Job 10:22

Tuti laqha llajtaman ripusaj, chaypitaj k'anchayqa tuti laqha jinallataj kashan, nispa.

Eclesiastés 9:7

Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Eclesiastés 11:2

Tiyapususqanmanta atisqaykiman jina wajkunaman qoriy, imaraykuchus mana yachankichu ima mana allinchus qhepaman jamunanta.

Job 10:21

manaraj mana jayk'aj kutirimuyniyojta ripushajtiy, laqha wañuy llanthu suyuman.

Job 14:12

Janaj kanankamarí, runaqa jallp'aj sonqonmanta mana jatarimonqachu, puñusqanmanta mana rijch'arimonqachu.

Salmos 49:20

20 (21) Runaqa qhapaj kashaspapis, mana wiñaypajchu kawsanqa, animalkuna jinallataj wañonqa.