Eclesiastés 1:3 - DIOSPA QHELQACHISQ

³ Imatataj runa tarin chay jina sinch'ita kay pachapi llank'asqanmantari?

Qheshwa Biblia DC

³ Kay pacha runaqa chay jina apura apurata, qhasi mana kajllapaj tukuy imatapis ruwan.

DIOSPA QHELQACHISQAN DEUTEROCANONICAL

³ Imatataj runa tarin chay jina sinch'ita kay pachapi llank'asqanmantari?

Eclesiastés 1:3 Referans Kwoze

Eclesiastés 3:9

Runa ima allintataj tarin chay jinatapuni llank'asqanmantari?

Eclesiastés 5:16

16 (15) Kaypis manallataj allinchu: Imaynatachus kay pachaman jamorqa, kikillantataj kutiponqa. Jina kajtenqa, imapajtaj chay jinatapuni qhasi manakajta llank'arqari?

Eclesiastés 2:22

Chayrayku imatataj runa tarin chay jinatapuni kay pachapi llank'asqanmanta, phutikusqanmantawan imari?

Eclesiastés 2:11

Chantaqa tukuy ima ruwasqayta watorqani, sinch'ita llank'aspa imakunatachus ruwasqayta. Chantá tukuy ima qhasi manakajlla kasqanta repararqani, wayra jap'iyta munay jinalla kasqanta. Kay pachapi mana imatapis sonqoy junt'asqa kananpaj tarerqanichu.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Mateo 16:26

Ima allintaj runapaj kanman, sichus kay pachaj tukuy kapuyninta jap'ispapis mana wiñay kawsayman yaykunmanchu chayqa? Manachayqa, imatataj pipis paganman wiñay kawsayniyoj kananpajri?

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej mikhunallapiri? Allinta uyariwaychej, jinaspataj allin kajmanta mikhunkichej, sumaj mikhuykunawantaj misk'irichikuychej.

Eclesiastés 2:19

Pitaj yachan qhepayta jamoj yachayniyojchus, chayrí wampuchus kanantari? Imatachus noqa kay pachapi mayta sayk'uspa, may yachayniywan ruwaspa tarisqayta, pay jap'enqa. Chaypis qhasi manakajlla kasqanta repararqani.

Habacuc 2:13

Tukuy Atiyniyoj Tata Diostajrí sayk'uy sayk'uywan tukuy ruwasqaykita qhasi manakajman tukuchenqa, imaraykuchus chay tukuy ruwasqayki ninawan ruphachisqa kanqa.

Eclesiastés 9:13

Kay pachapi ujta rikusqaymanta ashkhata yacharqani:

Eclesiastés 9:6

Wañojtinku, munakuyninku, chejnikuyninku, envidiakuyninku ima tukukapullantaj. Jinamanta kay pachapi manaña imatapis ruwaysikonqankuñachu.

Eclesiastés 9:3

Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

Eclesiastés 7:11

Yachayniyoj kayqa uj chayaqe jina, manchay sumajpuni kay pachapi tiyakoj runapaj.

Eclesiastés 6:12

Cheqapuni mana pipis yachanchu paypaj imachus astawan allin kananta, imaraykuchus chay tukuy qhasi manakaj ruwasqanqa llanthu jinalla chinkarin. Wañupusqanmanta qhepaman, imachus kay pachapi kananta, pitaj runaman willanqari?

Eclesiastés 5:18

18 (17) Chayta rikuspa, noqa nini: Allinpuni runapaj mikhunan, ujyanan, kusikunan ima sinch'ita ruwaspa tarisqanmanta, Diospa qosqan chay pisi kawsaypi. Chaymin runaj t'inkanqa.

Eclesiastés 4:3

Chaywanpis manaraj paqarejkunaqa chay iskaymanta nisqaqa astawan kusisqaraj kanku, imaraykuchus paykunaqa manaraj kay pachapi millay ruwaykunata rikunkurajchu.

Habacuc 2:18

Lanti ruwasqaña kaspa, ima allinpajtaj kanman? Ima allinpajtaj kanman llullaman pusaj lantiri? Chay lantikunaqa mana parlayta atinkuchu. Chayrayku pichus chaykunata ruwaj, imaynatataj chaykunapi atinikunmanri?

Eclesiastés 4:7

Ujtawan qhawarispataj, kay pachapi kaytawan qhasi manakajlla kasqanta rikorqani.

1 Corintios 16:16

Noqa tukuy sonqo mañarikuykichej Estefanasta kasunaykichejta, jinallataj pay jina yanapakojkunata, chantá Diospa ruwananta tukuy sonqo ruwajkunata ima.

Eclesiastés 2:18

Jinallataj kay pachapi mayta sayk'uspa, tukuy ima ruwasqayta chejnerqani, imaraykuchus chay tukuyta qhepata jamojman saqenay kanqa.